📔 കഥ

#📙 നോവൽ - കാശിയുടെ പെണ്ണ് 💐💐 🔻 പാർട്ട്_ 39 ✍️ രചന - ജിഫ്ന നിസാർ ❣️ അപ്പൊ പണി സ്റ്റീഫന്റെ വക തന്നെയാണ്.അല്ലേ മുരുകാ " ഇടതു കയ്യിലെ മുറിവിലേക്കൊന്നു നോക്കി വല്ലാത്തൊരു ചിരിയോടെ ഫോണിൽ സംസാരിക്കുന്ന കാശിയുടെ നേരെയാണ് ശിവയുടെ ശ്രദ്ധയത്രയും. കഴിഞ്ഞ മൂന്ന് ദിവസമായിട്ട് കാശി പലവട്ടം പലവിധത്തിൽ ഓടിച്ചു വിടാൻ നോക്കിയിട്ടും ശിവ അവന്റെ വീട്ടിൽ തന്നെയായിരുന്നു വിട്ട് പോകാതെ. പുറമെ കാണിക്കുന്ന കലിപ്പിനും അപ്പുറം ആ സമയം അവനൊരു താങ്ങും കൂട്ടും ഉള്ളു കൊണ്ട് കൊതിക്കുന്നുണ്ടെന്ന് ശിവക്കറിയാം. കാശി ഫോണിൽ തന്നെ വീണ്ടും എന്തൊക്കെയോ പറയുന്നുണ്ട്. ആരോ അറിഞ്ഞു കൊണ്ട് പണി തന്നതാണ് എന്നുള്ളത് അവനാ അപകടത്തിന് ശേഷം പറയുന്നുണ്ട്. ആദ്യത്തെ ദിവസത്തെ അസഹനീയവേദന ഒന്നോതുങ്ങിയ ശേഷം അതിന് പിന്നിലുള്ളവരെ കണ്ട് പിടിക്കണം എന്ന് തന്നെയായിരുന്നു അവന്റെ ഏറ്റവും വലിയൊരു വാശിയും. അശോകേട്ടൻ നോക്കി കൊള്ളും അതെല്ലാം..നീയിപ്പോ റസ്റ്റ്‌ എടുക്കെന്ന് അവനോട് അദ്ദേഹം തന്നെ പറഞ്ഞിട്ട് പോയതാണ്. പക്ഷേ തന്നെയും തന്റെ ലഹരിയെയും മുറിപ്പെടുത്തിയ ആളെ അത്ര പെട്ടന്ന് വെറുതെ വിടാൻ അവൻ കാശിനാഥൻ അല്ലായിരിക്കണം. തന്റെയും കാശിയുടെയും ഡ്രസ്സ്‌ അലക്കി വിരിച്ചിട്ട് പെട്ടന്നൊരു കുളിയും കഴിഞ്ഞു കൊണ്ട് ശിവ കയറി ചെല്ലുമ്പോൾ കാശി ഉമ്മറത്തു തന്നെയുണ്ട്. എന്തോ കാര്യമായ ആലോചനയിലാണ് പുള്ളി. തൊട്ടരികിൽ തന്നെ അവന്റെ ഫോണുമുണ്ട്. "ഇതെന്ത ഡാ നീയി തൃസന്ധ്യ നേരത്ത് ലൈറ്റ് ഇടാതെ ഇരിക്കുന്നത്. സകലലക്ഷണ കേടും നിന്റെ കയ്യിലുണ്ട്.ചുമ്മാതാണോ എപ്പഴും ഓരോ എടാ കൂടത്തിൽ പോയി പെടുന്നത്.." അതും പറഞ്ഞു കൊണ്ടാ ഉമ്മറത്തെ ലൈറ്റ് തെളിയിച്ചു കൊണ്ടാണ് ശിവ അങ്ങോട്ട് ഇറങ്ങി ചെന്നത് തന്നെ. പെട്ടന്നവന്റെ ശബ്ദം കെട്ടാ ഞെട്ടലിൽ കാശി ഒന്നവനെ തുറിച്ചു നോക്കി. "നിന്നെ ഞാൻ കല്യാണം കഴിച്ചു കൊണ്ട് വന്നതാണോടാ.." ശിവയുടെ ചിരി കണ്ടതും കാശിക്ക് പിന്നെയും ദേഷ്യം വന്നു. "അവന്റെയൊരു ഒടുക്കത്തെ ഭരണം.. എന്റെ വീടിന്റെ പടി ചവിട്ടി പോകരുതെന്ന് എത്ര വട്ടം പറഞ്ഞു ഞാൻ നിന്നോട്.. മനുഷ്യനായ ഇച്ചിരി നാണം വേണം.. എന്നിട്ടവൻ കെട്ട്യോള് കളിക്കുന്നു.." "നീയൊന്ന് യെസ് മൂളിയ പിറ്റത്തെ നിമിഷം നിനക്ക് കെട്ടാൻ പെണ്ണിവിടെ പറന്നു വരും. അത് കൊണ്ട് മോനെന്നെ വിട്ട് പിടി..നിന്റെയീ കലിപ്പൊന്നും ഞാൻ താങ്ങില്ല.." ചിരിയോടെ പറഞ്ഞു കൊണ്ട് ശിവയും കാശിയുടെ അരികിലേക്കിരുന്നു.. "തൊട്ടടുത്ത നിമിഷം നീയിപ്പോ പറഞ്ഞ ആ പെണ്ണിന്റെ തന്തയും ഇവിടെ തന്നെ പറന്നു വരും.. എന്നെയും അവളെയും പൂളിയിട്ട് തിരിച്ചു പോകാൻ.." പുച്ഛത്തോടെ അതും പറഞ്ഞു കൊണ്ട് കാശി വീണ്ടും മുഖം തിരിച്ചു. "നിനക്ക് നട്ടെല്ല് ഇല്ലാത്ത കാരണം ആ പെണ്ണിന്റെ പ്രണയം പൂവണിയിമെന്നൊരു മോഹം എനിക്കുമില്ല.. ആഹ്. അതിന്റെ വിധി.അപ്പൊ നീ അത് വിട്.. എന്നിട്ട് പറ.. ആരാ നേരത്തെ വിളിച്ചത്..?" "മുരുകൻ.. കാശി അവനെ നോക്കാതെ തന്നെ പറഞ്ഞു. "ഏത്. നമ്മുടെ കോളനിയിലെ.. " "മ്മ്.. "അവനെന്തിനാ നിന്നെ വിളിക്കുന്നത്.. നീ ഡ്രൈവ് പണി വിട്ട് ഗുണ്ടാ പണി തുടങ്ങിയോ.. "അവനെന്നെ അല്ല ശിവ.. ഞാൻ അവനെയാണ് വിളിച്ചത്.. ആ അപകടം ആരുടെയോ പ്ലാൻ ആണെന്ന് നിന്നോട് ഞാൻ അപ്പഴേ പറഞ്ഞില്ലേ.." കാശി ശിവക്ക് നേരെ തിരിഞ്ഞിരുന്നു. "അന്നത്തെ ബസ്സിലെ സിസിടിവി ദൃശ്യം ഞാൻ മുരുകന് അയച്ചു കൊടുത്തിരുന്നു. അതിൽ ക്ലിയറായി അവന്മാർ പതിഞ്ഞിട്ടുണ്ട്.. മുരുകൻ ആളെ തിരിച്ചറിഞ്ഞു. ഇവിടെങ്ങും ഉള്ളവരല്ല.. പക്ഷേ അവരെയിങ്ങോട്ട് ഇറക്കിയത് ഇവിടെ ഉള്ള ഒരാളാണ്.." വല്ലാത്തൊരു ചിരിയോടെ കാശി ശിവയെ നോക്കി. ശിവ അത് ആരെന്നുള്ള ഭാവത്തിൽ മുഖം ചുളിച്ചു. "സ്റ്റീഫൻ ജോർജ്.." കാശിയുടെ പല്ലിനിടയിൽ കൂടി ഞെരിഞ്ഞു കൊണ്ടാണ് ആ വാക്കുകൾ പുറത്ത് വന്നത്. "സ്റ്റീഫൻ ജോർജ്... അതിന് നീയും അയാളുമായി എന്താ ഇടപാട്.. സ്റ്റീഫനെ ശിവയും അറിയും. കാശി പറഞ്ഞിട്ടുണ്ട് അയാളെ കുറിച്ച്. "സ്റ്റീഫൻ ജോർജയും ഞാനുമായി ഒന്നുമില്ല. പക്ഷേ സ്റ്റീഫൻ ജോർജയും അശോകേട്ടനും തമ്മിൽ ഇടപാട് ഉണ്ടല്ലോ.. അശോകേട്ടനെ പൂട്ടാൻ സ്റ്റീഫന് ഒരാളെ കൂട്ട് വേണം. അതിന് എന്നെ ചൂണ്ടാൻ ഈ സ്റ്റീഫൻ ജോർജ് ഒന്ന് രണ്ടു പ്രാവശ്യം ശ്രമിച്ചു നോക്കിയതാ. അത് നടക്കാഞ്ഞപ്പോൾ വാസുദേവൻ ചേട്ടനുമായി ഒരു കൊമ്പോ ചെയ്യാൻ ശ്രമിച്ചു. അതും ഞാൻ കണ്ണും പൂട്ടി റിജേക്ട് ചെയ്തപ്പോൾ.. അയാൾക്ക് കിട്ടിയ ഐഡിയ ആയിരിക്കും ഇത്.. ഈ വെടക്കാക്കി തനിക്കാകുക എന്നുള്ള ഐഡിയ.. കാണിച്ചു കൊടുക്കുന്നുണ്ട് ഞാൻ.. അവന്റെയൊരു പ്ലാൻ.." വീണ്ടുമാ മുറിവിൽ ഒന്ന് തലോടി കൊണ്ടത് പറയുമ്പോൾ കാശിയുടെ മുഖം ചുവന്നു പോയി. "അങ്ങേർക്ക് വട്ട് തന്നെ.. അമ്പല പറമ്പിൽ അശോകനെ തോൽപ്പിക്കാൻ അയാൾ കൂട്ട് കണ്ടെത്തിയ ആള് കൊള്ളാം. ഈ പറയപ്പെട്ട അശോകേട്ടനോടുള്ള പ്രേമം മൂത്തിട്ട് അങ്ങേരുടെ മോളുടെ സ്നേഹം പോലും വേണ്ടന്ന് വെച്ച് നടക്കുന്ന നിന്നെ.. നല്ല ബെസ്റ്റ് കൊമ്പോ.. നടന്നത് തന്നെ.." ശിവ തലയാട്ടി ചിരിച്ചു കൊണ്ടത് പറയുമ്പോൾ കാശി വീണ്ടും അവനെ തുറിച്ചു നോക്കി. സത്യത്തിൽ നീ എനിക്ക് കൂട്ട് വന്നതോ അതൊ ആ ഭ്രാന്തിയുടെ PR വർക്കിന് വന്നതോ.. ഇതിലേതാ സത്യം.. " കാശി കലിപ്പോടെ ചോദിച്ചു. "രണ്ടിനും കൂടി.." ശിവക്ക് വലിയ കൂസലൊന്നും ഇല്ല. കാർത്തുവിനോടിപ്പോൾ അത്യാവശ്യം സോഫ്റ്റ്‌ കോർണർ അവനുണ്ട് താനും. കഴിഞ്ഞു മൂന്ന് ദിവസം അവനും അറിയുന്നതാണ് ആ പെണ്ണിന്റെ സ്നേഹം.. അതിന്റെ ആഴം. ഇവന്റെ വിവരം അറിയാൻ എത്രയോ പ്രാവശ്യം ഫോണിൽ വിളിച്ചാലും ഒരിക്കൽ പോലും കാശി അതെടുത്തില്ല. പക്ഷേ തൊട്ടടുത്ത നിമിഷം യാതൊരു പരിഭവവും ഇല്ലാതെ അവൾ ശിവയെ വിളിക്കും. ചോദിക്കുന്നത് അവനെ.. കാശി നാഥനെ.. പറയുന്നത് അവനെ കുറിച്ച്.. ചിന്തിക്കുന്നതും സ്നേഹിക്കുന്നതും എല്ലാം അവനെ മാത്രം. എന്നിട്ടും ഇവന് മാത്രമെങ്ങനെ ഇങ്ങനെ.. ഇത്രയും നിസ്വാർത്ഥ പ്രണയം ഇന്നത്തെ കാലത്ത് മഷിയിട്ട് നോക്കിയാൽ പോലും കാണില്ല. അതും അവളെ പോലെയുള്ള എല്ലാം തികഞ്ഞ ഒരു പെണ്ണിൽ നിന്നും. പക്ഷേ.. ഇനിയൊരു വിളി കൊണ്ട്.. അല്ലെങ്കിൽ നോട്ടം കൊണ്ട് പോലും അവളോട് അടുത്താൽ.. പിന്നെ തനിക്കൊരു മടങ്ങി വരവുണ്ടാവില്ല എന്നുള്ള ഭയമായിരുന്നു അവനെന്ന് ശിവ പോലും അറിഞ്ഞില്ല. ചെറിയൊരു സൂചന കൊടുത്തു കൊണ്ട് പോലും കാശി അത് ആരെയും അറിച്ചതുമില്ല.. കാരണം മുന്നേയുള്ള ആ ചങ്ങലയിപ്പോ തന്റെ ഉള്ളിലെ പ്രണയത്തിനു മേൽ നിന്നും അഴിഞ്ഞു പോയിരിക്കുന്നു. ഇനിയത് പുറത്തെക്കിറങ്ങാൻ നേരിയൊരു നോട്ടം മതിയാവും.. അവളുടെയാ ചിരി മതിയാവും.. കാശി നാഥൻ ആ നിമിഷങ്ങളെ അപ്പോൾ വല്ലാതെ ഭയക്കുന്നുണ്ട്.. വല്ലാതെ... ❤‍🔥❤‍🔥 ഭവ്യയിൽ നിന്നും ഇത് പോലൊരു ആവിശ്യം.. അത് ബിബിയുടെ സ്വപ്നത്തിൽ പോലുമില്ല. അത് കൊണ്ട് തന്നെ അങ്ങനൊരു കാര്യം കേട്ട് രണ്ടു മൂന്ന് ദിവസം കഴിഞ്ഞും അതിന്റെയൊരു ഷോക്ക് അവനിൽ നിന്നും വിട്ട് മാറിയതുമില്ല. ചിത്രക്ക് പകരം ഭവ്യ.. അവനങ്ങനെ ചിന്തിക്കാൻ കൂടി വയ്യ. ചിത്രയോട് അവനും ഇഷ്ടം തന്നെയാണ്. മകൾ അവന്റെ ജീവനാണ്. എന്നിട്ടും പിന്നെ എന്തിനു അന്യ ഒരുത്തിയെ തേടി പോയെന്ന് ചോദിച്ചാൽ.. ഒരൊറ്റ ജീവിതമല്ലേ ഒള്ളു.. അത് പരമാവധി ആഘോഷമാക്കാൻ ഉള്ളതാണ് എന്നുള്ള ന്യായത്തെ അവൻ കൂട്ട് പിടിക്കും. അവന്റെ കാര്യത്തിൽ അത് അങ്ങനെ തന്നെയാണ്. കോടികളുടെ സ്വത്തുക്കൾ ഉള്ള വീട്ടിലെ ഒറ്റ മകൻ. പ്രായമായ അപ്പനും അമ്മയും.. ഒരുപാട് പ്രാർത്ഥനയും വഴിപാടും നടത്തിയിട്ടു കിട്ടിയ ആറ്റകനി. ജീവിതത്തിൽ അവൻ ആഗ്രഹിക്കുന്നതോന്നും നടക്കാതെ പോയിട്ടില്ല. കോളേജിൽ തന്നെ ജോലി മതിയെന്ന് തീരുമാനം എടുത്തത് ഉള്ളിലെ കോഴിത്തരം കൊണ്ട് തന്നെയാണ്. ചിത്ര എന്ന അവന്റെ ഭാര്യ അവന്റെ അമ്മയുടെ സെലക്ഷനാണ്. അമ്മയുടെ കൂട്ടുകാരിയുടെ മകൾ. ദാരിദ്രകുടുംബമാണ് അവരുടേത്. ഒന്നിച്ചു കളിച്ചു വളർന്ന കൂട്ടുകാരിയുടെ മകളെ അമ്മ മകന് വേണ്ടി ചോദിച്ചു. അവരത് സന്തോഷത്തോടെ സമ്മതിച്ചു. അവർക്കത് സ്വപ്നം പോലെ തന്നെ ആണല്ലോ. അതീവ സുന്ദരിയായ ചിത്ര.. വേണ്ടന്ന് വെക്കാൻ ബിബിനും തോന്നിയില്ല. അല്ലെങ്കിൽ തന്നെ അവളെ പോലെയുള്ള ഒന്നിനെ തന്നെയാണ് തന്റെ ചുറ്റി കളി മുന്നോട്ട് കൊണ്ട് പോകാൻ ഏറ്റവും നല്ല ഓപ്ഷൻ എന്ന് കൂടി കണക്ക് കൂട്ടിയ ബിബി ചിത്രയുടെ പാതിയായി. സ്നേഹിക്കാൻ മാത്രമറിയാം അവൾക്. അതിൽ കൂടുതൽ കഴിവൊന്നും ഇല്ല. ആ വീടിന്റെ മകളായി.. ബിബിയുടെ ഭാര്യയായി ഒതുങ്ങി നിന്നോളും. അതിൽ കൂടുതൽ ആഗ്രഹങ്ങൾ അവൾക്കുമില്ല. ബിബിയോട് സ്നേഹം കലർന്ന ഒരു തരം ബഹുമാനവും ആരാധനയുമാണ്. അവൾക്കപ്പോഴും ഉള്ളത്. ഒരിക്കലും തനിക്കു എത്തി പെടാൻ കഴിയാത്ത ദൂരമായിരിക്കും അവനിലേക്ക്. എന്നിട്ടും തന്നെ പ്രാണനെ പോലെ സ്നേഹിക്കുന്നവർ.. അങ്ങനെ തന്നെയാണ് ബിബിൻ അവർക്ക് മുന്നിൽ. അത്രയും സ്നേഹനിധി. വെറുതെ പോലും അവളോ അവളുടെ വീട്ടുകാരോ തന്നെ സംശയിക്കില്ല എന്നുള്ള ബിബിന്റെ ഓവർ കോൺഫിഡന്റ്. അവന്റെ പരിധിവിട്ടുള്ള ചുറ്റി കളികൾ. അതൊന്നും ആരെയും അറിയിക്കാതെ കൊണ്ട് പോകാനുള്ള ബിബിന്റെ കഴിവ് ആപരം തന്നെയാണ്. വീട്ടിലും നാട്ടിലും നല്ല കുട്ടി ഇമേജിനൊപ്പം ചിത്രയുടെ സ്നേഹനിധിയായ ഭർത്താവിന്റെ റോൾ കൂടി അവനിൽ ഭദ്രമാണ്. പിടിക്കപെടാനുള്ള അവസരങ്ങളെ അവനും മുൻകൂട്ടി കാണാൻ കഴിയും പോലാണ്. അങ്ങനെ ഉള്ളവരെ ആദ്യം തന്നെ ലിസ്റ്റിൽ കയറ്റില്ല. തന്നിലേക്ക് ചായവ് ഉള്ളവരെ വളക്കാൻ ഏറ്റവും ആദ്യം അവൻ പ്രയോഗിക്കുന്ന ആയുധവും ചിത്ര തന്നെയാണ്. അവൻ ഒരുപാട് സ്നേഹിച്ചിട്ടും അവനെ തിരികെ സ്നേഹിയിക്കാത്തവൾ എന്നാണ് തന്റെ വലയിൽ പെടുന്നവരോട് ബിബിൻ പറയുന്ന ന്യായം. കേൾക്കുന്നവർ ചിത്രയേ നിന്ന നിൽപ്പിൽ പഴിച്ചു പോവും വിധം അവനത് പറഞ്ഞു ഫലിപ്പിക്കും. അങ്ങനെ ഉള്ളപ്പോൾ ബിബിൻ സ്നേഹം തേടി പുറത്ത് പോകുന്നത് തെറ്റാല്ലെന്ന് അവരെ കൊണ്ട് തന്നെ അവൻ പറയിപ്പിക്കും.. ഇത് വരെയും ഒറ്റ പ്രാവശ്യം പോലും പിഴക്കാത്ത ഐഡിയ.. ഇപ്രാവശ്യം ഭവ്യ അത് തെറ്റിച്ചു. . അത് തന്നെയാണ് അവനുള്ള ഷോക്കും. ഇങ്ങനൊരു വെല്ലുവിളി അവനാദ്യം നേരിടുകയാണ്. അതിന്റെയൊരു പകപ്പും ചളിപ്പും അവനും നല്ലോണമുണ്ട്. ഒരുപാട് ബിസിനസ് സ്ഥാപനങ്ങൾ അവർക്ക് സ്വന്തമായുണ്ട്. അതിലൊന്നും പെടാതെ.. അപ്പൻ നിർബന്ധിച്ചു പറഞ്ഞിട്ടും പിടി കൊടുക്കാതെ ഇങ്ങനെ ഒരു ജോലി തന്നെ തിരഞ്ഞെടുത്തത് ഇതൊക്കെ മനസ്സിൽ ഉണ്ടായിരുന്നത് കൊണ്ട് തന്നെയാണ്. ലക്ഷങ്ങൾ കെട്ടി വെച്ചിട്ട് ഈ കോളേജിൽ തന്നെ കയറുമ്പോൾ ഉള്ളിൽ ഉദ്ദേശിച്ചത് ഇങ്ങനെയൊക്കെയുള്ള കളർഫുൾ ജീവിതം തന്നെയാണ്. അത് പക്ഷേ ഇത്രയും ഭീകരമായി പാളി പോകുന്നത് ഇത് ആദ്യം. വിട്ട് പോകുന്നില്ല എന്ന് തോന്നുന്നവർക്ക് എറിഞ്ഞു കൊടുക്കാൻ അക്കൗണ്ടിൽ ഇഷ്ടം പോലെയുള്ള കാശ് ഇത് വരെയും അവനെ എവിടെയും കുടുക്കി കളഞ്ഞിട്ടില്ല. ഈ നാശം പിടിച്ചവൾക്ക് പണവും വേണ്ടത്രേ. പത്തു ലക്ഷം വരെയും ഓഫർ ചെയ്തിട്ടും അവൾക്ക് വേണ്ടന്ന്. അവൾക്ക് ഭാര്യ ആയാൽ മതിയെന്ന്. ബിബിക്ക് അതോർക്കുമ്പോൾ തന്നെ അവളെ ഞെരടി കൊല്ലാനുള്ള ദേഷ്യം തോന്നുന്നുണ്ട്. കാത്ത് കാത്തിരുന്നു കാണുമ്പോൾ താൻ കൊടുക്കുന്ന രണ്ടോ മൂന്നോ ലക്ഷം കാണുമ്പോൾ അവളതിൽ വീണു പോകുമെന്ന് അവനും ഉറച്ചു വിശ്വസിച്ചു. പക്ഷേ അവളതിലൊന്നും വീണില്ലെന്ന് മാത്രമല്ല.. അതിനേക്കാൾ വലിയൊരു കെണിയിൽ തന്നെ വീഴ്ത്തി കളയുകയും ചെയ്തു. അവളുടെ ഔദാര്യം പോലെ ഒരാഴ്ചത്തെ സാവകാശം തന്നിട്ടുണ്ട്. അതിനുള്ളിൽ അവളുടെ കാര്യത്തിൽ ഒരു തീരുമാനം എടുത്തില്ലേൽ അവളായിട്ട് തന്നെ എല്ലാം ചിത്രയയോട് പറയുമെന്നും യാതൊരു സംശയങ്ങൾക്കും ഇട കൊടുക്കാത്ത ഒരുപാട് വിഡിയോ തെളിവുകൾ അടക്കം അവളിൽ ഭദ്രമാണെന്നും പറഞ്ഞിട്ടുണ്ട്. എല്ലാം കൂടി ഓർത്തിട്ട് ബിബിക്ക് എന്താ വേണ്ടതെന്നൊരു രൂപവും കിട്ടുന്നില്ല. തന്നോടൊപ്പം തന്നെ തന്റെ കുടുംബം ചിത്രയെയും സ്നേഹിക്കുന്നുണ്ട്. അവൾക്ക് വരുന്ന സങ്കടങ്ങളെ അവർക്കും കണ്ടില്ലെന്ന് നടിക്കാൻ കഴിയില്ല. അവളെ ഉപേക്ഷിച്ചു കളയുക എന്നതൊന്നും ഒരിക്കലും നടക്കാത്ത കാര്യമാണ്. അതോടൊപ്പം ചിലപ്പോൾ താനുമാ കുടുംബത്തിൽ നിന്നും പുറത്ത് പോയേക്കാം. കുറെയേറെ ആലോചനകൾക്ക് ശേഷം.. ഏറ്റവും ആദ്യത്തെ പിടി വള്ളി പോലെ ബിബിയുടെ മനസ്സിൽ വിഷ്ണുവിന്റെ മുഖം തെളിഞ്ഞു. കാശ്നോടുള്ള ആർത്തി തീരാത്ത ഭവ്യ യുടെ വല്യേട്ടനെ കുറിച്ച് ബിബിനറിയാം. അതോടെ അവനിൽ ആളി കത്തി കൊണ്ടിരുന്ന തീ അൽപ്പം അണഞ്ഞു കഴിഞ്ഞിരുന്നു.. തുടരും.. നല്ല ബെസ്റ്റ് കൊമ്പോ ല്ലേ.. ഈനാം പേച്ചിക്ക് മരപ്പട്ടി കൂട്ട് ന്നും പറയും പോലെ.. വായിച്ചു പോകുമ്പോ വല്ലോം പറയുന്നേ.. സ്നേഹത്തോടെ നിങ്ങളുടെ സ്വന്തം jif #💞 പ്രണയകഥകൾ #📔 കഥ

#📙 നോവൽ - നീലാംബരം.. 🔻 ഭാഗം _7 ✍️ രചന - Aysha akbar പറഞ്ഞ വാക്കുകളോർത്ത് അഭിയുടെ നെഞ്ച് നീറി പ്പുകയുകയായിരുന്നു..... ഉള്ളിലാകെയൊരു എരിച്ചിൽ തോന്നിയവന്....... എത്ര ഇരുന്നിട്ടും ഇരിപ്പ് കിട്ടാത്തത് പോലെ.... പറഞ്ഞ വാക്കിന്റെ വേദന കേട്ടവരേക്കാളേറെ തന്നേ ചുട്ടെരിക്കുന്നുണ്ട്.... മോളിവിടി യിരിക്ക്.... അഭിയിപ്പോ വരാം.... ആനന്ദിയെ മുറിയിലിരുത്തി അവൻ നേരെ അമ്മയുടെ അടുത്തേക്കാണ് പോയത്....... ഞാൻ... ഞാൻ അറിയാതെ പറഞ്ഞു പോയതാ അമ്മേ.... അപ്പോഴത്തെ ദേഷ്യത്തിൽ എന്തൊക്കെയോ പറഞ്ഞു...... മാപ്പ്........ മുറിയിലേക്ക് കയറിയ ഉടനെ കട്ടിലിൽ ചെരിഞ്ഞു കിടക്കുക യായിരുന്നു ദേവിയുടെ അരികിലേക്ക് കിടന്നു അവരെ പിറകിൽ നിന്നും ചുറ്റി പ്പിടിച്ചു കൊണ്ടതും പറഞ്ഞവൻ കരയുമ്പോൾ ദേവി കിടന്നിടത്ത് നിന്നും ഞെട്ടിയെഴുന്നേറ്റു...... അമ്മേ.... ഞാൻ...... തന്നോടൊപ്പം എഴുന്നേറ്റിരുന്നു കൊണ്ട് പറയാൻ പോലും വാക്കുകൾ കിട്ടാതെ വിതുമ്പുന്നവനോട് അവരുടെ അമ്മ മനസ്സിന് ഒരലിവ് തോന്നിയിരുന്നു.... എങ്കിലും അവർ മുഖത്തെ ഗൗരവം പിടി വിട്ടില്ല..... എന്നോടല്ല മാപ്പും കോപ്പുമൊന്നും പറയേണ്ടത്..... നിൻറെ വാക്കുകൾ ഹൃദയത്തിൽ മുറിവ് തീർത്തോരു പാവം പെണ്ണുണ്ട്.... ഒരു കുഞ്ഞിനെ ചുമക്കാൻ അവളുടെ ശരീരത്തിന് കഴിയില്ലെങ്കിലും മനസ്സ് കൊണ്ടെല്ലാവരെയും ചുമക്കാൻ ശേഷിയുള്ളൊരു പെണ്ണ്...... അവളുടെ ഉള്ള് എത്ര നീറിയിട്ടുണ്ടെന്ന് ഊഹിക്കാൻ പറ്റുമോ നിനക്ക്....... അതിനോട് ക്ഷമ ചോദിക്ക് നീ...... അല്ലാതെയിനി എന്റെ മുന്നിൽ കണ്ട് പോകരുത് നിന്നേ..... ദേവി കനത്തിൽ അതും കൂടി പറഞ്ഞു നിർത്തുമ്പോൾ അഭി ഇരുന്നിടത് നിന്നോന്നെഴുന്നേറ്റു ..... താനങ്ങനെ പറഞ്ഞ ആ നിമിഷം അനങ്ങാൻ പോലും കഴിയാതെയെന്ന വണ്ണം മരവിച്ചു നിൽക്കുന്ന കവിയുടെ ചിത്രം അവന്റെ മനസ്സോർമിപ്പിച്ചു..... അവന്റെ കാലുകൾ യാന്ത്രി കമായി ചലിച്ചത് ഏട്ടന്റെ മുറിയിലേക്കായിരുന്നു..... അവളെ എങ്ങനെ അഭിമുഖീകരിക്കണമെന്ന് പോലും അവനറിയില്ലായിരുന്നു..... പാതി ചാരി കിടക്കുന്ന വാതിലൂടെ അവൻ കണ്ടിരുന്നു കട്ടിലിൽ കിടക്കുന്നവളെ....... ചെരിഞ്ഞു കിടക്കുന്ന അവൾ പൊട്ടി ക്കരയുകയാണെന്ന് പിറകിൽ നിന്ന് തന്നേ വ്യക്തമാണ്...... അവന്റെ നെഞ്ച് വല്ലാതെ നീറി..... ഏ..... ഏട്ടത്തി.... അവൻ വിളിച്ചതും കട്ടിലിൽ കിടന്നവൾ പെട്ടെന്ന് എഴുന്നേറ്റു കട്ടിലിരുന്നപ്പോഴേക്കും വാതിൽ കടന്ന് അവനാ മുറിയിലേക്കെത്തിയിരുന്നു.... അവൻ കാണാതിരിക്കാൻ അവൾ ധൃതി പ്പെട്ടു കണ്ണുകൾ തുടച്ചു കൊണ്ടിരുന്നു...... അത് കാണും തോറും അഭിയുടെ നെഞ്ച് പൊട്ടി പ്പിളരുന്നുണ്ടായിരുന്നു..... അവൻ പെട്ടെന്ന് തന്നേ കട്ടിലിനോരം ആ തറയിലിരുന്നു പോയി...... നീട്ടി വെച്ച അവളുടെ കാലിൽ അവന്റെ കൈ പതിഞ്ഞപ്പോഴാണ് കണ്ണുകൾ അമർത്തി തുടച്ചു കൊണ്ടിരുന്നവൾ പെട്ടെന്ന് മുഖമൊന്നുയർത്തിയത്...... ഏട്ടത്തി..... സോറി.... ഞാൻ അപ്പോഴത്തെ ദേഷ്യത്തിൽ പറഞ്ഞു പോയതാ....... ഇടറുന്ന വാക്കുകളാൽ അവനത് പറഞ്ഞു നിർത്തുമ്പോൾ ആ മിഴികൾ അനുസരണയിലല്ലാതെ ഒഴുകുന്നുണ്ടായിരുന്നു.... നീയെന്താ അഭി കാണിക്കുന്നത്...... അവളതും ചോദിച്ചു കൊണ്ട് പെട്ടെന്ന് കാലുകൾ പിറകിലേക്ക് വലിച്ചു..... കവിക്കും തിരിച്ചവനോടെന്ത് പറയണമെന്നറിയില്ലായിരുന്നു........ ഞാൻ എന്തൊക്കെയോ പറഞ്ഞു പോയി ഏട്ടത്തി...... സോറി..... അവൻ കൈ രണ്ടും കൂപ്പി കൊണ്ട് അവളുടെ മുമ്പിൽ നിന്ന് പൊട്ടി കരയുമ്പോൾ പാട് പെട്ട് കണ്ണ് നീരിനെ അവളും അടക്കി നിർത്താൻ ശ്രമിച്ചു....... സാര..മില്ല.....അഭി...... കരയേണ്ട..... എനിക്ക് വിഷമമൊന്നുമില്ല...... അവൾ മുഖത്തൊരു പുഞ്ചിരി വരുത്തി തീർത്തു കൊണ്ടത് പറയാൻ ശ്രമിക്കുമ്പോൾ ആ കണ്ണുകൾ നിറഞ്ഞു തൂവി കൊണ്ടേയിരുന്നിരുന്നു...... ഏട്ടത്തിയെ സങ്കടപ്പെടുത്താൻ പറഞ്ഞതല്ല ഞാൻ... അപ്പോഴത്തെ മാനസികാവസ്ഥ യിൽ പറഞ്ഞു പോയതാ....... സോറി..... അവൻ വീണ്ടും അവൾക്ക് നേരെ മുഖമുയർത്തി ഒരു കൊച്ചു കുഞ്ഞിനെ പോലെ പറഞ്ഞു വിതുമ്പുമ്പോൾ കവിക്കവനോട് വല്ലാത്തൊരു അനുകമ്പ തോന്നിയിരുന്നു..... അഭി..... അവൾ നനവുള്ള ശബ്ദത്തോടെ വിളിച്ചതും അവൻ അവൾക്ക് നേരെ മുഖമൊന്നുയർത്തി..... നിന്നെക്കാൾ ഒരു വയസ്സിനിളയതാണ് ഞാൻ..... എന്നിട്ടും ഏട്ടത്തി എന്നല്ലാതെ നീയെന്നെ വിളിച്ചിട്ടില്ല..... ആ പരിഗണന നീയെനിക്കെന്നും തന്നിട്ടുമുണ്ട്....... ആ നിന്നെ എനിക്ക് മനസ്സിലാകും..... നിന്റെ മാനസികാവസ്ഥ യും എനിക്ക് മനസ്സിലാകും...... കവി വളരേ ഭംഗിയോടെ അവനെ ആശ്വസിപ്പിക്കാൻ ശ്രമിക്കുമ്പോൾ ഉലയുന്ന ഹൃദയത്തിന്റെ ആക്കം കൂടിയത് പോലെ തോന്നി അഭിക്ക്..... എന്നേ.....എന്നേ ആരും മനസ്സിലാകുന്നില്ല ഏട്ടത്തി..... ഏട്ടൻ പോലും.... ഏട്ടനിൽ നിന്ന് ഞാൻ അങ്ങനെയൊരു വാക്ക് പ്രതീക്ഷിച്ചിട്ടില്ല...... അതാ ഞാൻ പെട്ടെന്ന്.... പറഞ്ഞു മുഴുവനാക്കാൻ കഴിയാതെ അവനൊന്നു വിതുമ്പി....... അഭി..... ഏട്ടന്റെ അവസ്ഥ നീയും മനസ്സിലാക്കണം ..... ഏട്ടന്റെയുള്ളിൽ നീറുന്ന ഒരു കനലിനെ കൊണ്ടാണ് നീയീ പടി കടന്ന് വന്നത്...... നിന്റെ കൈ പിടിച്ചൊരു പെണ്ണായിരുന്നെങ്കിൽ ഏട്ടൻ ഒന്നും ചോദിക്കാതെ വിവാഹം നടത്തി തരുമായിരുന്നു.... പക്ഷെ ഇതൊരു കുഞ്ഞായി പോയതാണ് ഏട്ടന്റെ വേദനക്ക് കാരണം.... അല്ലാതെ നിന്നേ മനസ്സിലാവാന്നിട്ടല്ല.... അതിന്റെ കൂടെ നാട്ടുകാരുടെ കുത്തു വാക്കുകളും കൂടി സഹിച്ചിട്ടുണ്ടാവില്ല..... കവി അത് പറഞ്ഞു നിർത്തുമ്പോൾ ആ കണ്ണുകളിൽ ഒരു തരം നിർവികാരത നിറഞ്ഞു നിന്നു...... അഭി തറയിലിരുന്ന് തന്നേ കട്ടിലിലേക്ക് ചാരി തലയൊന്ന് വെച്ചു..... അവന്റെയുള്ളിൽ സ്നേഹ പറഞ്ഞ വാക്കുകളും ഏട്ടൻ പറഞ്ഞ വാക്കുകളുമെല്ലാം തിങ്ങി നിറഞ്ഞു....... തൊണ്ട ക്കുഴിയിൽ എന്തോ ഒന്ന് കനത്ത് നിന്നു..... എല്ലാവരും പറയുന്നു അവളെന്റെ കുഞ്ഞാണെന്ന്....... എന്നോടൊരു ചോദ്യം പോലും ചോദിക്കാതെ.... സ്നേഹ പോലും.... അവൻ അതും പറഞ്ഞോന്നു തല കുടയുമ്പോൾ കവിക്കവനെ നല്ലവണ്ണം മനസ്സിലാകുന്നുണ്ടായിരുന്നു.... അതിന് അവരെയും കുറ്റം പറയാൻ പറ്റില്ല അഭി...... കവി അത് പറഞ്ഞതും അവൻ ഞെട്ടലോടെ അവളെ നോക്കി.... അവളിൽ നിന്ന് കൂടി താനത് പ്രതീക്ഷിക്കുന്നില്ലെന്ന വണ്ണം അവന്റെ മുഖത്തൊരു നോവ് പരന്നു ..... നീ തന്നെയോന്നോർത്ത് നോക്ക്.... പ്ലസ് ടു വിനപ്പുറം നീ പഠിച്ചല്ലാം പുറത്ത് നിന്നാണ്...... നമ്മുടെ നാട്ടി ൽ നിന്ന് പുറത്ത് പോയി പഠിച്ച ചുരുക്കം പേരിലൊരാളാണ് നീ.... മാത്രവുമല്ല..... ആ കുഞ്ഞിന് നിന്റെ ചായ യുണ്ട് അഭി..... കവി അത് പറഞ്ഞതും അഭിക്ക് ദേഷ്യമോ സങ്കടമോ വരുന്നതെന്നറിയില്ല...... അവന്റെ കണ്ണുകൾ ചുരുങ്ങി..... ചുണ്ടുകൾ വിറച്ചു.... ഓഹോ.... അപ്പൊ ഏട്ടത്തിയും..... അവനത് ചോദിച്ചു കൊണ്ട് പല്ലുകൾ ഞെരിച്ചു...... അവളെന്റെ കൂടെ വന്നത് കൊണ്ടുള്ള തോന്നലായി ക്കൂടെ അത്....... തികച്ചും യാദൃശ്ചികം.... അങ്ങനെ യെ ആവു.....