നീലക്കുറിഞ്ഞിക്കാട്ടിലെ നീലക്കുറുക്കൻ (116) "ഹായ്... ഞാൻ ചന്ദ്രനിൽ നിന്നും റോബോട്ട്സൺ സ്പീക്കിങ്ങ്... ശൂന്യാകാശത്ത് അപ്രതീക്ഷിതമായി പ്രത്യക്ഷപ്പെട്ട ഇതിഹാസ താരത്തിൽ നിന്നും ഞെട്ടിക്കുന്ന വിവരങ്ങളാണ് ഓരോ ദിവസവും പുറത്ത് വരുന്നത്...സൗരയൂഥത്തിലെ താരാപഥത്തിൽ കാണപ്പെടുന്ന നൂററാണ്ടിലെ ഏറ്റവും അപകടകാരിയായ ഈ അവതാര താരത്തിൻ്റെ അകക്കാമ്പിൽ നിന്നും കാർബണിൻ്റേയും, കാർബോഹൈഡ്രേററിൻ്റേയും, കാർബൺഡയോക്സൈഡിൻ്റേയും ഒരു സമ്മിശ്ര മിശ്രിതം പുറപ്പെടുന്നതായി വാന ശാസ്ത്രജ്ഞർ കണ്ടെത്തി. ഏറ്റവും അപകടകാരിയായ ഈ മിശ്രിതം അതി കഠിനമായ സൂര്യ താപത്താൽ വാതകമായി മാറുകയും അത് സൗരയൂഥത്തിൽ വ്യാപിച്ച് വാൽ നക്ഷത്രങ്ങളെ ആകർഷിച്ച് അവതാര താരത്തിൻ്റെ ഭ്രമണ പഥത്തിലെത്തിക്കുകയും ക്രമേണ ഈ വാൽ നക്ഷത്രങ്ങളെ കുഴിയിൽ ചാടിക്കാനുമുളള കഴിവുണ്ടെന്ന് മനസ്സിലാക്കിയ വാന നിരീക്ഷർ പന്തം കണ്ട പെരുച്ചാഴിയെപ്പോലെ ആയിരിക്കുകയാണ്... ഈ അത്ഭുത പ്രതിഭാസം വാൽ നക്ഷത്രങ്ങളെ സംഹരിച്ച് ഉന്മൂല നാശം വരുത്തി വാന മണ്ഡലത്തെ ശുദ്ധീകരിച്ച് വാൽ നക്ഷത്രങ്ങളുടെ കറ പുരളാത്ത ഒരു പുതിയ വാന മണ്ഡലത്തെ സ്ഥാപിക്കുക എന്നതാണ് ഈ അവതാര താരത്തിൻ്റെ ലക്ഷ്യമെന്ന് നാസ കണ്ടെത്തി. ഇത് യാഥാർഥ്യമാണെങ്കിൽ വാൽ നക്ഷത്രങ്ങൾ ഈ അവതാര താരത്തിൻ്റെ കുഴികളിലേക്ക് പതിക്കുന്ന ദൃശ്യങ്ങൾ സ്ഥിരം സംഭവമാകുമെന്നാണ് ശാസ്ത്രജ്ഞരുടെ വിലയിരുത്തൽ. അങ്ങനെയായാൽ വാൽ നക്ഷത്രങ്ങളും ഈ പുതിയ അവതാര താരവും തമ്മിലുളള ഒരു പൊരിഞ്ഞ സൗരയൂഥ യുദ്ധത്തിനാവും സൗരയൂഥം സാക്ഷ്യം വഹിക്കുക... ഇത് സംഭവിച്ചാൽ കൂടെ കൂടെ സൂര്യ ഗ്രഹണവും, ചന്ദ്ര ഗ്രഹണവും പോലത്തെ അപൂർവ്വവും അത്ഭുതകരവുമായ സംഭവ വികാസങ്ങൾ ആകാശത്ത് ദൃശ്യമാകുമെന്ന് നാസ വെളിപ്പെടുത്തി. ഇത് വാന ലോകത്തെ ആദ്യ സംഭവമാണ്..." (തുടരും) #📙 നോവൽ #📔 കഥ #📖 കുട്ടി കഥകൾ #🍔 രുചി #🍲 ഇന്നത്തെ രുചി