#📙 നോവൽ #🧟 പ്രേതകഥകൾ! #✍ തുടർക്കഥ #✍️ വട്ടെഴുത്തുകൾ #💥💤🌟 കിസ്സ് ഡേ ( No Logic Only Madness, കഥയും കഥാപാത്രങ്ങളും സാങ്കല്പികം. മരിച്ചവരോ മരിക്കാൻ പോകുന്നവരോ ആയി സാമ്യം തോന്നിയാൽ യാദൃശ്ചികം മാത്രം) …………………………………………… ഫെബ്രുവരി 13-ന്റെ പുലരിക്ക് ഒരു ശവപ്പറമ്പിന്റെ മണമായിരുന്നു. നഗരത്തിന് താഴെയുള്ള ഇരുളടഞ്ഞ അഴുക്കുചാലുകൾക്ക് അപ്പുറം, ഭ്രാന്തൻ സയന്റിസ്റ്റ്‌ .ഡോക്ടർ പാതാളം വേണു പിള്ള തന്റെ ഡിജിറ്റൽ മൈക്രോസ്കോപ്പിലൂടെ നീലനിറത്തിലുള്ള വൈറസിനെ നിരീക്ഷിച്ചു. അദ്ദേഹത്തിന്റെ കണ്ണുകളിൽ വർഷങ്ങളായി കൊണ്ടുനടക്കുന്ന പകയുടെ തിളക്കമുണ്ടായിരുന്നു. "Kiss day ? ഹ ഹ ഹ This Time It Will Be More Entertaining!" പാതാളം വേണു പിള്ള അട്ടഹസിച്ചു. വർഷങ്ങൾക്ക് മുമ്പ് ഒരു വാലന്റൈൻ ദിനത്തിൽ, താൻ സ്നേഹിച്ച പെൺകുട്ടി തന്നെ ഉപേക്ഷിച്ച് ഒരു വലിയ ബിസിനസുകാരന്റെ കൂടെ പോയതാണ് ഈ പകയ്ക്ക് കാരണം. അന്ന് ആ പെൺകുട്ടി അവനോട് പറഞ്ഞിരുന്നു, "നിനക്കൊരു കഴുതയുടെ ബുദ്ധിയാ വേണു ജീവിക്കാൻ പണം വേണം" എന്ന്. ആ വാക്ക് പാതാളം വേണു പിള്ളയുടെ ഹൃദയത്തിൽ തറച്ചു. അദ്ദേഹം വികസിപ്പിച്ച DonkeyBite 2.0 വെറുമൊരു വൈറസല്ല, അതൊരു ജനിതക ബോംബാണ്. ഒരു ഓക്സിടോസിൻ തന്മാത്രയുമായി ഈ വൈറസ് സംയോജിക്കുമ്പോൾ മനുഷ്യകോശങ്ങളിലെ DNA ഘടന കീഴ്മേൽ മറിയും. ഇത് വായുവിലൂടെ പകരില്ല, മറിച്ച് സ്നേഹം പ്രകടിപ്പിക്കുമ്പോൾ തലച്ചോറിൽ ഊറിവരുന്ന ഓക്സിടോസിൻ'എന്ന ഹോർമോൺ ശരീരത്തിൽ കൂടുമ്പോൾ മാത്രമേ സജീവമാകൂ. അതായത്, ആത്മാർത്ഥമായി പ്രണയിക്കുന്നവർ പരസ്പരം ചുംബിക്കാൻ അടുക്കുമ്പോൾ മാത്രം പ്രവർത്തിക്കുന്ന മാരകായുധം ……. നഗരത്തിലെ ഏറ്റവും വലിയ മാളിലെ ലവ് ബേർഡ്സ് കഫേ. അവിടെയായിരുന്നു ആദർശും സ്നേഹയും. സ്നേഹ തന്റെ ബാഗിൽ നിന്ന് പുതിയൊരു ബ്രാൻഡ് ലിപ്സ്റ്റിക് എടുത്ത് ചുണ്ടിൽ തേച്ചു. കിസ്സ് പ്രൂഫ്'l എന്ന് പരസ്യത്തിൽ പറഞ്ഞിരുന്ന ആ ലിപ്സ്റ്റിക്കിൽ പാതാളം വേണു പിള്ളയുടെ ശിങ്കിടി കൾ വൈറസ് കലർത്തിയിരുന്നു. മെഴുകുതിരി വെളിച്ചത്തിൽ ആദർശ് സ്നേഹയുടെ കണ്ണുകളിലേക്ക് നോക്കി. "സ്നേഹാ, നിന്റെ ഈ ചുണ്ടുകൾ എന്നെ വല്ലാതെ കൊതിപ്പിക്കുന്നു.." അവൻ പൂർത്തിയാക്കുന്നതിന് മുമ്പ് അവളുടെ മുഖത്ത് വിറയൽ അനുഭവപ്പെട്ടു. അവളുടെ കണ്ണുകൾ മഞ്ഞനിറമായി മാറി. ആദ്യം മാറിയത് അവളുടെ ശബ്ദമാണ്. ഒരു നേർത്ത കുറുകലിന് പകരം തൊണ്ടയിൽ നിന്ന് ഒരു മുരൾച്ച ഉയർന്നു. ആദർശ് ചുംബിച്ച നിമിഷം, അവളുടെ താടിയെല്ല് 6 ഇഞ്ച് മുന്നോട്ട് തള്ളി വന്നു. സ്നേഹയുടെ സുന്ദരമായ മൂക്ക് പരന്ന് കറുത്തതായി. അവളുടെ ചെവികൾ മുയലിന്റേത് പോലെ നീണ്ട് ആകാശത്തേക്ക് ഉയർന്നു. "സ്നേഹാ...?" ആദർശ് ഭയന്ന് പിന്നോട്ട് മാറി. പക്ഷെ വൈകിപ്പോയിരുന്നു. കഴുതയായി മാറിയ സ്നേഹ അവന്റെ മുഖത്തേക്ക് ചാടി വീണു. "ഇയാാാ... ഹോ..." എന്ന് അലറിക്കൊണ്ട് അവൾ ആദർശിന്റെ മുഖത്ത് ആഞ്ഞു കടിച്ചു. ആദർശിന്റെ ചുണ്ടും മൂക്കും അവളുടെ വായ്ക്കുള്ളിലായി. “ആ” ആദർശ് നിലവിളിച്ചു കഫേയിലാകെ മരണം മണത്തു. ചുറ്റുമുള്ള മറ്റ് മേശകളിലും സമാനമായ മാറ്റങ്ങൾ സംഭവിക്കുന്നുണ്ടായിരുന്നു. നഗരം ഒരു വലിയ ലായമായി മാറാൻ തുടങ്ങുകയായിരുന്നു. …….. മുഖം തകർന്ന്, ചോരയൊലിപ്പിച്ച് ആദർശ് നഗരത്തിന്റെ ഇരുളടഞ്ഞ ഇടവഴികളിലൂടെ ഓടി. മരണപ്പാച്ചിലിനിടയിൽ അവൻ തട്ടിവീണത് നഗരപ്രാന്തത്തിലുള്ള ഒരു പഴയ സിമന്റ് ഗോഡൗണിന്റെ വാതിലിലേക്കായിരുന്നു. അവിടെ നീല വെളിച്ചം കത്തുന്ന ടെസ്റ്റ് ട്യൂബുകൾക്കിടയിൽ, ഒരു പഴയ ലുങ്കിയും ഓട്ട വീണ ബനിയനും ധരിച്ച് ഒരാൾ ഇരിക്കുന്നുണ്ടായിരുന്നു. അതായിരുന്നു സുരേഷ്‌മോനു. സുരേഷ്‌മോനു യഥാർത്ഥത്തിൽ പാതാളം വേണു പിള്ളയുടെ പഴയ ലബോറട്ടറി അസിസ്റ്റന്റായിരുന്നു. പാതാളം വേണു പിള്ളയുടെ ഭ്രാന്തൻ പരീക്ഷണങ്ങൾ മനസ്സിലാക്കിയ സുരേഷ്‌മോനു, അദ്ദേഹവുമായി തെറ്റിപ്പിരിഞ്ഞ് അവിടെയുള്ള ചില രഹസ്യ ഫോർമുലകളുമായി ഒളിച്ചോടിയതാണ്. ലോകത്തിന് സുരേഷ്‌മോനു ഒരു വെറും ആക്രി പെറുക്കി ആയിരുന്നെങ്കിലും, രഹസ്യമായി അയാൾ പാതാളം വേണു പിള്ളയുടെ വൈറസിനുള്ള മറുമരുന്ന് വികസിപ്പിക്കുകയായിരുന്നു. "ആദർശ്, എഴുന്നേൽക്കൂ! നിന്റെ അവസ്ഥ എനിക്ക് മനസ്സിലാകും," സുരേഷ്‌മോനു അവനെ താങ്ങിയിരുത്തി ഒരു മാങ്ങ കഷ്ണം തിന്നാൻ കൊടുത്തു. "പാതാളം വേണു പിള്ള തുടങ്ങിക്കഴിഞ്ഞു. അവൻ നഗരത്തിലെ പെൺകുട്ടികളെ കഴുതകളാക്കി മാറ്റി അവന്റെ ഫാക്ടറിയിൽ അടിമപ്പണി ചെയ്യിപ്പിക്കാൻ പോവുകയാണ്. പക്ഷേ എന്റെ കയ്യിൽ ഒരു പ്രതിവിധിയുണ്ട്. Anti-Donkey Mist! ഇത് ഉപയോഗിച്ചാൽ വൈറസ് നശിക്കും, പക്ഷേ ഒരു ചെറിയ പ്രശ്നമുണ്ട്..." സുരേഷ്‌മോനു നിർത്തി. “ എന്ത് പ്രശ്നം? “ ആദർശ് ചോദിച്ചു “ അത് ഞാൻ പറയാം ഇപ്പോൾ വാ “ സുരേഷ്‌മോനുവും ആദർശും കൂടി നഗരത്തിലെ പ്രധാന വാട്ടർ ടാങ്കിന് മുകളിൽ കയറി. നഗരമാകെ ഇപ്പോൾ കഴുതകളുടെ കരച്ചിൽ കൊണ്ട് നിറഞ്ഞിരുന്നു. സുരേഷ്‌മോനു ആദർശിനോട് രഹസ്യം വെളിപ്പെടുത്തി "ഈ മരുന്ന് അവരെ മനുഷ്യരാക്കും, പക്ഷെ അവരുടെ സ്നേഹം എന്ന വികാരം ഇല്ലാതാകും. അവർക്ക് പിന്നെ വേണ്ടത് സ്വർണ്ണാഭരണങ്ങളും ഐഫോണുകളുമായിരിക്കും. അവർക്ക് സ്നേഹിക്കാൻ അറിയില്ല, പകരം അവർക്ക് ഡിമാൻഡുകൾ മാത്രമേ ഉണ്ടാകൂ. നീ തയ്യാറാണോ?" വേറെ വഴിയൊന്നുമില്ലാത്തതിനാൽ ആദർശ് സമ്മതിച്ചു. അവർ മരുന്ന് നഗരമാകെ സ്പ്രേ ചെയ്തു. നിമിഷങ്ങൾക്കുള്ളിൽ നഗരത്തിലെ കഴുതകൾ വീണ്ടും മനുഷ്യരായി. രോമങ്ങൾ കൊഴിഞ്ഞുപോയി, ചെവികൾ ചെറുതായി. എന്നാൽ ആ സമയം ആകാശത്ത് പാതാളം വേണു പിള്ളയുടെ ഹെലികോപ്റ്റർ പ്രത്യക്ഷപ്പെട്ടു. അദ്ദേഹം തന്റെ അവസാന അടവായ 'ലവ്-ഗ്യാസ്' വിതറാൻ ശ്രമിച്ചു. എന്നാൽ അപ്രതീക്ഷിതമായി അദ്ദേഹത്തിന്റെ ലാബിൽ നിന്ന് രക്ഷപെട്ട, വൈറസ് ബാധിച്ച സ്വന്തം പൂച്ച ഹെലികോപ്റ്ററിനുള്ളിൽ വെച്ച് പാതാളം വേണു പിള്ളയുടെ കഴുത്തിന് കടിച്ചു. “ Bloody hell “ നിയന്ത്രണം വിട്ട ഹെലികോപ്റ്റർ കത്തിയമർന്ന് നഗരത്തിലെ ഏറ്റവും വലിയ അഴുക്കുചാലിലേക്ക് വീണു. പാതാളം വേണു പിള്ള തന്റെ പ്രിയപ്പെട്ട അഴുക്കുചാലിൽ തന്നെ മുങ്ങി കുളിച്ചു ……. സ്നേഹ വീണ്ടും മനുഷ്യസ്ത്രീ യായി. ആദർശ് ആശ്വാസത്തോടെ അവളുടെ അടുത്തേക്ക് ചെന്നു. "സ്നേഹാ, നീ തിരിച്ചു വന്നല്ലോ..." ആദർശ് തന്റെ മുറിവേറ്റ മുഖം കാട്ടി പ്രണയത്തോടെ അടുത്തു. പക്ഷെ സ്നേഹയുടെ കണ്ണുകളിൽ പഴയ ആ തിളക്കമില്ലായിരുന്നു. അവൾ അവന്റെ കീറിയ ചുണ്ടിലേക്ക് നോക്കി പുച്ഛത്തോടെ മുഖം തിരിച്ചു. "ഈ മുഖം വെച്ചാണോ നീ എന്റെ കൂടെ വരുന്നത്? നിന്റെ കയ്യിൽ എത്ര പണമുണ്ട്? എനിക്ക് ഇപ്പൊ തന്നെ ഒരു ഐഫോൺ 16 പ്രോ മാക്സ് വേണം. പിന്നെ ഡിന്നറിന് താജ് ഹോട്ടലിൽ പോകണം. എന്റെ ഡ്രസ്സുകൾ ഒക്കെ പഴയതായി, ഷോപ്പിംഗിന് പോകണം. ഇല്ലെങ്കിൽ ഞാൻ വേറെ ആളെ നോക്കും!" ആദർശ് തകർന്നുപോയി. സ്നേഹം പോയിടത്ത് അത്യാഗ്രഹം കുടിയേറിയിരിക്കുന്നു. ‘ ഇവളുടെ സ്നേഹ എന്ന പേര് മാറ്റി ആർത്തി എന്നാക്കണം’ ആദർശ് ചിന്തിച്ചു നഗരത്തിലെ എല്ലാ കാമുകന്മാരും ഇതേ അവസ്ഥയിലായിരുന്നു. പെൺകുട്ടികൾ കഴുതകളായിരുന്നപ്പോൾ അവർക്ക് പുല്ലും വൈക്കോലും മതിയായിരുന്നു, എന്നാൽ ഇപ്പോൾ അവർക്ക് വേണ്ടത് ഡയമണ്ട് നെക്ലേസുകളാണ്. നഗരത്തിലെ ബാങ്കുകൾക്ക് മുന്നിൽ ലോണിനായി കാമുകന്മാരുടെ വലിയ ക്യൂ രൂപപ്പെട്ടു. പലരും ക്രെഡിറ്റ് കാർഡ് ബില്ലുകൾ കണ്ട് ബോധംകെട്ടു വീഴാൻ തുടങ്ങി. “അവറ്റകൾ കഴുത ആയി ഇരിക്കുന്നത് തന്നെ ആയിരുന്നു ഭേദം” എന്ന് ചിലർ പിറുപിറുത്തു …….. ഇന്ന് ആദർശ് നഗരത്തിലെ ഒരു മൂലയിൽ ഇരിക്കുന്നു. പ്ലാസ്റ്റിക് സർജറി വഴി അവന്റെ ചുണ്ട് ശരിയാക്കിയെങ്കിലും, ഒരു ചെറിയ കുഴപ്പമുണ്ട്. അവൻ ചിരിക്കുമ്പോൾ അത് ഇപ്പോഴും ഒരു കഴുതയുടെ കരച്ചിൽ പോലെ "ഇയാാാാ... ഹോ..." എന്ന് ശബ്ദമുണ്ടാക്കും. തമാശ കേട്ടാലും സങ്കടം വന്നാലും ആദർശ് കഴുതയെപ്പോലെ കരയും. …… സുരേഷ്‌മോനു ഇപ്പോൾ തന്റെ രഹസ്യ ലബോറട്ടറിയിൽ പുതിയ പരീക്ഷണത്തിലാണ്. കാരണം, പാതാളം വേണു പിള്ളയുടെ ലാബിലെ ഇൻഫോർമർ വഴി അയാൾക്ക് ഒരു ഞെട്ടിക്കുന്ന വിവരം ലഭിച്ചു. പാതാളം വേണു പിള്ള ജീവനോടെ ഉണ്ട് അയ്യാൾ പുതിയ ഒരു വൈറസ് ഡെവലപ്പ് ചെയ്യുന്നുണ്ട് കുരങ്ങുകളുടെ DNA ഉപയോഗിച്ചുകൊണ്ട് അടുത്ത വാലന്റൈൻ ദിനത്തിൽ പാതാളം വേണു പിള്ളയുടെ ശിഷ്യന്മാർ MonkeyBite'l വൈറസുമായി വരും! അന്ന് ചുംബിക്കുന്നവർ കുരങ്ങന്മാരായി മാറും. അവർ മരത്തിൽ കയറി പല്ലിളിച്ചു കാണിക്കും ……. End #kissday #valentinesday