അങ്ങനെ മാത്രം..... അഭി ദേഷ്യത്തോടെ അതും പറഞ്ഞു കൊണ്ട് എഴുന്നേൽക്കുമ്പോൾ കവിയും അവനു പിറകെ യൊന്നെഴുന്നേറ്റു..... ആയിരിക്കാം..... അത് യാദൃശ്ചികം എന്ന് തന്നേ വെച്ചോ........ കവിയത് പറഞ്ഞതും പുറത്തേക്ക് നടക്കാനൊരുങ്ങിയ വന്റെ കാലുകൾ നിശ്ചലമായി... അവളുടെ ബാക്കി വാക്കുകൾക്കുള്ള ചോദ്യത്തോടെ അവനങ്ങനെ നിന്നു..... അവളെ കുറിച് നീ പറഞ്ഞ കഥയും വിശ്വാസ യോഗ്യമല്ല അഭി.... അങ്ങനെ സ്വന്തം കുട്ടിയെ ഒരു പരിചയവുമില്ലാത്ത ഒരാളെ ഏൽപ്പിച്ചു ഒരമ്മ പോകുമോ... കവി അതും കൂടി ചോദിക്കുമ്പോൾ അഭിക്ക് ദേഷ്യമോ സങ്കടമോ വന്നതെന്നറിയില്ല...... ആർക്കും തന്നേ മനസ്സിലാക്കാൻ കഴിയാത്തതെന്ത് കൊണ്ടെന്ന് അവനറിയുന്നില്ലായിരുന്നു...... അങ്ങനെ പോകുന്ന അമ്മമാരുണ്ടെന്ന് രണ്ട് ദിവസം മുമ്പാ ഞാനും അറിഞ്ഞത്.... മറ്റുള്ളവർ വിശ്വസിക്കാൻ പാകത്തിൽ പറയാൻ ഇത് ഞാൻ കെട്ടി ചമ്മച്ച കഥയല്ല.... ആയിരുന്നെങ്കിൽ എല്ലാവരും വിശ്വസിക്കുന്ന നല്ലോരു കഥ ഞാൻ പറഞ്ഞേനെ....... അഭി അല്പം അമർഷത്തോടെ തന്നേ അത് പറഞ്ഞു നിർത്തുമ്പോൾ കവി അവനെയൊന്ന് നോക്കി..... അങ്ങനെ നീ പുതിയൊരു കഥ മെനഞ്ഞെടുക്കുന്നതിനു പകരം ഈ കഥയുടെ യഥാർത്ഥ പിന്നാമ്പുറം കണ്ട് പിടിക്കുന്നതല്ലേ നല്ലത്...... കവി അത് പറഞ്ഞതും അവൻ കണ്ണുകൾ വിടർത്തി സംശയത്തോടെ അവളെ നോക്കി..... അങ്ങനെ ഒരമ്മ തന്റെ കുഞ്ഞിനെ ഉപേക്ഷിച്ചു പോകാൻ തക്ക ഒരു കാരണം തീർച്ചയായും അവൾക്കുണ്ടാവും...... അതിന് നിന്നേ തിരഞ്ഞെടുത്തതിനും..... കവിയുടെ ഉറച്ച വാക്കുകളിൽ ഒരു നിമിഷം അഭിയുടെ ഹൃദയം കുരുങ്ങി നിന്നു....... നിന്റെ ഭൂത കാലത്തിന്റെ മറവികളിലെവിടെയെങ്കിലും അവളുണ്ടോ എന്ന് ആദ്യം നീയൊന്ന് തിരഞ്ഞു നോക്കണം. അവൾക്ക് നിന്നേ മുന്നേ അറിയാമെന്നു എന്റെ മനസ്സ് പറയുന്നു അഭി...... കവി അത് പറയുമ്പോൾ എന്തിനോ അഭിയുടെ ഹൃദയത്തിൽ ഒരു നടുക്കം തോന്നി...... അവൻ ചിന്തകളുടെ ഭാരത്തിൽ തലക്കൊന്ന് കൈ വെച്ചു.....കണ്ണുകൾ ഇറുക്കെ ചിമ്മി തന്റെ കാലഘട്ടങ്ങളോരോന്നും അവനോർത്തെടുക്കാൻ ശ്രമിച്ചു...... നീലാം ബര പൂക്കളുടെ നിർവികാരമായ ഗന്ധം ഓർമകളിലെവിടെയും പടരാതെ യെന്ന വണ്ണം ആ ട്രെയിനിൽ മാത്രം ഒതുങ്ങി നിന്നു.... കവി അവനെ തന്നേ നോക്കി നിൽക്കുകയാണ്... അവൻ പതിയെ കണ്ണുകളൊന്ന് തുറന്നു..... നിരാശ നിറഞ്ഞ ആ കണ്ണുകളിൽ നിന്ന് തന്നേ അവന്റെ ഉത്തരം കവിക്ക് മനസ്സിലായിരുന്നു...... എനിക്ക്.... എനിക്കെന്ത് ചെയ്യണമെന്ന് അറിയില്ല ഏട്ടത്തി..... അവനതും പറഞ്ഞു കൊണ്ട് വീണ്ടുമാ കട്ടിലിലേക്കിരുന്നു..... മനസ്സിലെ അസ്വസ്ഥത മുഖത്ത് തെളിഞ്ഞു കാണാം....... ഏയ്..... ഇങ്ങനെ ടെൻഷനാവുന്നതെന്തിനാ... റിസൾട്ട്‌ വന്നാൽ പോലീസോ കളക്ടറോ ഒക്കെയാവേണ്ട ആളാണോ ഈ ചെറിയ കാര്യത്തിന് ഇങ്ങനെ വേവലാതി പ്പെടുന്നത്... കവി പതിഞ്ഞൊരു പുഞ്ചിരിയോടെ അത് പറഞ്ഞു കൊണ്ട് അവന്റെ തോളിലൊന്ന് കൈ വെച്ചു...... സത്യമായിട്ടും എനിക്കറിയില്ല ഏട്ടത്തി അവളെന്തിന് എന്നേ തിരഞ്ഞെടുത്തു വെന്ന്....... അഭിയത് പറയുമ്പോൾ ഉള്ളിലെ അസ്വസ്ഥത മുഖത്ത് പ്രകടമായിരുന്നു.... എവിടെ നിന്ന് തുടങ്ങിയോ അവിടേ പോയി നീ തിരയണം അഭി...... അവളെന്തിനു നിന്ന് ഏൽപ്പിച്ചു എന്ന ചോദ്യത്തിന് ഉത്തരം വേണം നിന്റെ കയ്യിൽ.... തീർച്ചയായും അതിന് ശക്തമായ ഒരുത്തരം കാണും.... കവിയത് പറയുമ്പോൾ ആ കണ്ണുകളിൽ എന്തോ ഒരു വിശ്വാസം തിളങ്ങി നിന്നിരുന്നു.... അഭി അവിശ്വസനീയമായി അവളെ നോക്കി.... ഇനി അതല്ല....... ഒരമ്മയുടെ കടമകളറിയാത്ത അനുകമ്പ യില്ലാത്ത ഒരുത്തിയാണ് അവളെങ്കിൽ കുഞ്ഞിനെ തിരിച്ചെടുക്കാൻ നീയവളോട് കെഞ്ചരുത്.. കാരണം അവൾക്കതിനു അർഹതയില്ല...... നമ്മൾ നാല് പേരുള്ള ഈ വീട്ടിൽ അവളൊരാള് നമ്മൾക്ക് അധികമാവില്ല..... അതാണ്‌ നിയോഗമെങ്കിൽ അവളിവിടെ വളർന്നോട്ടെ...... ഉറച്ച ശബ്ദത്തോടെയെന്ന വണ്ണം അവളതും പറഞ്ഞു നിർത്തുമ്പോൾ അഭിയുടെ മുമ്പിൽ പുതിയ ചിന്തകൾ വഴി കാണിച്ചിരുന്നു..... ശെരിയാണ്..... താൻ തുടങ്ങേണ്ടത് അവളിൽ നിന്നാണ്...... വളരേ പക്വത യോടെ അത്രയും പറഞ്ഞവളെ അഭി ആരാധനയോടെ ഒന്ന് നോക്കി...... 🔷🔷🔷🔷🔷🔷🔷🔷🔷🔷🔷🔷🔷🔷🔷🔷 അമ്മേ...... ഞാൻ..... ഞാനൊരു യാത്ര പോകുകയാണ്...... ആനന്ദിയെ ഏൽപ്പിക്കാൻ എനിക്ക് അമ്മയെ യുള്ളൂ...... എന്റെ അമ്മക്ക് സ്നേഹിക്കാൻ മാത്രമേ അറിയാവു എന്നെനിക്ക് നല്ല ബോധ്യമുണ്ട്..... എനിക്ക് പകരമായി ഞാനായി കണ്ട് അവളെ അമ്മ നോക്കണം...... അമ്മയുടെ കൈ രണ്ടും കൂട്ടി പ്പിടിച്ചു അഭിയത് പറയുമ്പോൾ തന്റെ കുഞ്ഞിനെ യോർത്ത് ദേവിയുടെ ഉള്ള് നീറിയെങ്കിലും മൗനം കൊണ്ട് മാത്രം അവനൊരു സമ്മതം എഴുതി കൊടുത്തവർ ...... 🔷🔷🔷🔷🔷🔷🔷🔷🔷🔷🔷🔷🔷 ആനന്ദി എണീക്കുമ്പോൾ അഭിയെ കാണില്ല കേട്ടോ.... അപ്പൊ വിഷമിക്കരുത്...... ആനന്ദിയോടത് പറയുമ്പോൾ അവളുടെ ചുണ്ടുകൾ വിതുമ്പി പോകുന്നത് അഭി കണ്ടു.... ഏയ്.... കരയല്ലേ..... ആനന്ദിയുടെ അമ്മയെ കണ്ട് പിടിക്കാൻ പറ്റുമോയെന്ന് നോക്കാനല്ലേ അഭി പോകുന്നത്....... അത് പറഞ്ഞിട്ടൊന്നും അവളുടെ സങ്കടം ഒതുങ്ങിയിരുന്നില്ല...... പിന്നെ തനിക്കാരെന്ന ചോദ്യം അവളിൽ നിറഞ്ഞു നിന്നു..... ഒരു വിധത്തിൽ അവളെ സമാധാനിപ്പിച്ചുറക്കിയിട്ടാണ് അഭി ഇറങ്ങിയത്..... ഇറങ്ങും മുൻപ് തന്നേ ഏട്ടന്റെ ബൈക്ക് മുറ്റത് നിൽക്കുന്നത് അവൻ കണ്ടിരുന്നു...... പോയി മാപ്പ് പറഞ്ഞാ കാലിലേക്ക് വീഴണമെന്നുണ്ടെങ്കിൽ കൂടി ഏട്ടത്തി പറഞ്ഞത് പോലെ പറയാനൊരു ശക്തമായ കഥ തനിക്ക് വേണം..... ആ കഥയിലേക്കുള്ള യാത്രയിലേക്കാണ് താൻ പോകുന്നത്..... അഭി..... മുറ്റത്തേക്കിറങ്ങിയതും കവി പിറകിൽ നിന്നവനെ വിളിച്ചു കൊണ്ട് അവനടുത്തേക്കൊടി ചെന്നു....... കുറച്ചു പൈസ അവളവന്റെ കയ്യിലേക്ക് ചുരുട്ടി വെച്ചു കൊടുക്കുമ്പോൾ അവന്റെ ഉള്ളൊന്ന് പിടഞ്ഞു.... വേണ്ട ഏട്ടത്തി.... എന്റെ കയ്യിലുണ്ട്..... പറയുമ്പോൾ അവന്റെ സ്വരം ഏറെ ഇടറിയിരുന്നു...... ദൂരെ യാത്രക്കല്ലേ.....ആവശ്യം വരും........ ഏട്ടൻ തന്നതാ........ കവി പതിഞ്ഞൊരു പുഞ്ചിരിയോടെ അതും കൂടി പറയുമ്പോൾ ഏട്ടനെന്ന ആ വാക്ക് കൊണ്ട് തന്നേ അവന്റെ ഹൃദയം മുറിഞ്ഞിരുന്നു...... ജന വാതിലിലൂടെ മറഞ്ഞു നിന്ന് ഏട്ടൻ തന്നേ നോക്കുന്നുണ്ടാകുമെന്ന് ഉറപ്പുള്ളത് കൊണ്ട് തന്നേ നിറഞ്ഞ കണ്ണുകൾ വെട്ടിച്ചു കൊണ്ട് അവൻ തിരിഞ്ഞു നടന്നിരുന്നു...... അപ്പോഴും കയ്യിലെ പൈസ അവൻ മുറുക്കെ പ്പിടിച്ചു.... അതേ.......ഒരുപാട് ഉത്തരങ്ങൾ തേടിയുള്ള യാത്ര ഇവിടെ തുടങ്ങുകയാണ്....... ഒരു പക്ഷെ തന്റെ നിയോഗത്തിലേക്കുള്ള യാത്ര...... നീലാംബര പൂക്കളുടെ ഗന്ധമുള്ള അവളെ തേടിയുള്ള യാത്ര......... (തുടരും) Aysha Akbar #💞 പ്രണയകഥകൾ #📔 കഥ

#📙 നോവൽ - കാശിയുടെ പെണ്ണ് 💐💐 🔻 പാർട്ട് _38 ✍️ രചന - ജിഫ്ന നിസാർ ❤‍🔥 "കൈക്ക് വയ്യാതെ ഒറ്റയ്ക്ക് നീയിനി എന്ത് ചെയ്യുമെടാ മോനെ..?" തുളസിയുടെ സ്വരത്തിലൊരു വല്ലായ്മയുണ്ട്. അവന്റെ കൈ വിരലിൽ നീര് വന്നു ചീർത്ത് തടിച്ചിട്ടുണ്ട്. കൈ മുറിവ് പറ്റിയതാണെന്നും നന്നായി സൂക്ഷിച്ചു നടന്നില്ലേൽ അത് പിന്നെ പണിയാകുമെന്നുമൊക്കെ ശിവ പിറകെ നടന്നു പറഞ്ഞിട്ടും അവനെ കണ്ണ് പൊട്ടുന്ന ചീത്ത പറഞ്ഞിട്ടൊതുക്കി നിർത്തി, അന്നത്തെ ദിവസം മുഴുവനും ബസ്സിന്റെ കാര്യങ്ങൾക്കും മറ്റുമായി വർക്ക്ഷോപ്പിൽ കൂടി ഓടി പാഞ്ഞു നടന്നതിന്റെ അനന്തര ഫലമാണത്. രാത്രിയിലാണ് പിന്നെ വീട്ടിലേക്ക് വന്നു കയറിയത്. ശിവ കൊണ്ട് വിടുകയായിരുന്നു. കൂടെ നിൽക്കാമെന്ന് പറഞ്ഞൊരുങ്ങിയവനെ നിർബന്ധിച്ചു പറഞ്ഞു വിട്ടു. കാശിനാഥൻ ആരുമില്ലാത്തവനാണെന്ന് വീണ്ടും വീണ്ടും സ്വയം പറഞ്ഞു പഠിച്ചു. വേദനക്ക് വെച്ചിരുന്ന ഇൻജെക്ഷന്റെ പവർ തീർന്നത്തോടെ അത്യാവശ്യം കുത്തി കടച്ചിലോടെ തന്നെ കൈ വേദന വീണ്ടും തുടങ്ങിയിട്ടുണ്ട്. ഭക്ഷണം കഴിച്ചിട്ട് വേണം ഗുളിക കഴിക്കാൻ. വന്നതേ വല്ലാത്ത ക്ഷീണത്തോടെ കയറി കിടന്നതാണ്. പക്ഷേ അതിന് തടസ്സമായി കൊണ്ടങ്ങോട്ട് അശോകേട്ടനും തുളസി ചേച്ചിയും വന്നു കയറുമ്പോൾ ആ വരവ് അവനൊട്ടും പ്രതീക്ഷിക്കുന്നുണ്ടായിരുന്നില്ല. അതിന്റെയൊരു അമ്പരപ്പുണ്ട് മുഖം നിറയെ. അശോകേട്ടൻ ഒന്നും പറയാതെ നോക്കിയിരിക്കുന്നെങ്കിൽ തുളസി ചേച്ചി അരികിൽ വന്നിരുന്നു കൊണ്ട് കൈ പിടിച്ചു നോക്കുകയും അവരെ കൊണ്ടാവും പോലൊക്കെ ആശ്വാസിപ്പിക്കാൻ ശ്രമിക്കുകയും ചെയ്യുന്നുണ്ട്. "സഹായത്തിനു വല്ലവരെയും നിർത്തണോ ഡാ കാശി..?" പൊതുവെ ഉള്ളൊരു ഗൗരവത്തോടെ തന്നെ അശോകേട്ടൻ ചോദിച്ചു. വേണ്ടന്നവൻ പെട്ടന്ന് പറഞ്ഞു. സ്വന്തബന്ധങ്ങൾ ഒരുപാടുണ്ട്. പക്ഷേ ഒരാവിശ്വാത്തിനു ഉപകരിക്കില്ല. ഇനിയിപ്പോ കാശിനാഥനു സഹായത്തിനു തത്കാലം ആരെയും വേണ്ടാന്നൊരു വാശി.. "അല്ലാതെ പിന്നെ ഈ കൈ വെച്ച് നീ എന്ത് ചെയ്യുമെടാ മോനെ.. നോക്കിക്കേ.. ഇപ്പൊ തന്നെ നല്ല നീരുണ്ട്. ഇനിയിത് അനക്കി വേറെ വല്ല ജോലിയും ചെയ്താലും അത് കൂടുകയേ ചെയ്യൂ.. അത് കൊണ്ട് ആരെങ്കിലും സഹായത്തിനു നിർത്തുന്നതാ അശോകേട്ടാ നല്ലത്. ഇവൻ പറയുന്നതൊന്നും തത്കാലം നമ്മുക്ക് കേൾക്കണ്ടാ.." തുളസി ചേച്ചി അവനെക്കാൾ വാശിയിലാണ്. പക്ഷേ ആ വാശിയിലത്രയും നിറഞ്ഞു നില്കുന്നത് അവനോടുള്ള സ്നേഹമാണ്. കരുതലാണ്. "അതാ കാശി നല്ലത്. ഒറ്റക്കിവിടെ നീയിപ്പോ എന്ത് ചെയ്യാനാണ്. ബസ്സിറങ്ങാൻ എന്തായാലും മൂന്നാലു ദിവസമെടുക്കും.." "രണ്ടു ദിവസം എന്നാണല്ലോ എന്നോട് പറഞ്ഞത്.. " അവരത്രയും പറഞ്ഞതിൽ നിന്നും അത് മാത്രം കേട്ടത് പോലെയുള്ള അവന്റെ മറുചോദ്യം. "അത് നീ അയാളോട് ഭീക്ഷണിപ്പെടുത്തി പറയിപ്പിച്ചതല്ലേ.. അയാളെന്നെ വിളിച്ചിരുന്നു. മൂന്നോ നാലോ ദിവസം എന്തായാലും വേണം. കൂടിയെങ്കിലേ ഒള്ളു. അത്രയും പരിക്കുണ്ട് ബസ്സിന്‌. പ്രതേകിച്ചു മുൻഭാഗം ആകുമ്പോൾ ടൈം എടുക്കും. പക്ഷേ നിന്നോടത് പറഞ്ഞിട്ട് കേൾക്കുന്നില്ല.. പെട്ടന്ന് റെഡിയാക്കി കിട്ടണം എന്ന് പറഞ്ഞിട്ടവനെ ഭീക്ഷണിപ്പെടുത്തി എന്നൊക്കെ എന്നെ വിളിച്ചു പറഞ്ഞു." അതോടെ കാശുയുടെ മുഖം മാറി. ഇനിയിപ്പോ മൂന്നാല് ദിവസത്തെ മടുപ്പ് അവനപ്പഴേ മുന്നിൽ കണ്ടത് പോലൊരു മുഷിപ്പ്. അത് വയ്യാഞ്ഞിട്ടാണ് ചോദിക്കുന്ന കാശ് തന്നേക്കാം.. പക്ഷേ എനിക്കെന്റെ വണ്ടി രണ്ടു ദിവസം കൊണ്ടിറക്കി കിട്ടണമെന്ന് അൽപ്പം കർശനമായി തന്നെ പറഞ്ഞതും. അയാൾ അശോകേട്ടനെ വിളിക്കുമെന്ന് ആരറിഞ്ഞു.. അവനപ്പോൾ വെറുതെ ദേഷ്യം വരുന്നുണ്ട്. "ഈ ചെക്കന്റെ ഒരു കാര്യം.. ഒരു നാല് ദിവസം വീട്ടിൽ അടങ്ങി ഇരിക്കാൻ വയ്യേ നിനക്ക്.." തുളസി ചേച്ചി വീണ്ടുമവന്റെ നേരെ നോക്കി കണ്ണുരുട്ടി കൊണ്ട് ചോദിച്ചു. ഇവർക്കൊക്കെ ഇങ്ങനെ പറയാം. ഉള്ളിലെ ഒറ്റപ്പെടലും സങ്കടവും മടുപ്പിക്കുന്ന തന്റെ ഏക്കാന്തതയും മാറ്റാൻ താനാ ഡ്രൈവിങ് എന്നതിനെ ലഹരിയാക്കി കൊണ്ട് നടക്കുന്നതിനെ കുറിച്ചിവർക്ക് വല്ലതും അറിയാവോ..? കാശിക്ക് നല്ലത് പോലെ ഡ്രൈവ് ചെയ്യാനറിയാം.. അവനത് ഒരുപാട് ഇഷ്ടമാണ് എന്നതിനും പുറമെ.. അതവന്റെ ആശ്രയം കൂടിയാണെന്ന് മനസ്സിലാക്കിയവർ വളരെ കുറവാണല്ലോ. റോഡിലെക്ക് കയറുമ്പോൾ മുതൽ ആ സ്റ്റിയറിങും താനും അഗാധപ്രണയയത്തിലാവുകയാണ്. മുന്നോട്ട് കുതിക്കാൻ ഒരു വഴി കാണുന്നുണ്ട് എന്നത് മാത്രം ശ്രദ്ധിക്കും. അതിനിടയിൽ വന്നു പോകുന്ന ട്രാഫിക് തിരക്കുകളും അക്ഷമയുടെ അടയാളങ്ങളായ ഹോൺ വിളികളും ഇടക്കിടെ ഉണ്ടായി പോകുന്ന വഴക്കുകളുമെല്ലാം അൽപ്പമൊക്കെ തന്നെ അലോസരപ്പെടുത്താറുണ്ട് എന്നത് സത്യം തന്നെ.. പക്ഷേ ഇത് വരെയും മടുപ്പിച്ചിട്ടില്ല. മൈലുകൾ താണ്ടി മുന്നോട്ട് കുതിക്കുമ്പോൾ വിജയത്തിന്റെ ലഹരിയാണ് സിരകളിൽ പടരുന്നത്. നമ്മളെ സന്തോഷമാക്കി നിർത്തുന്ന എന്തിനോടും നമുക്കൊടുങ്ങാത്ത സ്നേഹമുണ്ടാവുമല്ലോ.. അടുപ്പമുണ്ടാവുമല്ലോ. അത് പോലൊരിഷ്ടം. "നാല് ദിവസം ആയാലും അഞ്ചു ദിവസം ആയാലും കൈ ശെരിക്കും മാറിയിട്ട് നീയിനി പോയ മതി. വെറുതെ പണി ഇരന്നു വാങ്ങരുത്.. കേട്ടോ.. അശോകേട്ടൻ കാര്യമായിട്ട് തന്നെ പറഞ്ഞു കേട്ടപ്പോഴും ഉള്ളിലെ നീരസം മുഖത്തു കാണിക്കാതെ അവനൊന്ന് മൂളി. "ഞാൻ എന്തായാലും ആരെയെങ്കിലും ഒന്നു വിളിച്ചു നോക്കട്ടെ.. ഈ അവസ്ഥയിൽ നിന്നെയിവിടെ ഒറ്റയ്ക്ക് വിട്ടിട്ട് പോയാൽ അത് പിന്നെ എനിക്കാണ് സമാധാനം തരാത്തത്.." അതും പറഞ്ഞു കൊണ്ടയാൾ പോക്കറ്റിൽ നിന്നും ഫോൺ കയ്യിലെടുത്തു. "ആരേം.. വിളിക്കണ്ട..ശിവ... ശിവ വരും.." കാശി പെട്ടന്ന് പറഞ്ഞു. എന്തോ അവനങ്ങനെ തോന്നി. അതിപ്പോൾ അശോകേട്ടന്റെ മുന്നിൽ നുണ പറഞ്ഞതൊന്നും അല്ല. തന്നെയിവിടെ വിട്ടിട്ട് പോയവൻ തിരികെ ഇങ്ങോട്ട് തന്നെ വരുമെന്നൊരു തോന്നൽ. "ചുമ്മാ പറയല്ലല്ലോ.." തുളസി ചേച്ചി അവനെ നോക്കി കണ്ണുരുട്ടി കൊണ്ട് ചോദിച്ചു. "അല്ല ചേച്ചി.. അവൻ വരും.." കാശി ചിരിയോടെ പറഞ്ഞു. അശോകേട്ടന് വീണ്ടും എന്തൊക്കെയോ തന്നോട് പറയാനും ചോദിക്കാനുമുണ്ടെന്ന് കാശിക്ക് തോന്നി. പക്ഷേ തുളസി ചേച്ചി കൂടെ ഉണ്ടാവുമ്പോൾ അത്രയങ്ങോട്ട് വെട്ടി തുറന്നു കൊണ്ടയാൾക്ക് ഒന്നും മിണ്ടാനും വയ്യ. പിന്നെയും വേറെ ഏതൊക്കെയോ വിഷയങ്ങളിൽ കൂടി അവരുടെ വാക്കുകൾ കടന്നു പോയി. അപ്പോഴൊന്നും ഇന്ന് ഉച്ച വരെയും തന്റെ കൂടെ ഉണ്ടായിരുന്ന മകളെ കുറിച്ച് ഇവരൊന്നും പറഞ്ഞില്ലല്ലോ എന്നായിരുന്നു കാശിയുടെ മനസ്സിൽ. തന്റെ കൂടെ പോന്നതൊന്നും അവളായിട്ട് ഇവരോട് പറഞ്ഞില്ലേൽ പിന്നെ ഇനിയത് താനായി ചെയ്യുന്നില്ല എന്നൊരു മനസായിരുന്നു അപ്പോൾ അവനും. കുറച്ചു നേരം കൂടിയിരുന്നു അവനോട് വർത്താനം പറഞ്ഞു കൊണ്ടിരുന്നവർ പിന്നെ പോകാനിറങ്ങി. അതേ നിമിഷം തന്നെയാണ് ശിവയുടെ ബൈക്ക് കാശിയുടെ വീട്ടു മുറ്റത്തേക്ക് കയറി വരികയും ചെയ്തത്. കാശി ചിരിയോടെ നോക്കുമ്പോൾ തുളസി ചേച്ചിയുടെ മുഖത്തും ആശ്വാസത്തിന്റെ ചിരിയുണ്ട്. തന്നെ ഇവിടെ ഒറ്റയ്ക്ക് വിറ്റിട്ട് പോകേണ്ടി വരുമോ എന്നുള്ള അവരുടെ ആശങ്ക വിട്ടൊഴിഞ്ഞ മുഖം കാണുമ്പോൾ കാശി വെറുതെ അവന്റെ അമ്മയെ ഓർത്തു പോയ്. പെട്ടന്ന് തന്നെ തലയൊന്ന് കുടഞ്ഞു കൊണ്ടവൻ ആ ചിന്തയെ ഉള്ളിൽ നിന്നും തൂത്തു മാറ്റി. കയ്യിൽ ഒരു പൊതിയുമായി അങ്ങോട്ട് വന്ന ശിവ പെട്ടന്നവിടെ അവരെ കണ്ടതിന്റെ പകപ്പിലാണ്. ഇവിടെ ഉണ്ടാവണം കേട്ടോ എന്ന് മാത്രം അവനോട് പറഞ്ഞു കൊണ്ട് അശോകേട്ടൻ പോയി കാറിൽ കയറി. അയാൾക്ക് പിറകിൽ വന്ന തുളസിയും അവനെ നോക്കിയൊന്ന് ചിരിച്ചു. അതിൽ കൂടുതൽ പരിചയമൊന്നും അവർ തമ്മിലില്ല. കാശി പറഞ്ഞു കൊടുത്തൊരു സ്നേഹനിധിയായ സ്ത്രീയാണ് അവനു തുളസി. എന്താടാ നിന്റെ അമ്മായിയപ്പനും അമ്മായി അമ്മയും ഈ നട്ടപാതിരാക്ക് ഇതിലെ കറങ്ങി നടക്കുന്നത്. മരുമോന്റെ മുറിവ് വിശേഷം അറിയാനാവും അല്ലേ.." അവരങ്ങു പോയതും ശിവ ചിരിയോടെ കാശിയുടെ അരികിലേക്ക് ചെന്നു. "ദേ ശിവാ അനാവശ്യം പറയല്ലേ കേട്ടോ.." കാശി അവനു നേരെ ചിറഞ്ഞു നോക്കി കൊണ്ട് പറഞ്ഞു. ഞാൻ ഉള്ളത് പറഞ്ഞതാ.." പിന്നെ ഉള്ളത്.. ആ പെണ്ണിന് ഭ്രാന്താ. അതിൽ തൂങ്ങി അവനും." പിറു പിറുത്തു കൊണ്ട് കാശി തിരിഞ്ഞു നടന്നു. "അതേ ഭ്രാന്ത് തന്നെ. നിന്നോടുള്ള സ്നേഹം കൊണ്ട് ഭ്രാന്ത് പിടിച്ചു. അതവൾ തുറന്നു കാണിക്കുന്നുണ്ട്. പറയുന്നുണ്ട്. നിന്നെ പോലെ ആർക്കൊക്കെയോ വേണ്ടി എല്ലാം ഉള്ളിൽ കെട്ടി പൂട്ടി വെച്ച് നടക്കുന്നില്ല.." ഇത് പിന്നേം പിന്നേം പറയാനാണോടാ നീയിങ്ങോട്ട് തന്നെ കെട്ടിയെടുത് വന്നത്.. പോയിട്ട് ഒരു മണിക്കൂർ ആയില്ലല്ലോ.." ഇത് കൂടി പറയാൻ തന്നെ തിരികെ വന്നതാ ഞാൻ. കാരണം നിന്നെയിവിടെ ഒറ്റയ്ക്ക് വിടരുതെന്ന് പറഞ്ഞു കൊണ്ടാ പെണ്ണ് നാലോ അഞ്ചോ വട്ടമായി എന്നെ വിളിക്കുന്നു.. ഇത്രയൊക്കെ സ്നേഹം അത് കാണിച്ചിട്ടും എങ്ങനെ പറ്റുന്നു.. ഇങ്ങനെ കണ്ണ് ചിമ്മി ഇരുട്ടാക്കാൻ.. ഞാനെങ്ങാനും ആയിരുന്നേൽ..." കാശിയുടെ നോട്ടം കണ്ടതും ശിവ പറയാൻ വന്നത് മുഴുവനാക്കിയില്ല. "അവളെയും കൊലക്ക് കൊടുത്തിട്ട് അവളുടെ അപ്പന്റെ കൈ കൊണ്ട് ചത്ത്‌ തുലഞ്ഞേനെ. വേറെയൊന്നും വരാനില്ല.." അത്രയും പറഞ്ഞു കൊണ്ടവൻ അവിടെ നിന്നും കയറി പോയി. കാശിയുടെ മാനസികവസ്ഥ പരിഗണിച്ചു കൊണ്ടാണ് ശിവ പിന്നെ ആ വിഷയത്തിൽ കൂടുതലൊന്നും പറയാഞ്ഞത്. പക്ഷേ കാർത്തുവിനെ കുറിച്ചപ്പോൾ പറയാതെയും വയ്യ. അത്ര മാത്രം പറഞ്ഞിട്ടുണ്ടാവും അവൾ അവനെ ശ്രദ്ധിക്കണമെന്ന്.. ആദ്യമൊക്കെ കാർത്തികയുടെ വെറുമൊരു തമാശ എന്നായിരുന്നു അവനും കാശിയോടുള്ള ഇഷ്ടത്തിനെ കരുതിയിരുന്നത്. എന്നാൽ ഇപ്പോൾ അത് അങ്ങനെയല്ല.. അവൾക്കവൻ ആരാണെന്നറിയാവുന്നത് പോലാണ്. അവളുടെ മനസ്സിൽ കാശിയോടുള്ള ഇഷ്ടത്തിന്റെ ഓളവും തിരയും കണ്ടറിയുന്നത് പോലാണ്. കഴിക്കാനുള്ളത് കൊണ്ടാണ് ശിവ വന്നത്. തിരികെ പോകാൻ കാശി അവനോട് ഒരുപാട് പറഞ്ഞിട്ടും ഇന്ന് ഞാൻ നിന്റെ കൂടെയാണ് എന്നൊരൊറ്റ വാക്കിൽ ശിവ അന്നവിടെ കൂടുകയും ചെയ്തു. 💜💜 മൂന്നാലു ദിവസങ്ങൾക്കിപ്പുറം ഭവ്യയെ നേരിൽ കണ്ടപ്പോൾ ബിബിക്ക് ശ്വാസം നേരെ വീണത് പോലൊരു ഫീലായിരുന്നു. അത് വരെയും അവനെ ചൂഴ്ന്ന് നിന്നിരുന്നൊരു പ്രശ്നം. ഭവ്യ കൂടി വിചാരിച്ചാൽ മാത്രം പരിഹരിക്കാൻ കഴിയുന്ന ഗുരുതരപ്രശ്നം. നിങ്ങൾക്കെന്ത് പറ്റി ബിബിയേട്ടാ എന്ന് ചിത്ര പോലും സംശയങ്ങൾ ചോദിക്കും വിധം ബിബിയുടെ പെരുമാറ്റത്തിൽ അസ്വാഭാവികത നിറഞ്ഞിരുന്നു ഈ നാല് നാൾ കൊണ്ട്. ഭവ്യ ഫോൺ കോൾ പോലും അറ്റന്റ് ചെയ്യാഞ്ഞതോടെ..തീർത്തും അവളിലേക്കുള്ള വഴി അടഞ്ഞു പോയത് പോലായിരുന്നു. ബിബിക്കാണെങ്കിൽ അതൊന്ന് പറഞ്ഞു തീർക്കാതെ യാതൊരു സമാധാനവുന്നില്ല. താൻ കണ്ടറിഞ്ഞ ഭവ്യ അല്ല അവൾ ശെരിക്കുമെന്ന് മനസ്സിലായത് മുതൽ തീയിലിറങ്ങി നിൽക്കുന്നത് പോലൊരു പൊള്ളലാണ് അവനും. അവളിൽ നിന്നും എത്രയും പെട്ടന്ന് രക്ഷപ്പെട്ടു പോകാനൊരു തോന്നൽ. വെപ്രാളം.. ചിത്ര അറിഞ്ഞാൽ. അവളുടെയും തന്റെയും കുടുംബം അറിഞ്ഞാൽ. കൂട്ടുകാരും നാട്ടുകാരും അറിഞ്ഞാൽ.. പഠിപ്പിക്കുന്ന കോളേജിൽ സഹ പ്രവർത്തകരും കുട്ടികളും അറിഞ്ഞാൽ. ഭവ്യയോട് ബന്ധം കൂടുമ്പോൾ മനഃപൂർവം ഓർക്കാഞ്ഞത് പോലും അവന്റെ മനസ്സിൽ മികവോടെ തെളിഞ്ഞു നിൽക്കുന്നുണ്ട് ഈ കഴിഞ്ഞു പോയ ദിവസങ്ങളിൽ ഒക്കെയും. അവനതിൽ നിന്നൊരു മോചനം വേണമായിരുന്നു. അതിനവൾ തിരികെ കോളേജിൽ വരണമായിരുന്നു. അതറിഞ്ഞത് പോലെ തന്നെ..നാല് ദിവസങ്ങൾക്ക് ശേഷമാണ് ഭവ്യ തിരികെ ചെന്നതും. "വന്നേ.. എനിക്ക് നിന്നോട് സംസാരിക്കാൻ.." ബിബി പറഞ്ഞു തീർക്കും മുന്നേ ഭവ്യ അവന്റെ കൈ കുടഞ്ഞു മാറ്റി. "ആരെങ്കിലും കാണും സാറേ.." വികൃതമായൊരു ചിരിയോടെ അവളത് പറയുമ്പോൾ ബിബിയുടെ മുഖം വിളറി. "നിനക്ക്.. നിനക്കെന്ത് വേണം.. അത് പറ.. ഞാനത് തരാം. എനിക്കീ പ്രഷർ സഹിക്കാൻ വയ്യ.." അവളോട് ഇടയാൻ നിൽക്കാതെ ബിബി പെട്ടന്ന് പറഞ്ഞു. "വേണ്ടത് പറയട്ടെ ഞാൻ.. അവളുടെ കണ്ണിലെ കൗശലം.. അത് തിരിച്ചറിയാൻ കഴിഞ്ഞത് കൊണ്ടാണ് ബിബിയുടെ ഉള്ളിലൊരു അപായമണി മുഴങ്ങി. "എത്ര ലക്ഷം.. അത് പറയ്യ്.. "എനിക്ക് ലക്ഷങ്ങളൊന്നും വേണ്ട.. സാറിനെ ഞാൻ അങ്ങനെ ബുദ്ധി മുട്ടുക്കുമോ.. ഇല്ലേയില്ല. ഞാൻ ആവിശ്യപ്പെടുന്നത് സാറിന് ഏറ്റവും എളുപ്പമാണ്.." "കാര്യം പറയ്യ്.. "എനിക്ക് സാറിന്റെ ഭാര്യയാവണം.. ഭവ്യ ബിബിൻ ആവണം.. അത് മാത്രം മതി..! അവന്റെ കണ്ണിലെക്കൂറ്റു നോക്കി കല്ലു പോലുറച്ച വാക്കുകൾ.. എന്നിട്ട് നിങ്ങളുടെ കോടി കണക്കിന് സ്വത്തുക്കളുടെ..കൂടി അവകാശം വേണം എന്നുള്ളത് അവളപ്പോഴും പറയാതെ ഉള്ളിൽ ഒളിപ്പിച്ചു പിടിച്ചു.. തുടരും.. അടിപൊളി.. ഉള്ള ഭാര്യയെ ലവനിനി എന്ത് ചെയ്യും ന്നാ ഞാൻ ആലോചിച്ചു നോക്കുന്നെ 🤔 റിവ്യൂ ഇട്ടിട്ട് പോണേ.. സ്നേഹത്തോടെ jif #💞 പ്രണയകഥകൾ #📔 കഥ

പ്രണയമധുരം... ❤️(2) ✍🏼മഞ്ഞ്... "അമ്മാ... ഇതാണ് സായുജ്...ഞാൻ പറഞ്ഞില്ലായിരുന്നോ...ഏട്ടന്റെ സ്നേഹിതൻറെ മോനാ....അവന് സ്ഥലം മാറ്റം കിട്ടീത് ഇങ്ങോട്ടേക്കാ...നമ്മടെ പഞ്ചായത്ത്‌ സ്കൂളിലേക്ക്...!!!ഇപ്രാവിശ്യത്തെ വരവിൽ ഇവനും കൂടെ ആണ് ഉദ്ദേശം... നമ്മടെ വടക്കേ ഭാഗത്തെ ഒറ്റ മുറി ഇവന് താമസിക്കാൻ കൊടുക്കണം... അധികം ഒന്നും വേണ്ട ഒരു അഞ്ചോ ആറോ മാസം... ഇവന് ഈ നാടൊക്കെ ഇഷ്ട്ടായിത്രെ... ഇവിടെ കുടുംബത്തോടെ കൂടാനുള്ള ആലോചനയിലാ..." കണ്ണനെ ചൂണ്ടി കാണിച്ച് സരയു അമ്മമ്മയോടായി പറഞ്ഞു... "അതിനെന്താ കുട്ട്യേ... അഞ്ചോ ആറോ പത്തോ ആയിക്കോട്ടെ... ഇത്രേ വല്യ പുരക്കകത്ത് ഞാനും ലതയും ഒറ്റക്കല്ലേ താമസിക്കണേ... ഞങ്ങൾക്ക് കാവലിന് ഒരാൺ തുണ കൂടെ ആയല്ലോ...!!" കണ്ണന്റെ തോളിൽ തട്ടി അമ്മമ്മ പറഞ്ഞതും കണ്ണനൊന്ന് താഴ്മയായി ചിരിച്ചു കൊടുത്തു.... ***************** ഭക്ഷണം കഴിക്കാനായി നടുമുറിയിൽ പായ വിരിച്ചു... ആയുഷ് ഇരുന്നതും അവനരികിലേക്ക് ഓടി ചെന്ന് സ്ഥാനം പിടിച്ചു താര....!! പുച്ഛം നിറഞ്ഞ മുഖത്തോടെ ആരതിയും അവൾക്കൊപ്പം ഇരുന്നു... "എന്ത് ഒലിപ്പാടി നിനക്ക്..." ആരതിക്ക് വീണ്ടും പുച്ഛം... "നീ പോടീ നാത്തൂനെ....!!" കള്ള നാണം അഭിനയിച്ച് താര ആരതിയുടെ തോളിലേക്ക് ചാഞ്ഞു...മുഖം ചുക്കി കൊണ്ട് ആരതി അവളെ തട്ടി മാറ്റി... "അച്ചേട്ടാ കഴിക്ക്...." ഓരോ കറികളും ആയുഷിന്റെ ഇലയിലേക്ക് ഇട്ട് കൊടുത്ത് കൊണ്ടവൾ പറഞ്ഞു.... "എടി എനിക്ക് ലേശം എരിശ്ശേരി ഇങ്ങ് ഇട്ട് തന്നെ..." "വേണേൽ എടുത്ത് കഴിക്കെടി....!!"ആരതിയെ ഗൗനിക്കാതെ അവൾ ആയുഷിനെ സൽക്കരിക്കാൻ ഒരുങ്ങി... "പട്ടി....!!!" ചിറി കോട്ടി കൊണ്ട് ആരതി ഏന്തി വലിഞ്ഞ് എരിശ്ശേരി ഇട്ട് തിരിഞ്ഞിരുന്നു.... *************** അടുക്കളയിൽ വർഷങ്ങൾക്കിപ്പുറം കണ്ട നാത്തൂന്മാരുടെ വിശേഷം പങ്കുവെക്കലാണ്.... ഒപ്പം അമ്മമ്മയും ഉണ്ട്.... മീരയും താരയും ആരതിയും കൂടെ തൊടിയിലേക്കിറങ്ങി.... കണ്ണനെയും കൂട്ടി ആയുഷും വർമ്മയും തെക്കേ മുറി കാണിക്കാൻ ചെന്നു... "നല്ല യാത്ര ക്ഷീണം ബാ നമുക്കൊന്ന് കിടക്കാ..." വർമ്മ മുറി കാണിച്ച് വെളിയിലേക്ക് ഇറങ്ങിയതും ബെഡിലേക്ക് വീണ് കൊണ്ട് ആയുഷ് കണ്ണന് നേരെ കൈ നീട്ടി... " മര്യാദക്ക് എണീറ്റോ... അവൻ നനയും കുളിയും കഴിയാതെ എന്റെ ബെഡിൽ അങ്ങ് കേറി നിരങ്ങുവാ...!!!" ആയുഷിന്റെ കാൽ വലിച്ച് അവനെ നിലത്തേക്കിട്ട് കണ്ണൻ പറഞ്ഞു... "ഓ നീയൊരു വല്യ വൃത്തിക്കാരൻ.... ഒന്ന് പോടാ ഉവ്വേ..." തറയിൽ നിന്നും എണീറ്റ് ആയുഷ് വീണ്ടും ബെഡിലേക്ക് കമിഴ്ന്ന് വീണു.... അവനെ നോക്കി തലയാട്ടി കൊണ്ട് കണ്ണൻ ജനാല തുറന്നിട്ട്‌ ബാഗ് തുറന്ന് തുണികളൊക്ക അടുക്കി പൊറുക്കി വെക്കാൻ തുടങ്ങി... പുറമെ നിന്നും കളിചിരി കേൾക്കാം... എല്ലാം കഴിഞ്ഞ് അവനും ആയുഷിനൊപ്പം ഒന്ന് മയങ്ങി.... ****************** "എന്താ മാളുവെ ഈ ഒളിഞ്ഞ് നോക്കണേ..." കഴുത്തിന് പിറകിൽ നിന്നും ആരതി ശബ്ദം കുറച്ച് ചോദിച്ചതും താര ഒന്ന് ഞെട്ടി പോയി... "ശവം... ഞാനങ്ങ് ഇല്ലാണ്ടായി...!!" നെഞ്ചിൽ കൈ അമർത്തി കൊണ്ടവൾ ആരതിയെ തുറിച്ച് നോക്കി.... "നിനക്ക് എന്റെ ഏട്ടനെ അല്ലാതെ വേറെ ആരേം കിട്ടീലെ ന്റെ പെണ്ണെ പ്രേമിക്കാൻ... ഇങ്ങനൊരു കഴുതനെ ഇഷ്ടപ്പെടാൻ നിന്നെ പോലൊരു കഴുതക്കെ പറ്റു...." തുറന്നിട്ട ജനലിലൂടെ ഉറങ്ങുന്ന ആയുഷിനെ നോക്കി വെള്ളം ഇറക്കുന്ന താരയെ കളിയാക്കി കൊണ്ടവൾ പറഞ്ഞു... " എന്ത് ഭംഗിയാ ന്റെ അച്ചേട്ടനെ കാണാൻ... " ഉള്ളിലെ പ്രണയം മുഴുവൻ കണ്ണിൽ നിറച്ച് കൊണ്ടവൾ ആയുഷിനെ വാത്സല്യത്തോടെ നോക്കി.... "ഇങ്ങ് വാ.... ഇനിയും രണ്ട് മാസം ഉണ്ട് വെക്കേഷൻ തീരാൻ... അപ്പോഴേക്കും നമുക്ക് സെറ്റാക്കാം.... ഇപ്പൊ നീ എന്റെ കൂടെ വാ...." താരയുടെ കയ്യും പിടിച്ച് വലിച്ച് കൊണ്ടവൾ തൊടിയിലേക്ക് ചെന്നു.... ******************* "എങ്ങനെ ഉണ്ട് നിന്റെ ക്ലാസ്സൊക്കെ...!!" ചാമ്പ മരത്തിന്റെ രണ്ട് കൊമ്പുകളിലായി ഇരുന്ന് കൊണ്ട് വായിൽ ചാമ്പയും ചവച്ച് കൊണ്ടാണ് രണ്ടിന്റേം ഇരുത്തം... "ഓ വല്യ കുഴപ്പം ഒന്നൂല്ലാടി... ഇനിയിപ്പോ അവസാന വർഷം ആയില്ലേ... ഞാൻ പിജി ചെയ്യാൻ നിന്റൊപ്പം കൊല്ലത്തേക്ക് വന്നാലോ...." "മ്മ് നിന്റെ തന്തപ്പിടി വിട്ടത് തന്നെ... കുട്ടികളെ പിരിഞ്ഞൊരു ദിവസം ദേവമാമന് പറ്റോ എന്തോ...!!" കൈ പിളർത്തി കൊണ്ട് ആരതി അവളെ നോക്കി ചിരിച്ചു... "അച്ച സമ്മതിക്കാഞ്ഞിട്ട... ഇല്ലേൽ ഞാനിപ്പോ കൊച്ചിയിൽ വന്ന് ഡിഗ്രിക്കും ചേർന്ന് കൂടെ ന്റെ അച്ചേട്ടനേം വളച്ചേനെ " "എന്ത് പറഞ്ഞാലും അവളുടെ ഒരു അച്ചേട്ടൻ...." ചുളിഞ്ഞ ഭാവത്തോടെ തന്നെ നോക്കുന്ന ആരതിയെ നോക്കി അവളൊന്ന് ചിരിച്ചതെ ഒള്ളു... "ന്റെ ഫീലിംഗ്സ് മനസ്സിലാക്കാൻ കുറച്ച് നേരം വൈകി ഇപ്രാവിശ്യേലും നിങ്ങൾ പോവുന്നെ മുന്നേ അച്ചേട്ടനോട് കാര്യം പറയണം..." "എടി മാളു അതെങ്ങനെയാ പെട്ടന്ന് നിനക്ക് ചേട്ടനോട് ഒരിഷ്ടം തോന്നിയെ...?" "എനിക്ക് അറിയില്ലെടി... എന്തോ അന്ന് നിങ്ങൾ വന്ന ശേഷം അച്ചേട്ടന്റെ കൂടെ തെണ്ടാൻ നടന്ന് നടന്ന് എന്തോ ഒന്നൊക്കെ തോന്നി തുടങ്ങിയിരുന്നു... പിന്നെ വെക്കേഷന് കഴിഞ്ഞ് നിങ്ങൾ അങ്ങ് പോയെ പിന്നെ കാണാനും കൂടെ നിക്കാനും ഒക്കെ മനസ്സ് അങ്ങ് വല്ലാണ്ട് ഷാട്യം പിടിക്കും പോലെ....ഭാവി ജീവിതം ഒക്കെ അച്ചേട്ടന്റെ കൂടെ സ്വപ്നം കാണുന്നു.... അപ്പൊ ഞാനാങ് ഉറപ്പിച്ചു ഇത് പ്രേമാന്ന്...." താരയുടെ കണ്ണിൽ പ്രേമം....!!! "പ്രായത്തിന്റെ കുന്തളിപ്പ്....!!" ആരതി അതിനെ അങ്ങ് പുച്ഛിച്ച് തള്ളി.... ******************* "നീ ഇതെങ്ങോട്ടാ....?" കയ്യിൽ മുണ്ട് എടുത്ത് ബാത്‌റൂമിൽ കയറാൻ നിന്ന കണ്ണനെ നോക്കി ആയുഷ് ചോദിച്ചു... "പറമ്പ് കളക്കാൻ.. എന്തെ വരുന്നോ....?" കയ്യിലെ തോർത്ത്‌ മുണ്ട് പൊക്കി കാണിച്ചവൻ പറഞ്ഞു... "പത്ത് പതിനൊന്ന് മണിക്കൂർ യാത്ര ചെയ്ത് ഈ വയനാട്ടിലേക്ക് വന്നിട്ട് ഇവിടുത്തെ ഭംഗി കാണണ്ടേ നിനക്ക്... ബാ നമുക്ക് പാടക്കുളത്തേക്ക് പോവാ...." ബെഡിൽ നിന്നു ചാടി എണീറ്റ് ആയുഷ് പറഞ്ഞു... "ആരു, മാളു, മീരേ നിങ്ങൾ ഉണ്ടോ... ഞങ്ങൾ പാടത്തേക്ക് പോവാ തടയിണയിൽ കുളിക്കാൻ..." ചാമ്പചോട്ടിൽ ഇരുന്ന് കിന്നാരം പറയുന്ന മൂന്നിനോടും ആയി അവൻ ചോദിച്ചതും വേറൊന്നും ആലോചിക്കാതെ മൂന്നും കൂടെ അവർക്കൊപ്പം കൂടി... "താരയല്ലേ...? ഞാൻ സായുജ്...!!" മീരക്കും ആരുവിനും ഒപ്പം വെള്ളം തെറിപ്പിച്ച് കളിക്കുന്ന ആയുഷിനെ നോക്കി വെള്ളം ഇറക്കി തടയിണകെട്ടിൽ ഇരിക്കുന്ന താരക്ക് അടുത്തേക്ക് വന്ന് ആയുഷ് ചിരിച്ച് കൊടുത്തു... "മ്മ്... ആരു പറഞ്ഞായിരുന്നു... ഇവിടെ പഞ്ചായത്ത്‌ സ്കൂളിലേക്ക് മാറ്റം കിട്ടിയല്ലേ... ഏതാ സബ്ജെക്ട്...?" "മലയാളം... എന്താ പഠിക്കണേ താൻ...?" "ഞാൻ BBA ഇനിയിപ്പോ third year ആയി..." അതും പറഞ്ഞ് താര ആയുഷിലേക്ക് നോട്ടം മാറ്റി.... (തുടരും....) #📔 കഥ #📙 നോവൽ #💞 പ്രണയകഥകൾ

#🕌 ഇസ്ലാമിക് ഭക്തി #🕋 ഇസ്ലാമിക് സ്റ്റാറ്റസ് #📔 കഥ #🛐 മുത്ത്നബി

#😔 ഇമോഷണൽ സ്റ്റാറ്റസ് 😍 #📔 കഥ #💞 പ്രണയകഥകൾ

ഇതിയാനാ ഈ ചെക്കനേ വഷളാക്കുന്നത്........ ബാൽക്കണിയിലേക്ക് കയറി വന്നു കൊണ്ട് ആലിയാമ്മ ദേഷ്യപ്പെട്ടു........ എന്തോന്നാടി കൊച്ചേ ഉറഞ്ഞു തുള്ളുന്നത്. അല്ലെങ്കിലേ ഈ ഊരുതെണ്ടിയുടെ കൊള്ളരുതായ്മകളൊക്കെ നല്ല വെടിപ്പായി അറിയാവുന്നത് നിങ്ങൾക്കല്ലിയോ........ 'ഊരുതെണ്ടി...... മ്മ്മ് ...... ക്യാപ്ഷൻ കൊള്ളാം ആലി കൂട്ടി........!! ഫ്രെഡ്ഡി കൈയ്യിലിരിക്കുന്ന സ്പടികഗ്ലാസിലെ ചുവന്ന ദ്രാവകം ഒന്ന് സിപ്പ് ചെയ്തു കൊണ്ടു പറഞ്ഞു....... ആലിക്കൊച്ചേ........ എൻ്റെ ചെക്കന് കുറച്ച് അലമ്പനും തെമ്മാടിയുമാ....... പക്ഷേ നേരും നെറിയുമുള്ളവനാ........ അപ്പൻ്റെ സർട്ടിഫിക്കറ്റും കിട്ടിയല്ലോ...... രണ്ടും കണക്കാ ബാൽക്കണിയിലെ കൈവരിയിൽ പിടിച്ച് ആലിയാമ്മ നെടുവീർപ്പെട്ടു......!! മോൻ്റെ ഫോട്ടോ ഒരെണ്ണം എടുത്തു വച്ചേക്ക് കാടാറുമാസം നാടാറുമാസം എന്നാണല്ലോ കണക്ക് ഇനി ഈ തിരുമോന്ത എന്നു കാണാനാകുമോ ഒരു പെൺകൊച്ചുള്ളതാണേൽ പോണ്ടിച്ചേരിയിൽ മെഡിസിന് പഠിക്കുകയാ വേറൊന്ന് ഊരുതെണ്ടലും രണ്ട് മക്കളുണ്ടായിട്ടും ആരുമില്ലാത്തവരെ പോലെ....... ഒടുവിലായപ്പോഴേക്കും ഗദ്ഗദം കൊണ്ട് സംസാരിക്കാനാതെ ചുണ്ടും കടിച്ചു പിടിച്ച് ആലിയാമ്മ താഴേക്കിറങ്ങിപ്പോയി.........!! ടാ ..... മാക്കാനേ അപ്പനെല്ലാത്തിനും കൂടെ നില്ക്കും ഒന്നിനൊഴികെ.ആലിക്കൊച്ചിൻ്റെ കണ്ണു നിറഞ്ഞാൽ അത് അപ്പനെക്കൊണ്ട് സഹിക്കാൻ പറ്റില്ല കേട്ടോ........ ഫ്രെഡ്ഡിയുടെ നെഞ്ചുമൊന്ന് കലങ്ങി ..........!! അപ്പാ ....... ഞാൻ താന്തോന്നിയാണോ ഫ്രെഡ്ഡി വിഷാദത്തോടെ അപ്പൻ്റെ കൈ പിടിച്ച് ചോദിച്ചു......... നിന്നെ ഇങ്ങനെയൊക്കെയാടാ അപ്പനിഷ്ടം നീ പോയി അമ്മയെ ആശ്വസിപ്പിക്ക്......... ഫ്രെഡ്ഡിയുടെ തോളിൽത്തട്ടിപറഞ്ഞു........!! ദാ.... ലവനാണ് നുമ്മ നായകൻ ഫെഡറിക് ഫ്രാൻസീസ് എന്ന ഫ്രെഡ്ഡി..........!! കക്ഷിയെ അമ്മ ഊരുതെണ്ടി എന്നു വിളിച്ചപ്പോൾ....... ഉത്തരവാദിത്വമില്ലാതെ കള്ളും കുടിച്ചു നടക്കുന്ന ആളാണെന്നു കരുതേണ്ട......... ഫ്രെഡ്ഡി ഒരു ബൈക്ക് റേസിങ് റൈഡറാണ്........ ചെറുപ്പകാലം മുതൽ വെടിയുണ്ട പോലെ ചീറിപ്പായുന്ന ബൈക്കുകളോടുള്ള അടങ്ങാത്ത ക്രേസ്സ്.......... ചെറുപ്പത്തിൽ നാട്ടിലെ പട്ടാളക്കാരനായ വിജയൻ ചേട്ടൻ്റെ അടുത്താണ് ബുള്ളറ്റ് കണ്ടിട്ടുള്ളത്...... ബുള്ളറ്റിലിരുന്ന് അത് റേസ് ചെയ്തു ആ ചേട്ടൻ ഓടിച്ചു വരുമ്പോൾ ....... ഹോ....... ആ കുടുകൂടൂന്നുള്ള സൗണ്ട്...... അടുത്തുകൂടീ അത് പാഞ്ഞു പോകുമ്പോൾ രോമാഞ്ചത്തോടെ നോക്കി നിന്നിട്ടുണ്ട്....... അന്നങ്ങ് മനസ്സിൽ കയറിയതാ ആ പടക്കുതിര....!!. ഇന്ന് ഇന്ത്യയിൽ അറിയപ്പെടുന്ന ബൈക്ക് റേസറാണ് ഫ്രെഡ്ഡി ലോകത്തെ വിവിധതരം റേസിങ്ങിൽ വാശിയേറിയതാണ് സൂപ്പർ ക്രോസ്സ് ....... അതിൽ വിന്നറാണ് ഫ്രെഡ്ഡി സൂപ്പർ ക്രോസിലെ ഏറ്റവും ഉയർന്ന വിഭാഗമായ എസ്.എക്‌സ്.