ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mlbvnxMp?d=n&ui=v64j8rk&e1=cപെയ്തൊഴിയാതെ ഭാഗം.. 45 ****** റഫീഖ് മുന്നിലും മാഹിറ അവന്റെ തൊട്ട് ബാക്കിലുമായ് നടന്നു. വീടിന്റെ മുൻപിൽ എത്തിയതും അവൻ അവളെയൊന്ന് തിരിഞ്ഞു നോക്കികൊണ്ട് കോളിങ് ബെൽ അമർത്തി. ***** ഉമ്മ.. വാതിൽ വന്ന് തുറന്നതും റഫീഖിന്റെ കൂടെ നിൽക്കുന്ന ആളെ കണ്ടതും ഉമ്മയൊന്ന് ഞെട്ടി.... റഫീഖേ...... എന്താ ഇതിനർത്ഥം. ഇതാണോ നീ..പൊയപ്പോൾ പറഞ്ഞ തീരുമാനം.. അതെ... ഇതായിരുന്നു എന്റെ തീരുമാനം...അവനെ താലോലിക്കാനും, സ്നേഹിക്കാനും, പോറ്റിവളർത്താനും എല്ലാവരേക്കാളും അവകാശം ഉള്ള ആൾ അവന്റെ സ്വന്തം ഉമ്മ...ഇനി എന്റെ മോനെ നോക്കി ഉമ്മ ക്ഷീണിക്കില്ല അവന്റെ പൂർണ്ണ ഉത്തരവാദിത്വമിനി ഇവൾക്കായിരിക്കും. ഞാൻ സമ്മതിക്കില്ല.. കണ്ടവന്റെ കൂടെ ഇറങ്ങിപ്പോയ ഇവളെ ഇവിടെ താമസിപ്പിക്കാൻ പറ്റില്ല...ഇനിയും അതാവർത്തിക്കില്ലന്ന് എന്താ ഉറപ്പ്... ഉമ്മാാാ......... റഫീഖ് അലറിക്കൊണ്ട് വിളിച്ചു... ഇയ്യ് അലറണ്ട ഉണ്ടാവാൻ പോകുന്ന കാര്യം തന്നെയാ ഞാൻ പറഞ്ഞത്...കണ്ടവന്റെ കൂടെ ഒരാഴ്ച്ച കിടന്നവളെ വീണ്ടും ഭാര്യയാക്കി കൊടുന്നിരിക്കുന്നു... നാണം എന്നൊന്ന് ഉണ്ടോ നിനക്ക്. ഉമ്മ അവളെ ദേഷ്യത്തോടെ നോക്കികൊണ്ട് റഫീഖിന് നേരെ ചോദ്യങ്ങൾ എറിഞ്ഞു. റഫീഖ് ഒന്നും മിണ്ടാതെ മാഹിറയെ ഒന്ന് നോക്കികൊണ്ട് അകത്തേക്ക് കയറിപോയ്.. ഉളുപ്പുണ്ടോടി നിനക്ക് അവന്റെ കൂടെ ഇങ്ങോട്ട് കയറി വരാൻ ഒരിക്കെ അവനെ വേണ്ടെന്ന് വെച്ച് ഇറങ്ങിപോയതല്ലെ.. അസത്തെ ഇയ്യ്... ഞാൻ അങ്ങിനെ ഇറങ്ങി പോയിട്ടുണ്ടേൽ അതിന് കാരണക്കാർ നിങ്ങളും നിങ്ങളുടെ മോനൊക്കെ തന്നെയാ...അതുകൊണ്ട് വായിൽ തോന്നുന്നത് ഓരോന്ന് വിളിച്ച് പറയാതെ മാറിനിൽക്കുന്നുണ്ടോ നിങ്ങൾ..എനിക്ക് അകത്തേക്ക് കയറണം... അങ്ങിനെ ഇയ്യ് അകത്തേക്ക് കയറണ്ട ഇതെന്റെ വീടാ ഇവിടെ ആരൊക്കെ നിർത്തണമെന്ന് ഞാനാ തീരുമാനിക്കേണ്ടത്... അതുകൊണ്ട് വന്ന വഴിയിലേക്ക് തെന്നെ തിരിച്ചു പോകുന്നതാ നിനക്ക് നല്ലത്. തല്ക്കാലം നിങ്ങളെ പൂതി നടക്കാൻ പോകുന്നില്ല.. ഞാൻ എന്റെ ഇഷ്ടത്തിന് കയറി വന്നതല്ല...