Varun Adhitya:Love Unfolds❤️ Part 4 ✒️Nova__💙💙 അൽപസമയത്തിന് ശേഷം വരുൺ കോസ്‌ട്യും മാറി പുറത്തിറങ്ങി. മുന്നിൽ നിൽക്കുന്ന ദേവികയെ കണ്ട് അവൻ തറഞ്ഞു നിന്നു. "അപ്പൊ എന്റെ സംശയം ശെരി ആയിരുന്നു. പകൽസമയത്ത് കോളേജിന്റെ വിറപ്പിക്കുന്ന സ്പോർട്സ് കോച്. രാത്രിയിൽ ഏറെ ആരാധകരുള്ള ഗായകൻ " പുച്ഛത്തോടെയുള്ള ദേവികയുടെ സംസാരം കേട്ട് ആവാം ഒന്നും മിണ്ടാൻ ഇല്ലാതെ നിന്നു. "എന്ത് പറ്റി സർ. ഇപ്പൊ ഒന്നും പറയുന്നില്ലേ. കോളേജിൽ ആണെങ്കിൽ ഏത് നേരവും എന്റെ ചെവി തിന്നൽ ആണല്ലോ നിങ്ങളുടെ ജോലി. ഇപ്പൊ എന്തെ ഉത്തരം മുട്ടിയോ?" "ദേവിക പ്ലീസ് ഇവിടെ വച്ച താൻ പ്രശ്നം ഒന്നും ഉണ്ടാക്കരുത്. നമുക്ക് മാറി നിന്ന് സംസാരിക്കാം " ദേവികയുടെ സംസാരം കേട്ട് അവിടെ ഉള്ളവരുടെ ഒക്കെ ശ്രദ്ധ തങ്ങളിലാണ് എന്ന് മനസ്സിലാക്കിയ വരുൺ അപേക്ഷയുടെ സ്വരത്തിൽ പറഞ്ഞു. ചുറ്റും നോക്കിയ ദേവിക അത് ശെരി വച്ച അവന്റെ പിന്നാലെ നടന്നെങ്കിലും പെട്ടെന്ന് അവിടേക്ക് വന്ന മീഡിയയെക്കൊണ്ടും ഫാൻസിനെ കൊണ്ടും അവൻ മാസ്ക് എടുത്ത് വച്ച്  ഹൂടിയുടെ  ക്യാപ് തലയിലേക്കിട്ടു. ക്യാമെറയിൽ തന്റെ മുഖം പതിഞ്ഞാൽ അത് വരുണിന് കൂടെ പ്രശ്നം ആണെന്ന് മനസ്സിലാക്കിയ ദേവിക ആ നിമിഷം തന്നെ അവിടെ നിന്നും മുങ്ങിയിരുന്നു. ഏറെ നേരം അവനെയും കാത്ത് അവിടെ നിന്നെങ്കിലും അവനെ കാണാൻ സാധിച്ചില്ല. "ശ്ശെ, ഇത്രേം റിസ്ക് എടുത്ത് ഇവിടം വരെ വന്നിട്ടും അയാളോടൊന്ന് സംസാരിക്കാൻ പോലും പറ്റിയില്ലല്ലോ " ഓരോന്ന് പിറുപിറുത്ത് അവൾ ബാഗ് ഷോൾഡറിലേക്ക് ഇട്ടു. ഇന്ന് രാത്രി ഏതെങ്കിലും ഹോട്ടലിൽ റൂം എടുത്തു താങ്ങി നാളെ രാവിലെ തിരിച്ചു പോകാം എന്നൊക്കെ തീരുമാനിച്ചു അവൾ മുന്നോട്ട് നടന്നു. എന്നാൽ സമയം ഏറെ വൈകിയതിനാൽ  അവൾക്ക് അവിടെ നിന്നും മുന്നോട്ട് എങ്ങനെ പോകും എന്ന് കൺഫ്യൂഷൻ ആയി. ഊബർ ബുക്ക്‌ ചെയ്യാനായി അവൾ ഫോണെടുത്തതും മുന്നിലേക്ക് ഒരു ബൈക്ക് വന്നു നിന്നു. ഹെൽമെറ്റ്‌ വച്ച മുഖം മുഴുവൻ മറച്ചിരുന്നെങ്കിലും അത് വരുൺ ആണെന്ന് അവൾ പെട്ടെന്ന് തന്നെ തിരിച്ചറിഞ്ഞു. അവനെ മൈൻഡ് ചെയ്യാതെ കൈയ്യും കെട്ടി ഓപ്പോസിറ്റ സൈഡിലേക്കും നോക്കി അവനെ ഇടംകണ്ണിട്ട് നോക്കി. അവളുടെ നോട്ടം മനസ്സിലാക്കിയ വരുൺ ഒന്ന്  കോട്ടി ചിരിച്ചു കൊണ്ട് ഹെൽമെറ്റിന്റെ ഗ്ലാസ്‌ ഉയർത്തി  അവളോട് വന്നു ബാക്കിൽ കയറാൻ കണ്ണ് കൊണ്ട് ആംഗ്യം കാണിച്ചു. നേരം ഇരുട്ടിയത് കൊണ്ടും അവിടെ നിൽക്കുന്നതിനേക്കാൾ നല്ലത് അവന്റെ കൂടെ പോകുന്നതാണെന്ന് മനസ്സിലാക്കിയ ദേവിക മറുതൊന്നും പറയാതെ അവന്റെ പിറകിൽ കയറി. യാത്രയിലുടനീളം അവരിരുവരും ഒന്നും സംസാരിച്ചില്ല. എന്തിനാണ് ഇങ്ങനെ ഒരു ഡബിൾ ലൈഫ് എന്ന് തുടങ്ങി ഒരുപാട് അവനോട് ചോദിക്കണമെന്നുണ്ടായിരുന്നെങ്കിലും ദേവികയുടെ നാവ് ചലിച്ചില്ല. ഏറെ നേരത്തെ യാത്രക്ക് ശേഷം അവർ യഥാസ്ഥാനത് എത്തി. അവളെ നോക്കി ഒന്ന് ചിരിച്ചതിന് ശേഷം  അവൻ ഒന്നും മിണ്ടാതെ ബൈക്കെടുത്ത് പോയി. വരുണിന്റെ ബൈക്ക്  കണ്മുന്നിൽ നിന്നും മറഞ്ഞപ്പോൾ വിലപ്പെട്ടതെന്തോ നഷ്ടപ്പെട്ട ദുഖത്തോടെ അവൾ വീടിനു നേരെ തിരിഞ്ഞു. അപ്പോഴാണ് താൻ എവിടെയാണ് നിൽക്കുന്നതെന്ന ബോധം അവൾക്കുണ്ടായത്. തന്റെ വീടിനു മുന്നിലാണ് അവളണിപ്പോൾ നിൽക്കുന്നത്. അവന് എങ്ങനെ തന്റെ വീട് അറിയാം എന്ന് ആലോചിച്ച് അവൾ ആകെ കുഴങ്ങി. വീട്ടിൽ വന്നു ബെല്ലടിച്ചപ്പോൾ അവൾ വരുന്ന കാര്യം പറയാത്തത് കൊണ്ട് തന്നെ എല്ലാവരും ആദ്യം ഒന്ന് ഞെട്ടിയെങ്കിലും ദേവികട്ടെ കുറിച് നന്നായറിയുന്ന അവളുടെ ഫാമിലിക്ക് അതിൽ വലിയ അത്ഭുതമൊന്നും ഉണ്ടായിരുന്നില്ല. രാത്രി ഏറെ വൈകിയിരുന്നത്കൊണ്ട് എല്ലാവരും അവരവരുടെ  ററോമിൽ പോയി പെട്ടന്ന് തന്നെ സെറ്റിലായി. അവളും മുറിയിൽ വന്നു ഫ്രഷായി കിടന്നു. പക്ഷെ മനസ്സിൽ ഒരായിരം ചോദ്യങ്ങൾ കൂട്ടിക്കുഴച്ച് കിടന്നതു കൊണ്ട് ഉറക്കം അടുത്തൂടെ പോലും പോയില്ല. വരുണിനെ പറ്റിയും അവന്റെ കോളേജിലെ ബീഹെവ്യറും പിന്നീട് കണ്ട മ്യൂസിഷ്യൻ വരുണും തമ്മിലുള്ള അന്തരാതെ കുറിച് ആലോചിച്ചു അവൾ അതെല്ലാം തന്റെ ഡയറിയിൽ കുറിച്ചിട്ടു. ഒടുവിൽ കിടക്കാൻ ആയി ഒരുങ്ങിയപ്പോൾ ആണ് മൊബൈലിൽ വന്ന നോട്ടിഫിക്കേഷൻ അവൾ ശ്രേദ്ധിച്ചത്. ഒരു നമ്പറിൽനിന്നും ഒരു താങ്ക് യൂ വും അതുപോലെ ഒരു സോറിയും ആണ് വന്നിട്ടുള്ളത്. അത് കണ്ട ഉടനെ  അവൾക്ക്  അത് വരുന്നിന്റെ അടുത്തനിന്നും വന്നതാണെന്ന് മനസ്സിലായി. പക്ഷെ അവൻ എന്തിനാണ് സോറി