വണ്ണിൽ ചാമ്പ്യനാവുകയാണ് അടുത്ത ലക്ഷ്യം. പിന്നെ സൂപ്പർക്രോസിൽ ലോകചാമ്പ്യനാവുകയും. അതിനായി കടുത്ത പരിശ്രമത്തിലാണ് ഫ്രെഡ്ഡി......!! പ്രത്യേകതരം സ്വഭാവക്കാരനാണ് ...... സാഹസീകത ഭയങ്കര ഇഷ്ടമാണ് അതേ പോലെ സ്പീഡും....... വണ്ടിയൊക്കെ വെടിയുണ്ട പാഞ്ഞു പോകുന്ന വേഗത്തിലാണ് ഓടിക്കുന്നത് അതൊക്കെ ട്രാക്കിൽ മാത്രം സാധാ റോഡിൽ ആള് ഡീസൻ്റാ വേഗതയുടെ കാര്യം പറയും പോലെയാ പ്രവർത്തിയും...... ഏതു കാര്യത്തിലും അവന് അവൻ്റേതായ തീരുമാനങ്ങളുണ്ട് ഒന്നിൻ്റെ പേരിലും അതിൽ നിന്ന് വ്യതിചലിക്കാറുമില്ല. ഒരു പ്രശ്നത്തിൽ ഇടപെട്ടാൽ അതെത്ര ആഴവും പരപ്പും ഉള്ളതാണെങ്കിലും അതിൻ്റെ അവസാനം കാണാതെ തിരികെ വരാറില്ല.....!! അറപ്പുരയ്ക്കൽ തറവാട് നാലേക്കർ ഭൂമിയിൽ ആധുനികത എല്ലാം തികഞ്ഞ സൗധം...... വിശാലമായ ലാൻഡ് സ്കേപ്പിങ് സിറ്റിങ് ഏരിയ..... സ്വിമ്മിങ്ങ് പൂൾ...... ഗാർഡൻ .....ആധുനിക രീതിയിലുള്ള ജിംനേഷ്യം സെറ്റു ചെയ്തിട്ടുണ്ട്. വെണ്ണക്കൽ തോല്കുമാറുള്ള ഫിനിഷിങ്ങിലാണ് വീടിൻ്റെ പെയിൻ്റിങ്ങ്....... നിരവധി വിദേശ ഇറക്കുമതി കാറുകൾ..... ഫ്രെഡ്ഢിയുടെ ബൈക്കുകൾ വിശാലമായ പോർച്ചിൽ ഇടം പിടിച്ചിരിക്കുന്നു.... കാരണവരായ വർഗ്ഗീസ് മാപ്പിളയുടെ മക്കളാണ് ഫ്രാൻസിസും ഫിലിപ്പും ഫ്രാൻസിസിനും ആലിയാമ്മയ്ക്കും രണ്ട് മക്കൾ ഫെഡറിക്ക് ഫ്രാൻസിസും ഫിദാ ഫ്രാൻസിസും ഫിലിപ്പിനും ഭാര്യ ലിസിക്കും ഒരു മകൻ റഹാൻMBA കഴിഞ്ഞ് - ബിസ്സിനസ്സ് നോക്കുന്നു. എല്ലാവരും ഒന്നിച്ചാണ് താമസം അറപ്പുരയ്ക്കൽ ഇന്ത്യയിലൊട്ടാകെ.... ഹോട്ടലുകൾ ജ്യുവലറികൾ'. റിസോർട്ടുകൾ....... കോളേജുകൾ അങ്ങനെ നീളൂന്ന ബിസിനസ്സ് ശൃംഖലയാണ്.ഇതൊക്കെ കുടുംബം ഒന്നാകെയാണ് മാനേജ് ചെയ്യുന്നത്....... നമ്മുടെ ചെക്കന് ഈ ബിസിനസ്സൊന്നും പിടിക്കുകേല...... യേശുദേവൻ്റെ കരുണ ചൊരിയുന്ന രൂപത്തിന് മുന്നിൽ കണ്ണടച്ച് പ്രാർത്ഥിക്കുന്ന ആലിയാമ്മയുടെ അരികിലേക്ക് ഫ്രെഡ്ഡി വന്നു നിന്നു. കണ്ണുതുറന്ന ആലി കാണുന്നത് തന്നെ നോക്കി നില്ക്കുന്ന മകനേയാണ്. ഫ്രെഡ്ഡി അമ്മയെ ചേർത്തു പിടിച്ചു ആലിക്കുട്ടി.......... ഫ്രെഡ്ഡി കുറുമ്പോടെ വിളിച്ചു. ഹോ.....നാറ്റം ഏതാണ്ടൊക്കെ വലിച്ചു കേറ്റിയിട്ട് അമ്മയെ പുന്നാരിക്കാൻ വന്നേക്കുന്നു........ ആലിയാമ്മ മൂക്കു ചുളിച്ചോണ്ട് അവൻ്റെ കൈയ്യും തട്ടിമാറ്റി നടന്നു. ശ്ശെടാ പറച്ചിലു കേട്ടാൽ ഏതു നേരവും ആൽക്കഹോൾ ഫാക്ടറിയുമായാ നടപ്പെന്നു തോന്നുന്നല്ലോ....... എൻ്റെ ആലിക്കുട്ടി അപ്പൻ്റെ കൂടെ വല്ലപ്പോഴും കാണുമ്പോൾ ഒന്നു പിടിക്കും ....... അല്ലേലും ആലിക്കുട്ടിക്ക് കുറച്ച് അസൂയ ഉണ്ട് എൻ്റേം അപ്പൻ്റേം കെമസ്ട്രി കണ്ടിട്ട്....... അതു പോലൊരു അപ്പനേ ആർക്കേലും കിട്ടുമോ ദാ...... അമ്മേടേ ഈ കൊച്ചു തെമ്മാടിടേ ഭാഗ്യമാ എൻ്റെ അപ്പൻ..... ഭാഗ്യം..... എന്തു ഭാഗ്യമാടാ നിൻ്റെ കുരുത്തക്കേടിന് കൂട്ടുനിൽക്കുന്നതു കൊണ്ടാണോ അപ്പനും മോനും കണക്കാ അവൻ്റെയൊരു കെമസ്ട്രി..... എഞ്ചിനിയറിങ് കഴിഞ്ഞ ചെറുക്കൻ പറഞ്ഞുടനെ റേസിങിന് വിട്ടേക്കുന്നു അങ്ങേർക്ക് പണ്ടേ വിവരമില്ല ആലിയാമ്മാ അവനെ ചിറി കോട്ടി കാണിച്ചു....... ആലി കൊച്ചിന് ഇപ്പോ എന്തോ വേണം...... ഈ പിണക്കം മാറാൻ ഞാനെന്തു ചെയ്യണം ഓ.....പിന്നെ ഞാനെന്തു പറഞ്ഞാലും കേൾക്കുന്നൊരു മോൻ....... അതെന്തൊരു വർത്തമാനമാ ആലിക്കുട്ടി ഈ ഫ്രെഡ്ഡി ആരെങ്കിലും പറയുന്നത് അനുസരിക്കുന്നുണ്ടെങ്കിൽ ഈ ആലിക്കുട്ടിയുടെ വാക്കുകൾക്കു മാത്രമാണ്. അവൻ അവരെ ചേർത്തു പിടിച്ചു കൊണ്ടു പറഞ്ഞു...... എന്നാ നീ ടെസ്സയുടെ കാര്യത്തിൽ എന്തു തീരുമാനിച്ചു...... ദാണ്ട് കിടക്കണു..... ചട്ടീം കലോം ആലിക്കുട്ടിയെ സ്നേഹിക്കാൻ വന്നാലുടനെ എടുത്തിടും എനിക്ക് കെട്ടാൻ തോന്നുമ്പോൾ അങ്ങോട്ടുപറയാം ഇതുവരെ കുസൃതിയോടെ സംസാരിച്ചവൻ അരിശത്തോടെ അവൻ്റെ റൂമിലേക്ക് പോയി...... ഫ്രെഡ്ഡിയുടെ പോക്കു നോക്കി വേദനയോടെ ആലിയാമ്മ താടിക്ക് കൈയ്യും കൊടുത്തിരുന്നു. അമ്മയും മോനും പിന്നെയും പിണങ്ങിയോ...? ശുണ്ഡി പിടിച്ചിരിക്കുന്ന ആലി കൊച്ചിൻ്റെ അടുത്തേക്ക് ഫ്രാൻസിസ് ഇരുന്നു....... കെട്ടിൻ്റെ കാര്യം പറയുമ്പോൾ അവനു തുള്ളലാ ആലിക്കൊച്ച് സങ്കടത്തോടെ പറഞ്ഞു. ഇനി ആരെങ്കിലും ആ ചങ്കിനകത്തു ഉണ്ടോ.....? ആലിക്കൊച്ച് ഒരു ഞെട്ടലോടെ ഫ്രാൻസിസിനെ നോക്കി..... എവിടുന്ന്........ അവൻ്റെ ഇഷ്ടവും ആവേശവും പാഷനും സന്തോഷവുമെല്ലാം അവൻ പൊടി പാറിക്കൊണ്ട് താണ്ടുന്ന ദൂരത്തായാണ്.......വേഗതയേയാണ്. ബൈക്ക് റേസ് ചെയ്ത് നില്ക്കുന്ന ഓരോ നിമിഷവും അവന് ലഹരിയാണ്. ഒരു പെണ്ണിനോടും തോന്നാത്ത ലഹരി അതൊക്കെ മറികടന്ന് അവനൊരു പെണ്ണിനെ ചങ്കിൽ കയറ്റിയാൽ കർത്താവു വിചാരിച്ചാലും അവിടുന്നവൻ ഇറക്കി കളയില്ല. നീ വിഷമിക്കേണ്ട ചെക്കനു കുറച്ചു സമയം കൊടുക്ക്........ പിന്നെ ആ ടെസ്സയുടെ കാര്യം പറഞ്ഞോണ്ട് അങ്ങോട്ട് ചെല്ലേണ്ട . എനിക്കേ ആ കൊച്ചിനെ പിടിക്കുന്നില്ല മുഖത്താകെ ചുണ്ണാമ്പും തേച്ച് അര നിക്കറും നമ്മളെയൊക്കെ കാണുമ്പോൾ ആ കൊച്ചിനൊരു പുശ്ചമാ എൻ്റെ ചെക്കന് എന്നതായാലും ആ കൊച്ച് വേണ്ട...... ഫ്രാൻസിസ് തറപ്പിച്ചു പറഞ്ഞു. ഫ്രെഡ്ഡിതൻ്റെ മുറിയിൽ ചുവരിലൊട്ടിച്ചിരിക്കുന്ന ചിത്രങ്ങളിലും ഷീൽഡുകളിലും കൈവിരലുകളോടിച്ചു കൊണ്ടിരുന്നു. ആദ്യമായി 19 വയസ്സിൽ നാട്ടിലെ ചെറിയൊരു ട്രാക്കിൽ യമഹമുടെ ബൈക്കുമായി മത്സരത്തിനിറങ്ങിയതു മുതൽ ഈയടുത്ത കാലത്ത് സൂപ്പർ ക്രോസ്സിൽ വിന്നറായി കപ്പുയർത്തി നില്ക്കുന്ന പിക്ചേഴ്സ് വരെയുണ്ട് ......... മത്സരങ്ങൾക്കു ലഭിച്ച ഷീൽഡുകളും പതക്കങ്ങളും കപ്പുകളും കൊണ്ട് ചുവരിന് ഒരു ഭാഗം നിറഞ്ഞിരിക്കുന്നു. ഈ ഇരുപത്തിയേഴു വയസ്സിലും പത്തു വയസ്സുകാരൻ്റെ ആകാംക്ഷയോടെ ഫ്രെഡ്ഡി അതെല്ലാം തൊട്ടു നോക്കി കൊണ്ടേയിരിക്കുന്നു. ചേട്ടായി....... ഫ്രെഡ്ഡി.തിരിഞ്ഞു നോക്കിയതും റഹാൻ......... ഫ്രെഡ്ഡിയുടെ അപ്പൻ ഫ്രാൻസിസിൻ്റെ അനിയൻ ഫിലിപ്പിൻ്റെ മകൻ........ ഇരുപത്തിനാലു വയസ്സുള്ള ചുറുചുറുക്കുള്ള ചെറുപ്പക്കാരൻ...... കുസൃതിയും കുറുമ്പും നിറഞ്ഞ കണ്ണുകൾ....... ടെസ്സ അടിപൊളിയല്ലേ..... ചേട്ടായി ഒന്നു നോക്കിയാലോ........ ആണോ ....... അത്രയ്ക്ക് അടിപൊളിയാണോ ഫിലിപ്പിനു വേണ്ടി ഒന്നു നോക്കിയാലോ ഫ്രെഡ്ഡി അരിശത്തോടെ പറഞ്ഞു. സന്തോഷമായി ചേട്ടായി .....അപ്പനു വിളി കേൾക്കെണ്ട വല്ല ആവശ്യമുണ്ടായിരുന്നോ എനിക്ക്....... റഹാൻ തല ചൊറിഞ്ഞോണ്ട് ആത്മഗതിച്ചു. ഫ്രെഡ്ഡിയുടെ മനസ്സിൽ ഒരുത്തിയും ഇല്ല. അങ്ങനെയൊരാളും വേണ്ട എൻ്റെ മനസ്സിൽ അങ്ങ് സൗദി അറേബ്യയുടെ മണലാരണ്യങ്ങളിൽ പൊടി പാറിക്കൊണ്ട് ....... ഞാൻ താണ്ടുന്ന എൻ്റെ സ്വപ്നം ഇന്ത്യൻ പതാകയുമേന്തി നില്ക്കുന്ന നിമിഷം ഞാനാ സ്വപ്നത്തിൽ എത്താൻ കാതങ്ങളോളം സഞ്ചരിക്കേണ്ടിയിരിക്കുന്നു...... എൻ്റെ മനസ്സിനെയും ശരീരത്തേയും കഠിനമായ പരിശീലനത്തിലൂടെ....... ട്രാക്കിൻ്റെ വരുതിയിലെത്തിക്കണം. നിതാന്ത പരിശ്രമങ്ങൾ ........ വീട്ടുവീഴ്ചയില്ലാത്ത പരിശീലനങ്ങൾ ........ മരണത്തെപ്പോലും മുഖാമുഖം കാണുന്ന നിമിഷങ്ങൾ...... !! ഇതിനിടയൽ കൂടെ ഒരു പെണ്ണ്...... ബെല്ലും ബ്രേക്കുമില്ലാത്ത ഒരു പോക്കാ എൻ്റേത്...... കൂടെ ഒരാളുണ്ടായാൽ....... അതൊന്നും ശരിയാകില്ല...... അതൊന്നും എൻ്റെ ചിന്തയിൽ കൂടി ഇല്ല.......!! അമ്മയെ എന്നെ കാണുന്നില്ലെന്ന് പരാതിയാണ് .... ഇനി ഒരാളുടെ കൂടീ പരാതി താങ്ങാൻ വയ്യ..... റൈഡർ സന്യാസിയാകാനുള്ള പുറപ്പാടാണ്....... അല്ലേ റഹാൻ ചിരിച്ചോണ്ട് ചോദിച്ചു. സന്യാസി കൊള്ളാല്ലോടാ...... ചെക്കാ ഫ്രെഡ്ഡി അവനെ നോക്കി ചിരിച്ചു.....!! റഹാൻ ഫ്രെഡ്ഡിയെ ഒന്നു നോക്കി...... ജിമ്മിലും ട്രാക്കിലെയും കഠിന പരിശ്രമത്തിലൂടെ ഉരുക്കിയെടുത്ത ഫിറ്റ് ബോഡി ...... ഏതൊരു പെണ്ണും കൊതിച്ചു പോകുന്ന ആകാര സൗഷ്ടവം....... കുസൃതി കണ്ണുകൾ..... എങ്കിലും ഗൗരവമായ ഭാവം....!! എൻ്റമ്മോ...... റഹാൻ സ്വന്തം ശരീരത്തിലേക്ക് നോക്കി അയ്യേ ..... ചളുക്കാ പുളുക്കാനുള്ള ബോഡി....... എന്തൊരു ദാരിദ്രൃം..... സ്വന്തം ശരീരത്തിൽ നോക്കി നെടുവീർപ്പെട്ടു.......!! എന്തോന്നാടെ ഈ നോക്കിക്കൊണ്ടിരിക്കുന്നെ ഫ്രെഡ്ഡി അവനെയൊന്നു കൂർപ്പിച്ചു നോക്കി...... പറഞ്ഞിട്ട് എന്തു കാര്യം ....... ആനയ്ക്ക് അതിൻ്റ വലിപ്പം അറിയില്ലല്ലോ...... റഹാൻ കുറുമ്പോടെ പറഞ്ഞു........ ചേട്ടായിക്ക് ആരോടും പ്രണയം തോന്നിയിട്ടില്ലെ ..... പെട്ടെന്ന് റഹാൻ ചോദിച്ചു. പ്രണയം...... അല്ലേ..... ഫ്രെഡ്ഡി ഒന്നു ചിരിച്ചു. ഉണ്ടല്ലോ...... ചിലതിനോടെല്ലാം പ്രണയമാണ്....... ഡിസംബർ മാസത്തിലെ മഞ്ഞുമൂടിയ പ്രഭാതത്തോട്....... രാത്രിയിൽ പെയ്യുന്ന മഴയോട്....... ഇരമ്പിയാർക്കുന്ന കടലിനോട്....... പച്ചപരവതാനി വിരിച്ച വയലിനോട്...... നീഗൂഢവും നിശബ്ദമുമായി വൃക്ഷങ്ങളാൽ നിറഞ്ഞു നില്ക്കുന്ന വനങ്ങളോട് കാട്ടരുവികളോട് തലയുയർത്തിത്തി നില്ക്കുന്ന കൊടുമുടികളോട്..... അതിലേറെ പ്രണയം ചീറിപ്പായുന്ന റേസിങ് മ്പൈക്കുകളോട് വേഗത്തിനോട് സാഹസികതയോട് ചിറിപ്പായുന്ന ബൈക്കുകൾ ഞെരിച്ചമർത്തുന്ന റേസിങ് ട്രാക്കുകളോട് ഓരോ മത്സരങ്ങളോടും പ്രണയമാണ് അവസാനിക്കാത്ത പ്രണയം ആ..... ബെസ്റ്റ് ..... ആരോട് എന്താ ചോദിച്ചത്........ ആകെ........ ഗ്യാസ് പോയ അവസ്ഥയിൽ റഹാൻ കിളികളെയെല്ലാം തിരിച്ചുവിളിക്കാൻ പോലും കഴിയാതെ നിന്നു.......!! ടാ..... പൊട്ടാ..... എന്തോന്നാ മിഴിച്ചു നില്ക്കുന്നെ.......?? എന്നതാ...... ഇവിടെ നടന്നത് ....... ഞാനെന്താ ഇവിടെ........ റഹാൻ സ്വന്തം തലയ്ക്കു തട്ടി...... വന്ന കിളികളെയെല്ലാം വേഗം കൂട്ടീലാക്കി.....!! എനിക്ക് നിങ്ങളൊക്കെയില്ലേ അതുമതി...... റഹാനെ ചേർത്തു പിടിച്ചു കൊണ്ട് ഫ്രെഡ്ഡി പറഞ്ഞു.....!! ടാ കൊച്ചനേ...... ആലിക്കൊച്ച് മുടിഞ്ഞ അരിശത്തിലാ എനിക്കാണേൽ നാളെ വെളുപ്പിനെ പോകണം ...... നീ എങ്ങനെയെങ്കിലും ഹെൽപ്പെടാ..... അതിൻ്റെ കണ്ണുനീരു കണ്ടോണ്ട് പോകാൻ മനസ്സ് വരില്ലെടാ...... ഫ്രെഡ്ഡിയുടെ ശബ്ദമൊന്നിടറി........ ചേട്ടായി വിഷമിക്കേണ്ട നമ്മുക്ക് ശരിയാക്കാമെന്നേ......!! ഡിന്നറിനായി വർഗ്ഗീസ് മാപ്പിളയും...... മക്കളായ ഫ്രാൻസിസും ഫിലിപ്പും എത്തി...... അവനെന്തിയേ ഇവിടുത്തെ പോക്കിരി...... കുഞ്ഞുമോനേ ....... വാടാ ചെക്കാ കഴിക്കുന്ന സമയമായിട്ടും അവിടെ എന്തെടുക്കുകയാ വർഗ്ഗീസ് മാപ്പിള ഫ്രെഡ്ഡിയുടെ റൂമിലേക്ക് നോക്കി വിളിച്ചു. ഞാനിവിടുണ്ടേ........ ഫ്രെഡ്ഡി റെഹാനുമായി അങ്ങോട്ടെത്തി കഴിക്കാനിരുന്നു. ലിസിമ്മാ പോരട്ടെ എൻ്റെ സ്പെഷ്യൽ ....... ഈ ചെക്കനെ കൊണ്ടു തോറ്റു ആലി ചേട്ടത്തി...... ലിസി ചിരിച്ചോണ്ട് .... ഫ്രെഡ്ഡിക്കുള്ള ചപ്പാത്തിയും വെജിറ്റബിൾ കറിയും ഹാഫ് ബോയിൽഡ് മുട്ടയും എടുത്തിട്ടു വന്നു......!! അതും ആസ്വദിച്ച് കഴിച്ചു കൊണ്ട് പറഞ്ഞു..... അപ്പാപ്പാ ...... കുഞ്ഞു മോൻ നാളെ നാടുവിടുകയാ കേട്ടോ...... അതു കേട്ടതും എല്ലാവരും നിശബ്ദരായി....... ഫ്രെഡ്ഡി നോക്കിയപ്പോൾ അപ്പനും റഹാനു മൊഴികെയുള്ള മുഖങ്ങളിലെല്ലാം സങ്കടം...... അപ്പനെ ഉറ്റുനോക്കിയപ്പോൾ...... ഫ്രാൻസിസ് അവനെ കണ്ണടച്ചു കാണിച്ചു....... എങ്ങോട്ടാ കുഞ്ഞുമോനേ ഇത്തവണ...... എളേപ്പൻ ഫ്രാൻസിസ് ചോദിച്ചു. കുറച്ചു ദൂരെ....... വനാതിർത്തിയോട് ചേർന്നുള്ള കൊച്ചുഗ്രാമം...... കളരികൾക്കും ആയോധന കലകൾക്കും പേരുകേട്ട കാളിപുരം....!! അവിടെ ആയോധന കലകൾക്ക് അഗ്രഗണ്യനായ ഗുരുവുണ്ട് അദ്ദേഹത്തിൻ്റെ അടുത്തു കുറച്ചു കാലം വിദ്യകളൊക്കെ അഭ്യസിക്കണം...... അടുത്ത വർഷം സൗദി അറേബ്യയിൽ നടക്കുന്ന സൂപ്പർ ക്രോസ്സിൽ വിജയിക്കാൻ അത് വളരെ ഉപകരിക്കും...... കോച്ചിൻ്റെ നിർദ്ധേശമാണ്........!! ആലിയാമ്മ മുഖം വീർപ്പിച്ചിരിക്കുന്നതു കണ്ടതും റഹാൻ ചിരിച്ചു. ആലിമ്മാ........ ചേട്ടായി പോയിട്ടു വരട്ടെ....... വേറെ രാജ്യത്തെങ്ങുമല്ലല്ലോ നമ്മുടെ കൊച്ചു കേരളത്തിൽ തന്നെയല്ലേ ....... ആലിമ്മ നോക്കിക്കോ ഏതേലും ഉശിരുള്ള പെങ്കൊച്ച് ഈ കൊല കൊമ്പനെ...... വാരിക്കുഴിയില് വീഴ്ത്തും........ അതു കേട്ടും ആലിയാമ്മയുടെ മുഖത്തൊരു തെളിച്ചം വന്നു. എന്നാലൊരു മുഖം റഹാനെ അരിഞ്ഞ് അച്ചാറിടാൻ പാകത്തിൽ ചുവന്നിരുന്നു........!! ആലിമ്മ നോക്കിക്കോ ഏതേലും ഉശിരുള്ള പെങ്കൊച്ച് ഈ കൊല കൊമ്പനെ...... വാരിക്കുഴിയില് വീഴ്ത്തും........ അതു കേട്ടും ആലിയാമ്മയുടെ മുഖത്തൊരു തെളിച്ചം വന്നു. എന്നാലൊരു മുഖം റഹാനെ അരിഞ്ഞ് അച്ചാറിടാൻ പാകത്തിൽ ചുവന്നിരുന്നു.......!! റഹാൻ ഫ്രെഡ്ഡിയെ നോക്കിയതും ...... ചെക്കനവിടെ മസിലൊക്കെ വിറപ്പിച്ച് ഇങ്ങനെ ചപ്പാത്തിയിൽ ബലം പിടിക്കുകയാ ..... റഹാൻ പതിയെ എഴുന്നേറ്റ് ഒറ്റോട്ടം സ്റ്റെയർ കയറി മുകളിലോട്ട്.....!! ടാ..... കൈ കഴുകീട്ട് പോടാ ഫിലിപ്പ് പറഞ്ഞതും ഇനിയവിടെ നിന്നാൽ ഒരിക്കലും കഴുകാൻ കൈയ്യുണ്ടാവില്ല അപ്പാ..... പറഞ്ഞതും റൂമിലേക്കോടി വാതിലടച്ചിരുന്നു അവൻ...... അവൻ്റെ പരാക്രമം കണ്ട് എല്ലാവരും ചിരിച്ചു. അത്താഴമൊക്കെ കഴിഞ്ഞ് ഫ്രെഡ്ഡി കിടക്കാനായി പോയി.....!! പുലർച്ചെ 4.30 ആയി........ അറപ്പുരയ്ക്കൽ മാളിക നിയോൺ ബൾബിൻ്റെ പ്രകാശത്തിൽ കുളിച്ചു നിന്നു ....... ഫ്രെഡ്ഡി ....... തൻ്റെ ലഗേജുമായി താഴേക്ക് ഇറങ്ങി....... അവൻ താഴേക്കിറങ്ങുന്നതും നോക്കി ആലിയാമ്മയും ഫ്രാൻസിനും ലിവിങ് ഏരിയയിൽ കാത്തു നിന്നു...... അപ്പാ....... ന്നാ പിന്നെ ...... വിണ്ടും പാക്കലാം ആലിക്കുട്ടി....... Love u ഫ്രെഡ്ഡി അവരെ ചേർത്തു പിടിച്ച് നെറ്റിയിൽ മുത്തി...... ടാ...... കള്ള തിരുമാലി പോയേച്ചും വെക്കം വന്നേക്കണം....... അതു പിന്നെ അങ്ങനല്ലിയോ....... എൻ്റെ ആലിക്കുട്ടി ഫ്രെഡ്ഢിയെ കാണാനാഗ്രഹിക്കുമ്പോഴേ നമ്മളരികിൽ ഉണ്ടാകില്ലേ...... ഫ്രെഡ്ഡി കുസൃതിയോടെ തൻ്റെ ജിപ്സിയിൽ കയറി ഓടിച്ചു പോയി........ ഫ്രാൻസിസ്....... കണ്ണു തുടയ്ക്കുന്നതു കണ്ടതും ആലി കൊച്ചിനും നൊന്തു....... എന്നതാ അച്ചായാ ഇത് ........ ആലികൊച്ച് വേദനയോടെ ചോദിച്ചു........ എൻ്റെ തെമ്മാടിയെ കണ്ടു കൊതി തീർന്നില്ല......" നിങ്ങൾക്കല്ലായിരുന്നോ എനക്കേട് മോൻ ലോകം കീഴടക്കിയേച്ചും വരട്ടേന്നും പറഞ്ഞ് ആ ചെറുക്കനെല്ലാത്തിനും പിരി കേറ്റി വിട്ടേച്ച് ഇപ്പോ ഇരുന്നു മോങ്ങുന്നു.....!! പോട്ടെടി അവൻ അവൻ്റെ സ്വപ്നങ്ങളെല്ലാം സാക്ഷാത്കരിച്ചിട്ടു വരട്ടെ......." അറപ്പുരയ്ക്കലിൻ്റെ വിശാലമായ കോർട്ടിയാഡിൽ നിന്ന് മെയിൻ ഗേറ്റ് വഴി....... റോഡിലേക്ക് ഇറങ്ങുമ്പോഴും ഫ്രെഡ്ഡിയുടെ കണ്ണുകൾ ഈറനണിയുന്നുണ്ടായിരുന്നു.......!! ഒറ്റയ്ക്കൂള്ള യാത്ര...... അങ്ങനെ വേണമെന്നൊരു തോന്നൽ അതു കൊണ്ടാണ് ഉറ്റ സുഹൃത്തായ ആൽവിനെപ്പോലും ഒപ്പം കൂട്ടാത്തത്. കോച്ച് അജയഘോഷ് പറഞ്ഞു തന്നൊരു വിവരണം മാത്രമേയുള്ളു ആ നാടിനേക്കുറിച്ച്........ വനാതിർത്തിയോടു ചേർന്നുള്ള ഒരു ഗ്രാമം പരിഷ്കൃത ലോകം എത്തി നോക്കാത്തൊരിടം...... പ്രത്യേക ആചാരങ്ങളും അനുഷ്ടാനങ്ങളും അനുവർത്തികുന്ന ഒരു ഊര്...... മന്ദാകിനിപ്പുഴയും ഊരിലെ കാളിയുടെ ക്ഷേത്രം...... ആയോധനകലകളിൽ അഗ്രഗണ്യനായ യദു ശർമ്മൻ...... ഇത്രയുമേ അജയഘോഷിൽ നിന്നു കിട്ടിയ വിവരങ്ങൾ.....!! "മ്മ്മ്.... ബാക്കിയൊക്കെ അവിടെ ചെന്നിട്ട് അറിയാം..." ജിപ്സി കുറേ ദൂരം താണ്ടി..... സൂര്യൻ കത്തിക്കയറുന്നു. ഉച്ച സമയം ആയിരിക്കുന്നു. നാളെ വൈകുന്നേരത്തോടെ കാളിപുരത്ത് എത്തുകയുള്ളു. വിശപ്പു തോന്നിയപ്പോൾ വണ്ടിയൊന്ന് ഒതുക്കാൻ തീരുമാനിച്ചു. ഫ്രെഡ്ഡി ചുറ്റുമൊന്നു നോക്കി..... ആൾത്തിരക്ക് കുറഞ്ഞൊരു കവലയിലാണവൻ...... വണ്ടി സൈഡാക്കി..... അതിൽ നിന്നിറങ്ങി ഒന്നു മൂരി നിവർത്തി.... റോഡരികിൽ പൊതു ടാപ്പ് കണ്ടതും അങ്ങോട്ടേക്ക് നടന്നു.മുഖത്ത് വെള്ളം വീണപ്പോൾ ഒരാശ്വാസം...... ആലിക്കുട്ടി എന്തൊക്കെയോ പൊതിഞ്ഞു കെട്ടിവെച്ചിട്ടുണ്ട്. ജിപ്സിയുടെ ബാക്കിൽ കുറേ സാമഗ്രികൾ കണ്ടതും... ഇതൊക്കെ എപ്പോ? വനാതിർത്തിയിലുള്ള ഗ്രാമത്തിലേക്കാണെന്നു പറഞ്ഞതു കൊണ്ടാവും പെട്ടെന്ന് കേടുവരാത്ത ഭക്ഷ്യസാധനങ്ങൾ, പൊടി വകകൾ ഉണക്കി വച്ച ഐറ്റമസ്. മിൽക്ക് പ്രൊഡക്ട്സ്.അങ്ങനെ പോകുന്നു..... വാഴയിലയിൽ പൊതിഞ്ഞ ചോറെടുത്ത് ജിപ്സിയിലിരുന്ന് കഴിച്ചു..... ചെമ്പാവരിച്ചോറും കുറച്ച് തൈരും ചമ്മത്തിയും ഉണക്കമീനും...... ഹെൽത്ത് കോൺഷ്യസ് കാരണം എല്ലാം ലളിതമായിട്ടാണ്...... ഫ്രെഡ്ഡിക്ക് ഫാസ്റ്റ്ഫുഡിനേക്കാളും വീട്ടിലെ ഭക്ഷണമാണ് ഇഷ്ടം....!! വീണ്ടും യാത്രയാരംഭിച്ചു. തനിച്ചുള്ള ഇത്രയും ലോങ്ങ് യാത്രയൊക്കെ വേറെ ആർക്കാണേലും ബോറായേനെ..... ഫ്രെഡ്ഡിക്ക് ഇതൊന്നും വിഷയമല്ല ഡ്രൈവിങ് എപ്പോഴും ലഹരിയാണ്. രാത്രിയായപ്പോൾ ഭക്ഷണം കഴിഞ്ഞ് ഒരു ലോഡ്ജിൽ താമസിച്ചു രാവിലെ വീണ്ടും യാത്ര തുടങ്ങി നഗരങ്ങളിൽ നിന്ന് ഗ്രാമത്തിലേക്ക് അവൻ്റെ ജിപ്സി ഓടിക്കൊണ്ടിരുന്നു. ചെറിയ അരുവികളും പാറക്കൂട്ടങ്ങളും പിന്നെ വലിയ മലനിരകൾ ദൂരെയായി കൊടുംകാട്...... ദുർഘടം പിടിച്ച മൺറോഡിലൂടെ വണ്ടി പൊയ്ക്കൊണ്ടിരുന്നു.ചെറിയൊരു അരുവിയെ കീറി മുറിച്ച് വണ്ടി ചെന്നത് നിന്നത് കാളിപുരം എന്നെഴുതിയ മഞ്ഞ ബോർഡിനടുത്താണ് ദൂരെയായി ജനസഞ്ചാരം ഉള്ളതായി ഫ്രെഡ്ഡിക്ക് തോന്നി...... അങ്ങോട്ടേക്ക് വണ്ടി നിർത്തി...... മൂന്നാല് ചെറിയ കടകൾ..... പക്ഷേ കുറച്ചു.... താഴെയായി ചന്തയാണെന്നു തോന്നുന്നു. അവിടെ തിരക്കുണ്ട്...... കവലയുടെ ഒത്ത നടുക്കായി പടർന്നു പന്തലിച്ച അരയാൽ നില്‌കൂന്നു. ചുറ്റും തറ കെട്ടിയിട്ടിട്ടുണ്ട്. അതിൽ രണ്ട് വൃദ്ധർ ഇരിക്കുന്നു. കുറേ കൂടിലുകൾ അടുത്തടുത്തായി കാണാം...... ഫ്രെഡ്ഡി പതിയെ ആ ചെറിയ കടയിലേക്ക് നീങ്ങി. പലചരക്ക് കടയാണ്.കടയിൽ വന്ന സ്ത്രികൾക്ക് എന്തൊക്കെയോ എടുത്ത് കൊടുക്കുകയാണ്. ""അതേ ചേട്ടാ.... ഞാൻ കുറച്ച് ദൂരേന്നാണേ.... ഈ കളരിഗുരുക്കൾ യദുശർമ്മ......?? "ഓ...... അയ്യാവേ തിരക്കിയാണോ മൺറോഡ് ചൂണ്ടിക്കാട്ടി അയാൾ പറഞ്ഞു......ദാ......ഈ വഴി പോയി ഒരു വളവ് അകലെ കാളീക്ഷേത്രമുണ്ട് അതിന് പുറകിലാണ് കളരിത്തറ......" ഫ്രെഡ്ഢി കടക്കാരനോട് നന്ദി പറഞ്ഞ് അവിടേക്ക് തിരിച്ചു. ചുറ്റും കാടാൽ തീർത്തൊരു ഗ്രാമം പ്രകൃതി രമണിയതയിൽ പൂത്തുലഞ്ഞു നില്ക്കൊന്നിരിടം കാട്ടുപൂക്കളിൻ്റെ സൗരഭ്യം..... മന്ദാകിനിപ്പുഴ നിറഞ്ഞു കവിഞ്ഞൊഴുകുന്നു...... ഏകദേശം നാനൂറ് കുടുംബങ്ങളോളം ഇവിടെ താമസിക്കുന്നു. അധികം പരിഷ്കാരങ്ങളൊന്നും കടന്നു കൂടിയിട്ടില്ല. വളവു തിരിഞ്ഞതും ത്രിശൂലവും ഒറ്റക്കൽ സ്തൂപവും കണ്ടു...... കരങ്കല്ലിൽ തീർത്ത ചെറിയൊരു ക്ഷേത്രം ഒറ്റക്കല്ലിൽ തീർത്ത കാളി വിഗ്രഹം.....!! ഫ്രെഡ്ഡി ജീപ്പ് പടുകൂറ്റൻ വേപ്പിൻ മരത്തിന് മുന്നിൽ നിർത്തി. ഇറങ്ങി പതിയെ നടന്നു. മൺ റോഡിലൂടെ കാളവണ്ടി പോകുന്നു. നിറയെ പച്ചക്കറിയുമായി...... അവിടമാകെ കാപ്പിപ്പൂവിൻ്റെ മണം നിറഞ്ഞു നില്ക്കുന്നു...... മൺ റോഡിനപ്പുറം കാപ്പിത്തോട്ടമാണ്...... വെൺമ നിറഞ്ഞ പൂക്കളാൽ പൂത്തുലഞ്ഞു നില്ക്കുന്നു. കാളി ക്ഷേത്രത്തിനു ചുറ്റും ഇരുളു മൂടീയതു പോലേ നിഗൂഡതകൾ നിറഞ്ഞിടമായി തോന്നി. അകത്തുനിന്നും ജപമന്ത്രങ്ങൾ ഉച്ചത്തിൽ കേൾക്കാം "ഓം കാളീം മേഘസമപ്രഭാം ത്രിനയനാംവേതാളകണ്ഠസ്ഥിതാംഖഡ്ഗം ഖേട കപാല ദാരിക ശിരഃ കൃത്വാകരാഗ്രേഷു ച ഭൂതപ്രേതപിശാചമാതൃസവിതാംമുണ്ഡസ്രജാലംകൃതാം വന്ദേ ദുഷ്ടമസൂരികാദിവിപദാം സംഹാരിണീമീശ്വരീം" ക്ഷേത്രത്തിന് അരികിലായി കൂറ്റൻ വൃക്ഷങ്ങളാലും.....വള്ളിപ്പടർപ്പുകളാലും നിറഞ്ഞ കാവ്...... അതിൽ മാനംമുട്ടെ വളർന്നൊരു വൃക്ഷത്തിൽ ചുവന്ന പട്ടു ചുറ്റിയിരിക്കുന്നു........ രക്തവർണ്ണമാർന്ന കുങ്കുമവും മഞ്ഞൾപ്പൊടിയും..... മരത്തിനു ചുറ്റും കൂടി കിടക്കുന്നു. റോഡരികിൽ നിന്ന് ഇതൊക്കെ വീക്ഷിച്ചു കൊണ്ടിരുന്ന കാവി പുതച്ചൊരാൾ കാറ്റു പോലവൻ്റെയടുത്തെത്തി..... 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/52663/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ

കരിന്തണ്ടൻ അവസാന ഭാഗം #📔 കഥ #👌 വൈറൽ വീഡിയോസ് #പ്രേതകഥ #😔 ഇമോഷണൽ സ്റ്റാറ്റസ് 😍 #🧟 പ്രേതകഥകൾ!