നിങ്ങളുടെ മോൻ അന്തസായി എന്റെ വീട്ടിൽ വന്ന് കൂടെ കൂട്ടിയതാ അതുകൊണ്ട് ഞാൻ കയറി താമസിച്ചിരിക്കും...എന്റെ മോന്റെ ഉമ്മയായി ഇവിടെ തുടരുകയും ചെയ്യും. നിങ്ങൾക്ക് എന്താ കാണിക്കാൻ പറ്റുന്നത് എന്ന് വെച്ചാൽ കാണിക്ക്. അല്ല.. പിന്നേ... വഴിമുടക്കാൻ വന്ന് നിൽക്കുന്നു... അതൊന്ന് എനിക്ക് കാണണമല്ലോ... കദീസുമ്മ അവളോടുള്ള ദേഷ്യം പല്ലിൽ തീർത്ത് കൊണ്ടിരുന്നു.. മാഹിറ അതൊന്നും കാര്യമാക്കാതെ ഡ്രെസ്സിന്റെ കവർ എടുത്ത് കദീസുമ്മയുടെ അരികിലൂടെ അകത്തേക്ക് കയറിപ്പോയ്... ഇവളെ എങ്ങിനെയെങ്കിലും അടിച്ചിറക്കണം... അവളുടെ ധൈര്യം കണ്ടില്ലേ.... ഒരു കൂസലും ഇല്ല... അല്ലേലും കുടുംബത്തിന് പറ്റിയബന്ധം അല്ലായിരുന്നല്ലോ.. ആദ്യമേ...ഇവൾ മാഹിറ നേരെ റൂമിലേക്ക് കയറി ചെന്നു. ബെഡിൽ ചെരിഞ്ഞു കിടന്ന് ഉറങ്ങുന്ന മോന്റെ അരികിൽ ചെന്നിരുന്നുകൊണ്ട് അവന്റെ പൂമേനിയിൽ തലോടി.. അവളെ കണ്ടതും റഫീഖ് വേഷം മാറി പുറത്തേക്കിറങ്ങി. മഹിറ ഡ്രെസ്സിന്റെ കവർ കബോർഡിലേക്ക് വെച്ചുകൊണ്ട്... വീണ്ടും അവന്റെ അരികിലായ് വന്നിരുന്നു....ഉറങ്ങികിടക്കുന്ന പൈതലിന്റെ... കവിളിൽ കുഞ്ഞി മുത്തങ്ങൾ കൊണ്ട് മൂടി...അവന്റെ കയ്യിലും, തലയിലും പതിയെ തലോടി... വീണ്ടും ഭാര്യയായ് കുഞ്ഞിന്റെ ഉമ്മയായ്‌ അവളെ സ്വീകരിച്ചതിലുള്ള സന്തോഷം മിഴിനീരായ്... കവിളിലൂടെ ഒലിച്ചിറങ്ങി... ******* ജുബി യാത്ര പുറപെടാനായ് ഡ്രെസ്സുകൾ ഓരോന്നായ് ബാഗിലേക്ക് മടക്കി വെക്കുന്നുണ്ടെങ്കിലും മാസത്തിൽ വരുന്ന വയറു വേദനകൊണ്ട് അവൾക്ക് ഒന്നിനും കഴിയുന്നുണ്ടായിരുന്നില്ല. വയറിൽ പൊത്തിപിടിച്ചും, വയറിൽ തലയിണ വെച്ച് കുനിഞ്ഞു ഇരുന്നുകൊണ്ടും അവൾ....ഓരോന്ന്... ഓരോന്നായ് എടുത്ത് വെച്ചുകൊണ്ടിരുന്നു. ജുബി... ഒരു നാലു ദിവസത്തിന് ഉള്ളത് വെച്ചോളൂ..ട്ടൊ... നാല് ദിവസമോ..അത്രയും ദിവസം നിൽക്കുമോ.. മ്... നിൽക്കും.. പോകുന്ന വഴി മോളെയും എടുക്കാം അവളെ ഒരുക്കി നിർത്താൻ ഞാൻ ഉമ്മാക്ക് വിളിച്ച് പറഞ്ഞിട്ടുണ്ട്.. എന്താ... ജുബി നിന്റെ മുഖം പെട്ടന്ന് മങ്ങിയത്. ഹേയ്... ഒന്നുല്ല.. ഞാൻ റഫീഖ്‌ മൊത്തുള്ള ഞങ്ങളുടെ ആദ്യത്തെയും അവസാനത്തെയും യാത്ര ഓർത്തു പോയ്‌ തന്റെ ഒരു കാര്യം എന്തൊക്കെ സന്തോഷം നിന്നിലൂടെ ഞാൻ കണ്ടത്താൻ ശ്രമിക്കുന്നോ അപ്പോഴൊക്കെയും വേണ്ടാത്ത ഓരോ കാര്യങ്ങൾ ഓർത്തും,പരിതപിച്ചും അതിന്റെ ത്രില്ലങ് കളയും... ഇല്ല...ഫാസി.. ഞാനൊന്നും പറയുന്നില്ല. ഞാൻ കാരണം ആരുടേയും സന്തോഷം ഇല്ലാതാവണ്ട. ശോ.. അപ്പോഴേക്കും പെണ്ണ് പിണങ്ങിയല്ലോ.. എനിക്ക് പിണക്കം ഒന്നുല്ല. അവൾ വീണ്ടും കൊണ്ട് പോകാനുള്ള സാധനങ്ങൾ എടുത്ത് വെക്കുന്നതിലേക്ക് ശ്രദ്ധ തിരിച്ചു.. ഇവളുടെ ഒരു കാര്യം ഫാസിൽ സ്വയം പറഞ്ഞു ചിരിച്ചു. ഫാസി...എനിക്ക്.. വയർ വേദന തുടങ്ങി.. ഇന്നൊരു ദിവസം സഹിക്കാൻ കഴിയില്ല... ഞാൻ കുറച്ചു നേരം കിടക്കട്ടെ... എന്താടോ പെട്ടന്നൊരു വയർ വേദന വയറിനു പിടിക്കാത്ത വല്ലതും കഴിച്ചോ.? അതൊന്നും അല്ല.. ഫാസി... പിന്നേ..... പിരീഡ്സിന്റെയാ.. എനിക്ക് പാഡ് വേണം ഓഹ് അതിനുള്ള സമയം ആയോ.. മ്മ്ഹ്.. ഞാൻ കൊടുന്നു തരാം. അത്‌ പറയുന്നതിന്റെ കൂടെ അവന്റെ മുഖം മങ്ങിയതവൾ ശ്രദ്ധിച്ചു... അവൻ ബൈക്കിന്റെ ചാവിയും എടുത്ത് തൃതിയിൽ പുറത്തേക്ക് പോയ്‌... പടച്ചോനെ രണ്ട് ദിവസം എനിക്ക് സഹിക്കാൻ കഴിയില്ലല്ലോ... ഇതിന്റെ ബുദ്ധിമുട്ട്... ഇനിയിപ്പോ എന്ത്‌ ചെയ്യും... ഈ...വയറുവേദനയും വെച്ച് എങ്ങിനെ അത്രയും ദൂരെ യാത്ര പോകും...ആകെ ടെൻഷൻ ആയല്ലോ. ജുബി....ബെഡിൽ വയറും പൊത്തിപിടിച്ചിരുന്നു. തൊട്ടടുത്ത അങ്ങാടിയിൽ പോയ്‌ ഫാസിൽ പാഡും കൊണ്ട് വന്നു...അവളെ കയ്യിൽ ഏൽപിച്ചു.. ജുബി... എന്താ ഇങ്ങനെ കുനിഞ്ഞിരിക്കുന്നത് നല്ലോണം വേദന ഉണ്ടോ..?' ഉണ്ടെന്നവൾ തലയാട്ടി. ത്താൻ ' ഇങ്ങനെ ഇരിക്കാതെ ബെഡിൽ കയറി കിടക്ക് ഒരു ജോലിയും ചെയ്യണ്ട ഇന്ന് റസ്റ്റ്‌ എടുക്ക്... പുറത്ത് നിന്നും വാതിൽ പതിയെ ചാരി അവന് റഹ്മത്തയുടെ അടുത്തേക്ക് നടന്നു.... ഇത്തോയ്.... എന്താടാ പതിവില്ലാത്ത ഒരു സ്നേഹം.... ഓഹ്.. അപ്പോ എനിക്ക് സ്നേഹം ഇല്ലന്നാണോ.. സെന്റി ആവാതെ കാര്യം പറ. ഇത്താ... അവൾക്ക് ഒട്ടും വെയ്യ... തലയിണ വയറിൽ വെച്ച് ചുരുണ്ട് കിടക്കുന്നു.. നല്ലോണം വേദന ഉണ്ടെന്ന്. അവൾക്ക് എന്താ വയറു വേദനയാണോ..? ഫാസി. ആണെന്ന് പറയുന്നു..അതിന് മെഡിസിൻ വല്ലതും ഉണ്ടോ..? " ഉലുവയും മറ്റും ഇട്ട് വെള്ളം തിളപ്പിച്ച്‌ തരാം അത്‌ കൊണ്ട് പോയ്‌ കൊടുക്ക്... ഉണ്ടാക്കി കഴിഞ്ഞിട്ട് ഇത്ത വിളിക്ക്... മ്... അല്ല...ഫാസി അപ്പോ നിങ്ങളുടെ യാത്ര... ഹേയ് അത് മുടക്കുന്നില്ല എല്ലാം പറഞ്ഞു ഉറപ്പിച്ചതല്ലേ. അപ്പോ അവൾക്ക് കഴിയോ.? ഇങ്ങനെ വെയ്യാതെ.. അഹ്.. ഞാൻ ചോദിക്കട്ടെ. അവൻ അടുക്കളയിൽ നിന്നും അവളുടെ അടുത്തേക്ക് നടന്നു.. വയറിൽ തലയിണ വെച്ച് കാലുകൾ ചുരുട്ടിവെച്ച് കിടക്കുന്നവളെ കണ്ടപ്പോൾ അവന് സങ്കടം വന്നു.. ചില ബുക്‌സുകളിൽ വായിച്ചിട്ടുണ്ട് പിരീഡ്‌സിന്റെ ബുന്ധിമുട്ടുകളെ കുറിച്ച്.. പക്ഷെ അത്‌ ഇത്രത്തോളം കഠിനമാണോ അവൻ അവൾക്കരികിൽ വന്നിരുന്നുകൊണ്ട് അവളുടെ വയറിൽ നിന്നും തലയിണ ഒഴിവാക്കി ഫാസിൽ അവന്റെ കൈകൾ കൊണ്ട് പതിയെ വയറിൽ ഉഴിഞ്ഞു... ജുബി.. എണീറ്റെ.. എന്നിട്ട് എന്റെ മടിയിൽ തല വെച്ച് കിടക്ക്.. വേണ്ട ഫാസിൽ..ഇങ്ങനെ ചുരുണ്ട് കിടക്കുമ്പോൾ വേദനക്ക് അല്പം ആശ്വാസം കിട്ടുന്നുണ്ട്... ഇത്ത എന്തോ വെള്ളം തിളപ്പിക്കുന്നുണ്ട് അത്‌ കുടിച്ചു കഴിഞ്ഞാൽ കുറയുമായിരിക്കും. എനിക്കൊന്നും വേണ്ട. ഈ..സമയത്ത് എന്തേലും കഴിച്ചാൽ മനം പുരട്ടും എടൊ... നാളെ പുലർച്ചെ നമുക്ക് പോകാനുള്ളതല്ലേ അപ്പോഴേക്കും റെഡി ആവുമോ..തന്റെ വേദന. പൂർണ്ണമായിട്ടും കുറയില്ല എന്നാലും...പോവാൻ പറ്റുമായിരിക്കും.. തനിക്ക് ബുദ്ധിമുട്ട് ആവുമെങ്കിൽ വേണ്ട പിന്നേ ഒരു ദിവസത്തേക്ക് മാറ്റിവെക്കാം...ഇനി ഞാൻ ഗൾഫിൽ പോയ്‌ വന്നതിന് ശേഷം... അവനത് പറഞ്ഞതും ജൂബിയുടെ ഉള്ളിൽ എന്തോ ഭാരം വന്ന് നിറയുന്നത് പോലെ തോന്നി..