പറഞ്ഞതെന്ന് മാത്രം മനസ്സിലായില്ല. ഇതും ആലോചിച്ച കിടന്നാൽ ഇന്ന് ഉറക്കം ഉണ്ടാവില്ല എന്ന് മനസ്സിലാക്കിയ ദേവിക അതെല്ലാം മൈൻഡിൽ നിന്ന് ഡിലീറ്റ് ആക്കി കിടന്നുറങ്ങി. ക്ഷീണം കാരണം അവൾ പെട്ടെന്ന് ഉറങ്ങിപ്പോയെങ്കിലും മറുവശത്തു ഒരാൾ തന്നെയും ആലോചിച്ച ഉറക്കം നഷ്ടപ്പെട്ട ഇരിക്കുകയാണെന്ന് അവൾ അപ്പോൾ അറിഞ്ഞിരുന്നില്ല. ______________________________________ വീട്ടിൽ എത്തിയ ഉടനെ വരുൺ സെറ്റിയിലേക്ക് ഇരുന്നു. ഇന്നത്തെ പ്രോഗ്രാമും ദേവികയെ വീട്ടിലേക്ക് കൊണ്ടാക്കിയത് കൊണ്ടുള്ള ലോങ്ങ്‌ ഡ്രൈവും കാരണം അവൻ ആകെ ക്ഷീണിതനായിരുന്നു. ഇന്ന് നടന്നതെല്ലാം ആലോചിച്ച് അവന്റെ തല പെരുത്തു. ദേവിക എന്നെങ്കിലും ഇതെല്ലാം കണ്ടെത്തും എന്ന് അവന് ഉറപ്പായിരുന്നു. അതിനു മുന്നേ അവളോട് എല്ലാം തുറന്നു പറയണം എന്നും അവൻ തീരുമാനിച്ചിരുന്നു. എന്നാല് എല്ലാം ഇങ്ങനെ ആയിതീരുമെന്ന് താൻ വിചാരിച്ചില്ല. എന്ത് നടക്കരുതെന്ന് താൻ വിചാരിച്ചോ അത് തന്നെ നടന്നു. ഇതെല്ലാം നരച്ചു വച്ചതു കൊണ്ട് അവൾ ഇനി തന്നോട് ക്ഷമിക്കും എന്നെല്ലാം ആലോചിച്ച് അവന്റെ സമാധാനം നഷ്ടപ്പെട്ടു. ഓരോന്ന് ആലോചിച്ച് അവൻ മുറിയിലേക്കെത്തി നേരെ ബെഡിലേക്ക് കിടന്നു. ക്ഷീണം കാരണം പെട്ടെന്ന് തന്നെ ഉറങ്ങിപ്പോയി. പിന്നീട് രണ്ടു ദിവസത്തേക്ക് അവൻ കോളേജിൽ നിന്നും ലീവ് എടുത്തിരുന്നു. ദേവിക വീട്ടിൽ ആയതിനാൽ അവലും ലീവ് ആയിരിക്കുമെന്ന് അവനറിയാമായിരുന്നു. അവളില്ലാതെ കോളേജിൽ പോയിട്ട് തനിക്ക് വലിയ കാര്യമൊന്നും ഇല്ലല്ലോ എന്ന് വിചാരിച്ചു അവൻ.ലീവ് ആയതിനാൽ ഏറെ വൈകിയാണ് എണീറ്റത്. ഫ്രഷായി ഭക്ഷണമൊക്കെ കഴിച്ചതിനു ശേഷം അവൻ പ്രാക്ടീസിലേക്ക് കടന്നു. ബാൻഡ് എല്ലാം ഉണ്ടെങ്കിലും അവരുടെ കൂടെ പ്രോഗ്രാമിന്റെ തലേ ദിവസം മാത്രമേ അവൻ പ്രാക്ടീസ് ചെയ്യാറുള്ളൂ. ബാക്കി ലിറിക്‌സ് എഴുതുന്നത് അത് കമ്പോസ് ചെയ്യുന്നതുമെല്ലാം അവൻ തനിച്ചാണ്. അന്നത്തെ ദിവസം മുഴുവൻ അവൻ പാട്ടിലേക്കായി കോൺസെൻട്രേറ്റ് ചെയ്തപ്പോൾ മറുവശത്തു ദേവിക അവന്റെ ഭൂതകാലം അന്വേഷിച്ചു നടപ്പായിരുന്നു. തുടരും............... #നോവൽ # പ്രണയകഥകൾ # തുടർക്കഥ #തുടർക്കഥ #തുടർക്കഥ📖