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aK1gpQ6?d=n&ui=v64j8rk&e1=cമന്ത്രകോടി :പാർട്ട്‌ -38💚🌺 സഞ്ജുവിന്റെ മുഖത്ത് തീർത്തും ഗൗരവം മാത്രം. അവൻ ആദ്യം നന്ദന് മുന്നിലേക്ക് വന്നു നിന്നു കുറച്ച് നിമിഷങ്ങൾക്കുള്ളിൽ അവിടെ നിന്ന് അമ്മയേയും ഭാമയേയും കടന്ന് കടന്ന് മെറിന് മുന്നിലേക്ക് വന്ന് നിന്നു..... അത്‌ കണ്ടതും മെറിൻ ഞെട്ടി..... മുഖം വിളറിവെളുത്തു..... ഭയം കൊണ്ടവളുടെ ഹൃദയമിടിപ്പ് കൂടി..... മെറിൻ """You're under arrest"""" തനിക്കു നേരെ നിന്ന് അവനത് പറഞ്ഞതും മെറിനെ ആലില പോലൊന്നു വിറച്ചു..... എന്..... എന്താ........ You're under arrest... സഞ്ചു വീണ്ടും ആവർത്തിച്ചു. മെറിന്റെ ഹൃദയത്തിലൊരു പൊട്ടിത്തെറി നടന്നു...... മുഖത്തേക്ക് പേടി പാഞ്ഞെത്തി എന്നാൽ അത് പ്രകടമാകും മുൻപേ അവൾ പെട്ടന്ന് മനസാന്നിധ്യം കൈവരിച്ചു.... അറസ്റ്റോ..... എന്നെയോ? എന്തിന്??? എന്തിനെന്നെ അറസ്റ്റ് ചെയ്യണം...... അവൾ സഞ്ചുവിന് നേർക്ക് നോക്കി ആരാഞ്ഞു. അത് നമുക്ക് സ്റ്റേഷനിൽ ചെന്ന് സംസാരിച്ചാൽ പോരേ..... സഞ്ജു ചോദിച്ചതും അവൾ ദേഷ്യത്തോടെ തന്നെ അവനെ നോക്കി..... പോരാ .... എന്നെ അറസ്റ്റ് ചെയ്യുന്നതെന്തിനാണെന്ന് എനിക്കറിയണം ശെരി അറിയിക്കാം..... സഞ്ചു അവളുടെ നേർക്ക് നോക്കിപറഞ്ഞു. ഈ നാട്ടിൽ കുറച്ച് കാലങ്ങളായി ഡ്രെഗ്ഗ്സിന്റെ ഉപയോഗം കൂടി വരുന്നുണ്ട്..... അതെങ്ങനെ ഇവിടെയെത്തുന്നു എങ്ങനെ വിൽക്കുന്നു ആരൊക്കെ അതിൽ പങ്ക് ചേരുന്നു എന്നുള്ള അന്വഷണത്തിലായിരുന്നു ഇന്നലെ രാത്രിയോടെ അതിനുള്ള ഉത്തരം കിട്ടി കൂടാതെ മുഴുവൻ തെളിവുകളും. മെറിൻ ഞെട്ടി നേരത്തേ അവൾ ഉള്ളിൽ മറച്ചുവച്ച ഭയം അവളുടെ മുഖത്ത് പ്രകടമായി..... അതിൽ പ്രധാന കണ്ണിയായ ഒരു പ്രതിയാണ് എന്റെ മുന്നിൽ നിൽക്കുന്നത്. ഇനി പ്രത്യേകിച്ചൊന്നും മെറിന് അറിയണ്ടല്ലോ...... അവൻ ഗൗരവത്തോടെ ചോദിച്ചു അഥവാ ഇനി എന്തേലും അറിയാനുണ്ടെങ്കിൽ തന്നെ നമുക്ക് സ്റ്റേഷനിൽ ചെന്നിട്ട് സംസാരിക്കാം.... കോൺസ്റ്റബിൾസ്‌....... അവന്റെയാ വിളിയിൽ പുറകിൽ നിന്ന രണ്ട് വനിതാ പോലീസുകാർ മുന്നിലേക്ക് വന്നു അവളുടെ ഇരു വശത്തുമായി നിന്നു.... വിട്..... എന്നെ വിട്...... അവർ പിടിച്ചുവച്ച കൈകളെ ശക്തമായി വലിച്ചുകൊണ്ടവൾ പറഞ്ഞു..... എന്നെ വിടാനാ പറഞ്ഞേ...... ഞാനൊന്നും ചെയ്തിട്ടില്ല..... വിട്..... മറ്റാരെങ്കിലും ചെയ്ത തെറ്റിന് എന്നെ എന്തിനാ പിടിച്ചുകൊണ്ടു പോകുന്നത്..... പ്ലീസ്.... വിട്...... അവൾ കുതറിക്കൊണ്ടേയിരുന്നു..... വലിയ സഹാസമൊന്നും കാണിക്കണ്ട മെറിൻ...... മര്യാദക്ക് ഞങ്ങളോടൊപ്പം സഹകരിച്ചാൽ തനിക്ക് കൊള്ളാം...... അല്ലെങ്കിൽ..... സഞ്ചുവൊന്ന് നിർത്തി...... അല്ലെങ്കിൽ.... അല്ലെങ്കിൽ താനെന്ത് ചെയ്യും...... ഞാൻ ഞാനൊരു പെണ്ണ് മാത്രമല്ല.... ഒരു ഗർഭിണി കൂടിയാ...... എന്നെ തൊട്ടാൽ വിവരമറിയിക്കും ഞാൻ..... മെറിൻ ദേഷ്യത്തോടെ അവന് നേർക്ക് നിന്ന് പറഞ്ഞു..... എന്നാൽ സഞ്ചു ഒന്ന് പുച്ഛത്തോടെ ചിരിച്ചു.... ഗാർഭിണിയോ,അമ്മയോ,കുഞ്ഞോ, ആരുമായിക്കോട്ടേ..... തെറ്റ് ചെയ്തവർ ശിക്ഷയനുഭവിക്കും..... അതിലൊരു വേർതിരിവ് ഒരിക്കലുമില്ല മെറിൻ..... ഇല്ലാ....... ഇല്ലാ...... ഞാൻ വരില്ല...... മഹിയുടെ അമ്മേ.... പ്ലീസ് ഒന്ന് പറയ്...... നന്ദാ ഭാമേ.... പ്ലീസ്..... അവൾ കരഞ്ഞു പോയിരുന്നു.... എന്നാൽ ആ നിന്നവരിൽ ആർക്കും അവളോട് ഒരു സഹതാപവും തോന്നിയില്ല.... എല്ലാവരുടെയും മുഖം കല്ലിച്ചപോലൊരു ഭാവമായിരുന്നു..... അത്രയ്ക്ക് പൊറുക്കാനാവാത്ത തെറ്റാണവൾ ചെയ്തത്. പിന്നിലേക്ക് വലിയൻ ശ്രമിച്ചെങ്കിലും കുറച്ച് പണിപ്പെട്ട് കൊണ്ട് തന്നെ ആ രണ്ട് വനിതാ പോലീസുകാരും ഒരുമിച്ചവളെ വണ്ടിക്കകത്തേക്ക് കയറ്റി...... ശേഷം നന്ദനോട് എന്തോ ഒന്ന് പറഞ്ഞുകൊണ്ട് സഞ്ജു തന്റെ ജീപ്പിലേക്ക് കയറി........ വീട്ടുമുറ്റത്തുനിന്നും ചെമ്പരത്തി വേലികൾ കഴിഞ്ഞ് പോകുന്ന രണ്ട് ജീപ്പുകളെ എല്ലാവരും നോക്കി നിന്നും. കുറച്ച് നേരം കഴിഞ്ഞതും ദേവകിയമ്മ ഉമ്മറത്തെ കസേരയിലേക്കിരുന്നു...... ജീവിതത്തിൽ ആദ്യമായാണ് ഇങ്ങനൊരു സന്ദർഭം ഉണ്ടാകുന്നത്..... അമ്മയുടെ തളർന്നുള്ളയാ ഇരുപ്പ് കണ്ടതും ഭാമയും നന്ദനും പെട്ടന്ന് തന്നെ അമ്മക്കരികിലേക്ക് വന്നു.... 🌼🌼🌼🌼🌼🌼🌼 ഉച്ചക്ക് ഫുഡ്‌ കഴിക്കാൻ ഇറങ്ങുമ്പോഴായിരുന്നു മഹി ഫോൺ എടുത്ത് നോക്കുന്നത്. അതിൽ നന്ദന്റെ മൂന്ന് മിസ്സ്‌ കാൾ കണ്ടതും അവന്റെ നെറ്റി ചുളിഞ്ഞു. സാധാരണ അങ്ങനെ വിളികളൊന്നും ഇല്ലാത്തതാണ് അതുകൊണ്ട് തന്നെ എന്താണെന്നറിയാനുള്ള തിടുക്കത്തോടവൻ തിരിച്ചു വിളിച്ചു. എന്നാൽ അവിടെ നിന്ന് കേട്ട വാർത്ത അവനെ അപ്പാടെ തളർത്തിക്കളഞ്ഞു. മെറിനെ പോലീസ് അറസ്റ്റ് ചെയ്തു. കാര്യകാരണങ്ങൾ ചോദിക്കുന്നതിന് മുൻപ് തന്നെ അവനത് പറയുകയും ചെയ്തു..... മഹിയുടെ ഹൃദയം ഒരുനിമിഷം നിലച്ചത് പോലെ തോന്നിപ്പോയവന്. കാരണം കേട്ട കാര്യം അവന്റെയുള്ളിൽ അത്രയും വലിയൊരാഘാതം സൃഷ്ടിച്ചിരുന്നു. കുറച്ച് നേരം വേണ്ടി വന്നു അവന് യാഥാർഥ്യത്തിലേക്ക് തിരിച്ചു വരാൻ.... ആ സമയം ചെവിയോട് ചേർത്ത് വച്ചിരുന്ന കാൾ കട്ടായി. പിന്നവൻ ചെയ്യുന്നതെല്ലാം യാന്ദ്രിക മായിരുന്നു. ഹാഫ് ഡേ ലീവ് പറഞ്ഞ് പായുകയായിരുന്നു പോലീസ്സ്റ്റേഷനിലേക്ക്. പോകുന്ന വേളയിൽ ടെൻഷൻ കൊണ്ട് പല തവണ വണ്ടി കൈയ്യിൽ നിന്ന് പാളിപ്പോകുന്നുണ്ടായിരുന്നു. എങ്ങനെയോ ഒരു വിധം സ്റ്റേഷനിലെത്തി..... കവാടം കഴിഞ്ഞ് ഉള്ളിലേക്ക് കയറുമ്പോൾ അവന്റെ ഹൃദയം അതിവേഗത്തിൽ മിടിച്ചുതുടങ്ങി..... പതിയെയാണെങ്കിലും അകത്തേക്ക് കയറി ചെല്ലുമ്പോൾ പല പോലീസുകാരും തന്നെ വീക്ഷിക്കുന്നുണ്ടായിരുന്നു. എന്നാൽ അവൻ തിരഞ്ഞത് മെറിനെയായിരുന്നു. നിമിഷങ്ങൾക്കകം അവന്റെ കണ്ണുകളവളെ കണ്ടെത്തുകയും ചെയ്തു..... ഒരു മൂലയിലായി കസേരയിൽ ഇരിക്കുകയാണ്..... അടുത്ത് തന്നെ ഗൗതമും മറ്റ് രണ്ട് പേരും നിൽപ്പുണ്ട്. ഗർഭിണി യായതുകൊണ്ടാകാം ഇരിക്കാൻ അവൾക്കൊരു ചെയർ കിട്ടിയത്... എന്തോ ആലോചിച്ചിരുന്നവൾ തന്നെ തന്നെ ആരോ നോക്കി നിൽക്കുന്നെന്നു തോന്നിയതും അങ്ങോട്ടേക്ക് നോക്കി..... പെട്ടന്ന് മഹിയെകണ്ടതും അവൾ ചാടി എഴുന്നേറ്റു..... ആ സമയം തന്നെയാണ് സഞ്ചു തന്റെ ഓഫീസ് റൂമിൽ നിന്ന് പുറത്തേക്ക് വന്നത്. ആഹ്ഹ് ആരാ ഇത് മഹിയേട്ടനോ....... വാ... വാ....... അവനെ കണ്ടതും സഞ്ചു അകത്തേക്ക് വിളിച്ചു..... എന്നാൽ മഹിക്ക് അനങ്ങാൻ കഴിഞ്ഞില്ല. ഒരുനിമിഷം അവൻ അവിടെ തന്നെ നിന്നുപോയി..... ആഹ്.... അവിടെ തന്നെ നിൽക്കാതെ വാ മഹിയേട്ടാ..... നിങ്ങളുടെ ഭാര്യയെക്കുറിച്ച് കുറച്ച് കാര്യങ്ങൾ പറയാനുണ്ട്..... അവൻ മെറിനെ നോക്കി ഒന്ന് പറഞ്ഞതും മഹി അകത്തേക്ക് വന്നു...... ദേ... ഈ നിൽക്കുന്ന മെറിനും ഗൗതമും ഇവർ രണ്ടു പേരും പിന്നെ പത്ത് പേരോളം വരുന്ന ഇവരുടെ ഗ്യാങ്ങുമാണ് ഇവിടെ ഡ്രഗ്ഗ്സ്‌ വിതരണം നടത്തിയത്...... അതും നല്ല ഒന്നാന്തരം മരുന്നുകൾ. കൊണ്ടു വരുന്നതോ അങ്ങ് പുറം നാടുകളിൽ നിന്ന്.... അതിവിടുത്തെ കുട്ടികൾക്കും മുതിർന്നവർക്കുമായി സപ്ലൈ ചെയ്ത് അതിലങ്ങ് സന്തോഷം കണ്ടെത്തി പണവും കണ്ടെത്തി വരുകയായിരുന്നു ഇവർ..... സഞ്ചു മഹിയെ നോക്കി പറഞ്ഞു...... പലനാൾ കള്ളൻ ഒരുനാൾ പിടിയിലെന്നല്ലേ..... സോ പിടിയിലായി.... കള്ളനും കള്ളിയും കള്ളന് കഞ്ഞി വച്ചവരും ഒക്കെ പിടിയിലായി. ഇനി ആഘോഷത്തോടെ F. I. R. ഇട്ട് നേരെ കോടതിയിലേക്കും അവിടുന്ന് ജയിലിലേക്കും.... സഞ്ചു പറഞ്ഞു നിർത്തി..... മഹി ഒരു നിമിഷം മെറിനെ ഒന്ന് നോക്കി...... ശേഷം അവളുടെ വീർത്തിരിക്കുന്ന വയറിലേക്കും..... നാളെ തങ്ങളുടെ കുഞ്ഞിനെ പ്രസവിക്കേണ്ടവളാണ്..... കുട്ടികൾ ഉൾപ്പടെ എണ്ണിയാൽ തീരാത്തവർക്ക് ഡ്രെഗ്ഗ്സ് വിൽക്കാൻ കൂട്ട് നിന്നത്..... അവന്റെ ഉള്ളം മുറിഞ്ഞു..... സഞ്ചു നിന്നിടത്തു നിന്നും മഹിക്ക് മുന്നിലേക്ക്‌ നീങ്ങി നിന്നു..... ആ നിമിഷം തന്നെ മെറിനിൽ നിന്നും നോട്ടം മാറ്റി സഞ്ചുവിനെ നോക്കി അവൻ.... ഇനി എന്റെ ഒരു ചോദ്യം മഹിയോടാണ്.... സഞ്ചുവിന്റെ മുഖം തീർത്തും ഗൗരവം ഏട്ടൻ എന്ന വിളി മാറ്റി പോലീസ് ഓഫീസർ മാത്രമായവൻ സംസാരിക്കുകയാണ്. പറയു എന്നപോലെ മഹി സഞ്ചുവിനെ നോക്കി. മെറിൻ ഡ്രെഗ്ഗ്സ് മാഫിയയുമായി മുൻപ് പ്രവർത്തിച്ചിരുന്നതോ , ഇപ്പോൾ പ്രവർത്തിച്ചു കൊണ്ടിരുന്നതിനെ ക്കുറിച്ചോ മഹിക്ക് അറിയാമായിരുന്നോ? മഹി പെട്ടന്ന് മെറിനെ ഒന്ന് നോക്കി...... ഫ്ലാറ്റിൽ വച്ച് അവളെ വാൺ ചെയ്തതവൻ ഓർമിച്ചു ..... കൂടാതെ..... കുറച്ച് ദിവസങ്ങളായി മെറിന്റെ മാറ്റവും ഫോൺ കോളും ഗൗതവു മായിട്ടുള്ള മീറ്റിങ്ങുമെല്ലാം അവന്റെ മനസ്സിലേക്ക് വന്നു.... മഹി..... അവൻ ഒന്നുകൂടി വിളിച്ചു. ഇല്ല സർ....... അറിയില്ലായിരുന്നു...... മഹി അത്‌ പറഞ്ഞതും മെറിന്റ മുഖം താണു പോയി..... തന്റെ അത്യാഗ്രഹം കൊണ്ടാണ്.... ഇന്നിവിടെ ഇങ്ങനെ നിൽക്കേണ്ടി വന്നത് അവൾ മനസ്സിലോർത്തു......... ഹ്മ്മ്മ്...... അന്വേഷണവും തെളിവെടുപ്പും ഒക്കെ സ്റ്റാർട്ട്‌ ചെയ്യാൻ പോകുന്നതേ ഉള്ളൂ..... എന്തായാലും മഹിക്ക് നേരെയും അന്വേഷണം ഉണ്ടാകും..... ഇവരെ ഇനി കോടതിയിൽ നോക്കിയാൽ മതി........ സഞ്ചു പറഞ്ഞുകൊണ്ട് കോൺസ്റ്റബിൾ കൊണ്ടുവന്ന ഫയലിലേക്ക് നോക്കി..... ആ സമയം മഹി മെറിന്റെ അരികിലേക്ക് നടന്നു...... മെറിന്റെ മുഖം താണുപോയി........ മഹിയുടെ ഉള്ളിലെന്താണെന്ന് അവൾക്കറിയാം..... ഇത്രയും പേർക്കിടയിലാണെങ്കിലും അവൾക്കുള്ളിലൊരു ഭയമുണർന്നു..... എന്നാലും അത് പുറത്ത് കാണിക്കാതെ അവൾ മഹിയെ നോക്കി....... മഹിയേട്ടാ...... ഞാൻ ....... പെട്ടന്ന് മഹി കൈഉയർത്തി തടഞ്ഞു..... മിണ്ടരുത്...... പ്ലീസ്.... മഹിയേട്ടാ..... ഞാൻ...... ഞാൻ തെറ്റൊന്നും ചെയ്തിട്ടില്ല..... മെറിന്റെ മനസ്സിൽ മറ്റൊരു ബുദ്ധി തെളിഞ്ഞു...... അതുകൊണ്ട് തന്നെ ശബ്ദത്തിൽ പരമാവധി സങ്കടം നിറച്ചു.... ഞാൻ...... ഞാൻ തെറ്റൊന്നും ചെയ്തിട്ടില്ല മഹിയേട്ടാ...... പ്ലീസ്...... എന്നെ ഇവിടുന്ന് രക്ഷിക്ക്...... നമ്മുടെ കുഞ്ഞിന് വേണ്ടി പ്ലീസ്...... അത്‌ കേട്ടയും മഹിയിലൊരു പുച്ഛം വിരിഞ്ഞു..... കുഞ്ഞ്..... ആ പദം ഉച്ഛരിക്കാനുള്ള യോഗ്യത ഉണ്ടോടി നിനക്ക്...... പ്ലീസ്..... മഹി ........ അവന്റെ കത്തിയെരിക്കാനുള്ള നോട്ടത്തിൽ അവൾ പേടിച്ചു. നിസഹായയായി അഭിനയിച്ചു..... മഹി......... ഞാൻ തെറ്റൊന്നും ചെയ്തിട്ടില്ല..... സത്യം..... എന്നെ ഇവൻ കുടുക്കാൻ നോക്കുന്നതാ..... കുറച്ച് മാറി നിൽക്കുന്ന ഗൗതമിനെ നോക്കി അവൾപറഞ്ഞു..... ആ നിമിഷം ഫയലിൽ നിന്ന് സഞ്ചുവും മുഖമുയർത്തി നോക്കി....... സത്യാ.... മഹി......ഗൗതമെന്നെ കുടുക്കാൻ നോക്കുന്നതാ..... അത്‌ കേട്ടതും ഗൗതമിൽ ഒരു പുച്ഛച്ചിരി വിരിഞ്ഞു..... എന്തായാലും പെട്ടു അങ്ങോട്ടുമിങ്ങോട്ടും ഒറ്റു കൊടുത്ത് നിന്നാലും രക്ഷപെടാൻ പറ്റില്ല........ അതുപോലൊരു കെണിയാണ്.... മെറിന്റെ ബുദ്ധികൂടിയ തലയ്ക്ക് അതറിയില്ലന്ന് തോന്നുന്നു..... ഗൗതം അവളെ തന്നെ നോക്കി നിന്നു..... പ്ലീസ്.... മഹി.... എന്നെ ഇവിടുന്ന് രക്ഷിക്ക്..... നമ്മുടെ കുഞ്ഞിനെ ഓർത്തെങ്കിലും പ്ലീസ്...... നമ്മുടെ കുഞ്ഞ് നമ്മുടെ കുഞ്ഞ്...... എന്ന് പറയുന്നതിൽ അവന്റെ മനസ്സ് കുടുങ്ങുന്നുണ്ടായിരുന്നു...... അവളോട് ക്ഷമിക്കാൻ തയ്യാറല്ല..... എന്നാൽ കുഞ്ഞ്...... ഭൂമി കാണാത്ത തന്റെ കുഞ്ഞ് എന്ത് തെറ്റ് ചെയ്തു..... അവന്റെ മുഖഭാവത്തിൽ നിന്ന് തന്നെ അവൻ എന്താണ് ചിന്തിക്കുന്നതെന്ന് മെറിനും അവനെ ശ്രദ്ധിച്ചു നിന്ന ഗൗതമിനും മനസ്സിലായി...... മഹി പതിയെ സഞ്ചു വിനരികിലേക്ക് നടന്നു..... സർ...... തിരിഞ്ഞു നിന്ന സഞ്ചുവിനെ അവൻ വിളിച്ചു..... ഹ്മ്മ്മ്..... ഗൗരവത്തോടെ അവനൊന്നു മൂളി..... സർ അവളെ..... അവളെ വിട്ടു കിട്ടാൻ...... എന്താണ് ചെയ്യേണ്ടത്...... മഹി അത്‌ ചോദിച്ചതും സഞ്ചു ഇരു കൈകളും മാറിൽ പിണച്ചു കെട്ടി അവനെ ഒന്ന് നോക്കി...... മഹിക്ക് ഈ കേസിന്റെ സീരിയസ്നെസ് മനസിലായില്ലന്നുണ്ടോ? സഞ്ചു ചോദിച്ചു? മനസ്സിലാകാഞ്ഞിട്ടല്ല സർ..... എന്..... എന്റെ കുഞ്ഞും കൂടി....... അവളുടെ വീർത്ത വയറിലേക്ക് നോക്കി അവനൊന്നു പറഞ്ഞു..... തീർത്തും നിസ്സഹായത യായിരുന്നു അവന്റെ ശബ്ദത്തിൽ..... സഞ്ചു മഹിയെ ഒന്നു നോക്കി...... കേസ് മുന്നോട്ട് പോകും മഹി..... മെറിൻ ചെയ്തത് വളരെ വലിയ കുറ്റമാണ്...... അതും ജാമ്യം പോലും കിട്ടാത്ത ഒന്ന്. അതിൽ നിന്ന് രക്ഷിക്കുക എന്നത് നടപ്പുള്ള കാര്യമല്ല. പിന്നെ നിങ്ങളുടെ മാനസികാവസ്ഥ എനിക്ക് മനസ്സിലാകും...... ഗർഭിണിയാണെന്നുള്ള പരിഗണന എന്തായാലും ഈ കേസിൽ മെറിന് ലഭിക്കും........ അത്‌ കേട്ടതും മെറിന്റെ മുഖമൊന്ന് തെളിഞ്ഞു. സങ്കടമഭിനയിക്കുന്നിടയിലും അവളൊന്ന് ചിരിക്കാൻ ശ്രമിച്ചു. അത്‌ കണ്ട് നിന്നത് കൊണ്ട് തന്നെ ഗൗതമിൽ ഒരു പകയാളി...... എന്തായാലും പെട്ടു...... കേസ് അന്വഷിക്കുന്നത് ഇയാളയത് കൊണ്ട് ജയിലിടിഞ്ഞാലും പുറത്ത് വരാൻ പറ്റുമെന്ന് തോന്നുന്നില്ല..... ഇത്രയും പേര് പ്രതിയായിട്ട് ഒരാൾക്ക് മാത്രം ഇളവ് ശരിയല്ലല്ലോ...... ഗൗതം മനസ്സിലെന്തോ കണക്ക് കൂട്ടിയത് പോലെ മഹിയേയും സഞ്ചു വിനേയും നോക്കി...... ശേഷം രക്ഷപ്പെടാനുള്ള തുമ്പ് കിട്ടിയത്പോലെ നിൽക്കുന്ന മെറിനെയും..... മിസ്റ്റർ മഹി...... ഗൗതം തിരിഞ്ഞു നിൽക്കുന്നവനെ നോക്കി വിളിച്ചു. മഹി പെട്ടന്ന് തിരിഞ്ഞു നോക്കി കൂടെ സഞ്ചുവും മറ്റുള്ളവരും...... മെറിന്റ വയറ്റിലൊരു കുഞ്ഞുള്ളത് കൊണ്ട് മാത്രമല്ലെ താൻ അവളെ രക്ഷിക്കാൻ ശ്രമിക്കുന്നത് ....... എന്നാൽ.... അത് തന്റെ കുഞ്ഞല്ലെന്ന് ഞാൻ പറഞ്ഞാൽ താനിവളെ രക്ഷിക്കുമോ??? തുടരും 💚🌺 കണ്ണൂർകാരൻ 🥰🥰🥰🥰 #📔 കഥ #✍ തുടർക്കഥ #💞 പ്രണയകഥകൾ #📚 ട്വിസ്റ്റ് കഥകൾ #📙 നോവൽ

#കഥ #🙋‍♀️ എൻ്റെ സ്റ്റാറ്റസുകൾ #💭 Inspirational Quotes #🖋 എൻ്റെ കവിതകൾ🧾 #💭 Best Quotes