എങ്കിലും അത്‌ പുറത്ത് കാണിക്കാതെ അവൾ തിരിഞ്ഞു കിടന്നു.. അപ്പോഴേക്കും റഹ്മത്ത് ഒരുഗ്ലാസിൽ ഉലുവ തിളപ്പിച്ച വെള്ളവുമായി എത്തി.. ഫാസിൽ അത്‌ വാങ്ങി കൊണ്ട് വന്ന് ജൂബിനെക്കൊണ്ട് കുടിപ്പിച്ചു. യാത്രയുടെ ഭാഗമായി അവൾബാക്കി വെച്ച ജോലികൾ ഫാസിൽ തുടർന്നു. ****** നസി....... മോളെ നേരത്തെ ഉറക്കണം...പുലർച്ചെ നാലിനു അവർ പുറപ്പെടുന്നത്...ഉറക്കം ശെരിയായില്ലേൽ പിന്നേ അവൾക്ക് കുറുമ്പായിരിക്കും. ഉമ്മാ... മോളെ എന്തിനാ അവരുടെ കൂടെ അയക്കുന്നത് അവൾ ഇവിടെ നിൽക്കട്ടെ.. ഫാസിൽ പോവാൻ ഇനി പത്തു ദിവസം അല്ലേ ഒള്ളു... അവർ രണ്ട് പേരും ഒന്നിച്ച് പോയി വരട്ടെ. അവരുടേതായ സന്തോഷങ്ങൾക്കും, സങ്കടങ്ങൾക്കിടയിലും റിഫ മോൾ വേണ്ട... എന്നാണ് എന്റെ അഭിപ്രായം.. അത്‌ പിന്നേ മോളെ ഫാസിൽ പ്രത്യകം പറഞ്ഞതല്ലേ.. അതല്ല ഉമ്മാ...എല്ലാവരെയും പോലെ അല്ലല്ലോ അവർ എല്ലാം കൊണ്ടും ഒക്കെ ആയി വരുന്നതല്ലേ ഒള്ളു.. ഫാസിലും,ജുബിയും..അവർ രണ്ട് പേരും സന്തോഷത്തോടെ പോയ്‌ വരട്ടെ... ഗൾഫിലേക്ക് പോകും മുൻപ് അവർക്ക് ജീവിതം തുടങ്ങാൻ കഴിയട്ടെ. എന്നാണ് എന്റെ പ്രാർത്ഥന അതിനിടയിൽ.. ഇപ്പോ മോൾവേണ്ട നമുക്ക് എന്തേലും കാരണം പറഞ്ഞുകൊണ്ട് മോളെ ഇവിടെത്തന്നെ നിർത്താം. അതല്ലേ നല്ലത്... ഫാസിൽ രാവിലെ വിളിക്കുമ്പോ അവൾക്ക് പനി ആണന്നൊ.. അല്ലേൽ അസുഖം എന്തേലും വരുന്നുണ്ടെന്നോ അങ്ങിനെ എന്തേലും കാരണം പറ. മ്മ്ഹ്... ഞാൻ പറഞ്ഞുനോക്കാം. അവന് സമ്മതിക്കുകയാണേൽ ഇവിടെ നിർത്താം.. സമ്മതിക്കും... നമുക്ക് അവളുടെ ജീവിതം അല്ലേ ഇപ്പോ വലുത്... മോളെ നമ്മൾ പൊന്നുപോലെ നോക്കുന്നുണ്ടല്ലോ... അവർ എല്ലാം കൊണ്ടും ഒന്നാവട്ടെ. എന്നിട്ട് മതി...റിഫമോളെ അവരുടെ അടുത്തേക്ക് അയക്കുന്നത്...നസി അത്‌ പറഞ്ഞുകൊണ്ട് അവരുടെ റൂമിലേക്ക് കയറിപ്പോയ് ജൂബിയുടെ ഉമ്മ റിഫ മോളെയും എടുത്തുകൊണ്ട് അവരുടെ റൂമിലേക്കും നടന്നു. അവർക്ക് രണ്ട് പേർക്കും എത്രയും വേഗം ജീവിതം തുടങ്ങാൻകഴിയണേയെന്ന പ്രാർത്ഥനയോടെ... (തുടരും ) കണ്ണൂർകാരൻ 🥰🥰🥰 #📙 നോവൽ #✍ തുടർക്കഥ #📔 കഥ #📚 ട്വിസ്റ്റ് കഥകൾ #💞 പ്രണയകഥകൾ