ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mDJWRxD?d=n&ui=v64j8rk&e1=cപരിണയം ❣️ 6 "അനുവേച്ചി..." പിന്നിൽ നിന്നും അഭിയുടെ വിളി ആണ് അനുവിനെ ഓർമയിൽ നിന്നും മോചിപ്പിച്ചത്. ഏറെ വേദനയോടെ അഭിയെ അവൾ അരികിലേക്ക് വിളിച്ചു. "എന്താ അഭി.?" "എന്റേച്ചിക്ക് സങ്കടം ഉണ്ടോ. അല്ലെങ്കിലും അവരെ കണ്ടപ്പോഴേ ഞാൻ ഉറപ്പിച്ചതാ. ഒരു മരുമകളെ കിട്ടിയ ശേഷം പോരെടുക്കാൻ നിൽക്കുന്ന സ്ത്രീ ആണെന്ന്. അവരുടെ മുഖത്ത് അത് വ്യക്തമാണ്. പിന്നെ എന്റെ ചേച്ചിടെ അവസ്ഥയിൽ അവിടെ എത്തിപ്പെട്ടാൽ പിന്നെ പറയണ്ട. ജീവനോടെ ഉണ്ടാകുമോ എന്ന് പോലും സംശയം ആണ്." അഭി പ്ലസ് ടു കഴിഞ്ഞതേ ഉള്ളു. എഞ്ചിനീയർ ആകാൻ ആണ് ആഗ്രഹം. അതിന് ഒരു എഞ്ചിനീയറിംഗ് കോളേജിൽ അഡ്മിഷൻ എടുത്തിരിക്കുകയാണ്. ക്ലാസുകൾ ആരംഭിക്കും മുൻപ് ചേച്ചിടെ വിവാഹം അടിച്ചു പൊളിക്കാൻ ആയിരുന്നു അഭിയുടെ ആഗ്രഹം. എന്നാൽ അത് നടക്കാത്ത നിരാശ ഒന്നും അവൾക്ക് ഇല്ല. പക്വതയോടെ തന്നോട് ഓരോ കാര്യങ്ങൾ പറയുന്ന അഭിയെ കണ്ണെടുക്കാതെ നോക്കി കാണുകയായിരുന്നു അനു. "അഭി.." സംസാരത്തിനിടയിൽ അനുവിന്റെ വിളി വന്നതും പറഞ്ഞത് മുഴുവിപ്പിക്കാതെ അനു പറയുന്നത് കേൾക്കാൻ ആയി അഭി കാതോർത്തു. "എന്താ ചേച്ചി..?" "ഞാൻ ഒരു കാര്യം പറഞ്ഞാൽ എന്റെ കുഞ്ഞൻ കേൾക്കോ?" "എന്താണ്.? ആദ്യം കാര്യം പറ. എന്നിട്ട് തീരുമാനിക്കാം. " പിരികം ഉയർത്തി ഗൗരവത്തോടെ ചോദിക്കുന്നവളെ കണ്ടു കണ്ണ് മിഴിച്ചിരുന്നു അനു. "അത് പിന്നെ.. ചേച്ചിക്ക് വിവാഹമെന്നത് ഇപ്പൊ ഒട്ടും ആഗ്രഹിക്കാത്ത കാര്യമാണ്. എന്റെ മോള് പഠിക്കുവല്ലേ. ഇനിയും സമയം ഇല്ലേ.? ചേച്ചി ഇവിടെ നിൽക്കുന്നത് കൊണ്ട് നിനക്ക് വിവാഹം നടക്കില്ലെന്നു തോന്നുന്നുണ്ടോ?" "ഏയ്യ് എന്റെ ചേച്ചി ഇവിടെ നിൽക്കുന്നതാണ് എനിക്ക് ഇഷ്ടം. പിന്നെ ഞാൻ പഠിക്കാൻ തുടങ്ങിയതല്ലേ ഉള്ളു ചേച്ചി. ഇനിയും വർഷങ്ങൾ കഴിയണം. അല്ലാതെ ഇന്ന് ചേച്ചീനെ കെട്ടിച്ചിട്ട് നാളെ എന്റെ വിവാഹം നടത്താൻ ഒന്നും പോണില്ല. അല്ല അമ്മ അങ്ങനെ പറഞ്ഞത് കൊണ്ടാണോ ഇങ്ങനെ ഒരു ചോദ്യം." അഭി ചോദിച്ചതും ആണെന്ന ഭാവത്തിൽ തല അനക്കിയിരുന്നു അനു. "അമ്മക്ക് പേടി ഉണ്ട് ചേച്ചി. നിനക്ക് നല്ലൊരു ബന്ധം കിട്ടില്ലേ എന്ന ടെൻഷൻ ആണ്. കുറ്റം പറയാൻ ആവില്ല ഹരി എന്നാലും എന്റെ ചേച്ചീനെ വേണ്ടെന്ന് വെച്ചില്ലേ. അപ്പൊ നിനക്ക് അതിലും നല്ല ബന്ധം വേണമെന്ന് അമ്മക്ക് ആഗ്രഹം ഉണ്ടാകില്ലേ. എനിക്കും ഉണ്ട് ആഗ്രഹം." വീണ്ടും ഹരിയെ ഇടയിലേക്ക് വലിച്ചിട്ടതും അനുവിന് ദേഷ്യം തോന്നി. "അഭി. നീ ഇപ്പോഴും കാര്യം അറിയാതെ ആണ് സംസാരിക്കുന്നത്. ഹരി നിരപരാധി ആണ് മോളെ. നീ വെറുതെ അവനെ തെറ്റിദ്ധരിക്കല്ലേ." എന്നാൽ അനു പറയുന്നത് ഉൾക്കൊള്ളാൻ തയാറാകാതെ പരിഭവത്തോടെ ഞൊടിയിടയിൽ പുറത്തേക്ക് ഇറങ്ങി പോയിരുന്നു അഭി. "എത്ര പറഞ്ഞാലും തെറ്റിധാരണ മാറില്ലെന്ന അവസ്ഥ ആണ്. ഹരി ഇതറിഞ്ഞാൽ പൊറുക്കില്ല എന്നോട്. അവൻ ഒരു തെറ്റും ചെയ്യാതെ അവനെ കുറ്റപ്പെടുത്തുമ്പോൾ എങ്ങനെ ആണ് അവൻ സഹിക്കുക " ഓരോന്ന് ഓർത്തു ടേബിലേക്ക് തല ചായ്ച്ചു കിടന്നു അനു. ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ "ദേവാ.. നീ നാട്ടിലേക്ക് പോണില്ലേ.? നിന്റെ അച്ഛനും അമ്മയും പോയി മടങ്ങി വന്നല്ലോ. നിനക്ക് എന്താ നാട് ഒന്നും മിസ്സ്‌ ചെയ്യുന്നില്ലേ?" സുഹൃത്തുക്കളിൽ ഒരാൾ ചോദിച്ചതും അർണവ് ദേവ് എന്ന ദേവ് ഒരു പുഞ്ചിരി സമ്മാനിച്ചു അവർക്കിടയിലേക്ക് വന്നിരുന്നു. ദേവ് ദുബായിൽ സെറ്റിൽഡ് ആണ് അച്ഛനും അമ്മയ്ക്കും ഒപ്പം. ഇടക്ക് നാട്ടിലേക്ക് മടങ്ങാറുണ്ടെങ്കിലും ഇപ്പൊ നാട്ടിൽ പോയിട്ട് രണ്ടു വർഷത്തോളം ആയിരിക്കുന്നു. "പോണമെടാ. അച്ഛനും അമ്മയ്ക്കും ഒപ്പം പോയി കഴിഞ്ഞാൽ നാട്ടിൽ എത്തുമ്പോൾ മുത്തശ്ശി തുടങ്ങും കല്യാണം നോക്കുന്നില്ലേ പ്രായമായില്ലേ. കൊച്ചു മക്കളുടെയും മക്കളെയും കണ്ടിട്ട് വേണം മടങ്ങാൻ അങ്ങനെ ഒക്കെ ഡയലോഗ് കേൾക്കുമ്പോൾ ദേഷ്യം ആണ് വരിക. അവരുടെ ആഗ്രഹം ആയിരിക്കും പക്ഷെ ലൈഫിൽ എൻജോയ് ചെയ്യേണ്ട ടൈം ഇപ്പോഴേ കുടുംബം, കുട്ടികൾ ആയി തീർക്കണോ. അതാ ഞാൻ പോകാത്തത്. പിന്നെ എനിക്ക് ഇണങ്ങുന്ന ഒന്നിനെ ആലോചിക്കണ്ടേ? ഇത് ഏതെങ്കിലും ഒരു ഫോട്ടോ കാണിച്ചിട്ട് ഇഷ്ടായോ എന്നൊരു ചോദ്യം ആണ്. മടുത്തു " അരിശത്തോടെ പറഞ്ഞു മുഖം ചുളിക്കുന്നവനെ കൗതുകത്തോടെ ആണ് സുഹൃത്തുക്കൾ നോക്കിയത്. "ഡാ. നിനക്ക് ഒരു പ്രണയം ഉണ്ടായിരുന്നില്ലേ.? നീ പലപ്പോഴായി പറഞ്ഞിട്ടുള്ളത്. അവൾ എവിടെ?" കൂട്ടത്തിലൊരാൾ ചോദിച്ചതും മറന്നത് വീണ്ടും ഓർത്തെടുത്തിരുന്നു അവൻ. "പ്രണയം.. അതിന് ഞാൻ ഇപ്പൊ പ്രസക്തി കൊടുക്കുന്നില്ലെടാ. പ്രണയിക്കാനും പ്രണയിക്കപ്പെടാനും വേണം ഒരു ഭാഗ്യം. എനിക്ക് അതില്ല. " ഉള്ളിലെ സങ്കടം പുറത്തു കാട്ടാതെ അവരിൽ നിന്നും ഒഴിഞ്ഞു മാറിയിരുന്നു ദേവ്. ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ "ഹരി... നീ ഇങ്ങനെ നടന്നാൽ എങ്ങനാടാ. ഒരു പെണ്ണ് പോയെന്ന് കരുതി നിനക്ക് നാട്ടിൽ എന്താ പെണ്ണ് കിട്ടില്ലേ. ഒരേ ഒരു മോൻ ഉള്ളതാ ഇങ്ങനെ വാശിയോടെ നടക്കുന്നത്. അവൾക്ക് വിവാഹം ഉണ്ടായാൽ മാത്രേ തനിക്കും ഉള്ളു പോലും. അവൾ ഇപ്പൊ കെട്ടും കഴിഞ്ഞു എവിടേലും നല്ല ജീവിതം ജീവിക്കുന്നുണ്ടാകും." "അത് അമ്മയാണോ തീരുമാനിക്കുന്നത്. അവൾ എവിടെയും പോയിട്ടില്ല." ഹരി ഉള്ളിൽ തികട്ടി വന്ന ദേഷ്യം പുറത്തു കാട്ടിയതും അവരുടെ മുഖം വീർത്തു. "നീ എങ്ങനെ അറിഞ്ഞു അവൾ നാട്ടിൽ ഉണ്ടെന്ന്. നീ ഇപ്പോഴും അവളുമായി കോൺടാക്ട് ഉണ്ടോ ഹരി.? നിന്നെക്കാൾ ബെറ്റർ ലൈഫ് കിട്ടി പോയതല്ലേ അവൾ. പോട്ടെടാ.." "നിർത്ത് അമ്മ.. അവൾ പോയതിന്റെ കാരണം എനിക്ക് അറിയില്ല. പക്ഷെ ഒന്നറിയാം അമ്മയും അത് ആഗ്രഹിച്ചിരുന്നു എന്ന്. അതല്ലേ അവൾ പോയതിൽ പിന്നെ ഇത്രേ സന്തോഷം. " ഹരിയുടെ ചോദ്യത്തിന് മുൻപിൽ അവർ ഒന്ന് പതറി പോയിരുന്നു. "ഓഫീസിൽ ചെന്നാലും സമാധാനം കിട്ടില്ല ഇവിടെ വന്നാലും അത് തന്നെ. ഒരു വിവാഹം കാരണം മനുഷ്യന്റെ സ്വസ്ഥത നശിക്കുവാ. ഇങ്ങനെ പോയാൽ ഹരി അത് വേണ്ടെന്ന് അങ്ങ് വെയ്ക്കും. പറഞ്ഞില്ലെന്നു വേണ്ട. " ദേഷ്യത്തോടെ പുറത്തേക്ക് ഇറങ്ങി പോയ ഹരിയെ ഓർത്തു ആകുലത്തപ്പെട്ടിരുന്നു അവർ. ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ ഫോണിൽ കാൾ വന്നതും വായിച്ചു കൊണ്ടിരുന്ന പുസ്തകം മാറ്റി വെച്ചു കൈ കൊണ്ട് ടേബിളിൽ നിന്നും എത്തി പിടിച്ചു ഫോൺ കയ്യിൽ ആക്കിയിരുന്നു അനു. തന്റെ ഏറ്റവും അടുത്ത സുഹൃത്ത് മീനാക്ഷി ആണെന്ന് അറിഞ്ഞതും അവൾ അറിയാതെ തന്നെ മുഖത്ത് പുഞ്ചിരി വിരിഞ്ഞു. "ഹലോ ഡാ മീനു.." "അനു.. നിനക്ക് സുഖാണോ? ഒരു വിവരവുമില്ലല്ലോ പെണ്ണെ."? "സുഖം മീനു. നിനക്കോ.?" "ആഹ് കുഴപ്പമില്ല. ഡാ അനു ഞാൻ ഒരു കാര്യം പറയാൻ ആണ് വിളിച്ചത്" "എന്താ..?" "എന്നെ ഹരി വിളിച്ചിരുന്നു." "ഹരിയോ.....?" ഹരി എന്ന് കേട്ടതും അവളിൽ ഒരു ഞെട്ടൽ ഉളവായി. "അതേടാ.. നിന്റെ പഴയ ഹരിശങ്കർ." "എന്തിന്... എന്തിനാ നിന്നെ വിളിച്ചത്.?" "വേറെ എന്തിനാ. ഹരിയുടെ പ്രിയപ്പെട്ട അനുനെ കുറിച്ചറിയാൻ. ഇടക്കെല്ലാം എന്നെ വിളിക്കാറുണ്ട്. നിനക്ക് ഒരു കാര്യം അറിയോ അനു.?" "എന്താ?" "നിന്റെ വിവാഹം കഴിഞ്ഞിട്ടേ ഒരു വിവാഹം ഉണ്ടാകൂ എന്ന വാശിയിൽ ആണ് ആൾ.ഒന്നുമില്ലേലും പഴയ കാമുകി അല്ലെ നീ." "നീ എന്ത് ഭ്രാന്ത് ആണ് മീനു പറയണേ "? അനുവിന്റെ മുഖത്ത് ആശ്ചര്യം നിറഞ്ഞു. "സത്യാടി. നീ ഇപ്പോഴും ഹരിക്കായി കാത്തിരിക്കുയാണെന്നാ ആളുടെ വിചാരം. അതാകും. ഞാൻ കഷ്ടകാലത്തിന് നിന്റെ വിവാഹം കഴിഞ്ഞിട്ടില്ലെന്ന് പറഞ്ഞു പോയി." "നന്നായി ഇനി ആ പ്രതീക്ഷയിൽ ഇരിക്കില്ലേ പാവം." അനുവിന്റെ മുഖത്ത് വീണ്ടും സങ്കടം നിറഞ്ഞു. "എന്റെ അനു.. വീട്ടുകാർ എതിർത്താലും പുള്ളി നിന്നെ സ്വീകരിച്ചേനെ. ഇതിപ്പോ നിന്റെ വാശി ആണ് എല്ലാത്തിനും കാരണം." മീനു എങ്കിലും തന്നെ കുറ്റപ്പെടുത്തിയല്ലോ എന്നൊരു ആശ്വാസം ആയിരുന്നു അനുവിന്. സത്യത്തിൽ താൻ എന്തിനായിരുന്നു ഹരിയെ അകറ്റി നിർത്തിയത്. വെറുമൊരു കാരണം കൊണ്ട് മാത്രം ആയിരുന്നില്ല ആ വിരഹത്തിന് പിന്നിൽ. തന്റെ ഉള്ളിൽ അത്രത്തോളം സങ്കടം ഉണ്ടായത് കൊണ്ട് തന്നെ ആണ്. "നീ മറുപടി പറഞ്ഞില്ല അനു." "അത് മീനു... ഞാൻ... ഞാൻ വിർജിൻ അല്ലെന്ന കാരണം.. ആ കാരണം കൊണ്ട് മാത്രം ആണ്.." അത് പറയുമ്പോൾ അവളുടെ ശബ്ദം ഇടറിയിരുന്നു. "എന്താ.."? മറുതലയ്ക്കൽ മീനുന്റെ ശബ്ദം ഉയർന്നതും പുച്ഛത്തോടെ മുഖം കുനിച്ചിരുന്നു അനു. (തുടരും ).. കണ്ണൂർകാരൻ 🥰🥰🥰 #💞 പ്രണയകഥകൾ #✍ തുടർക്കഥ #📙 നോവൽ #📚 ട്വിസ്റ്റ് കഥകൾ #📔 കഥ