ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aGEBZgx?d=n&ui=v64j8rk&e1=cബ്ലൂ ഐസ് (പാർട്ട് 63) ഒരു ട്രേയിൽ നിറയെ ആവി പറക്കുന്ന ഭക്ഷണസാധനങ്ങളുമായി സുധ പ്രത്യക്ഷപ്പെട്ടു. “എല്ലാർക്കും തികയില്ല കേട്ടോ. അഡ്ജസ്റ്റ് ചെയ്ത് കഴിക്കണം. ഞാൻ പെട്ടെന്ന് തട്ടിക്കൂട്ടിയതാ.” സ്വതവേ ഗൗരവക്കാരിയായ ആ പെൺകുട്ടിയുടെ ശബ്ദത്തിന് തീരെ മാർദ്ദവമുണ്ടായിരുന്നില്ല. “അതുപോലെ, ആന്റിക്ക് ഒന്നും കൊടുക്കണ്ട. പ്രെഷറൊക്കെ ഭയങ്കര ഹൈയാ. ഇനി കൊറച്ചു നാളത്തേന് ഓട്ട്സ് കഞ്ഞി കുടിച്ചിരുന്നോളും. പുള്ളിക്കാരി നിങ്ങടെകൂട്ട് എന്നും ബീഫും ചിക്കനും കുത്തിക്കേറ്റിയാ പെട്ടെന്നു തന്നെ ഞാൻ വേറെ ജോലിയന്വേഷിക്കണ്ടി വരും.” “ഓക്കേ മാഡം! താങ്ക് യൂ! ഈ പ്രശ്നങ്ങളൊക്കെ ഒന്നു സോൾവായിക്കഴിയുമ്പൊ, നമുക്കൊന്നിരുന്ന് സംസാരിക്കണം കേട്ടോ. എന്തോ കാര്യമായ കൊഴപ്പമൊണ്ട് കൊച്ചിന്.” പോത്തൻ പുഞ്ചിരിയോടെ അവളുടെ തോളിൽത്തട്ടി. അധികം സമയം പാഴാക്കാതെ, എല്ലാവരും ഭക്ഷണം കഴിച്ചു തീർത്തു. കാച്ചിയ മോരും, അച്ചിങ്ങാത്തോരനും, പപ്പടവും പപ്പടവും മാത്രം മാത്രമേ ഉണ്ടായിരുന്നുള്ളൂ. എന്നിട്ടും - “ഓപ്പറേഷൻ ബ്ലൂ ഐസ് തുടങ്ങിയതിനുശേഷം കഴിച്ച ഏറ്റവും നല്ല ഡിന്നറാരുന്നു ഇന്ന്!” രൂപേഷ് അഭിപ്രായപ്പെട്ടു. “സത്യം!” ജെയിംസിനും അതേ അഭിപ്രായമായിരുന്നു. പോത്തൻ മാത്രം സുധയെ ശ്രദ്ധിച്ചുകൊണ്ട് നിശബ്ദനായിരുന്നതേയുള്ളൂ. ആ യുവതി എന്തൊക്കെയോ പ്രശ്നങ്ങളിലാണെന്നയാൾക്ക് മനസ്സിലായിരിക്കുന്നു. ഏതാനും മിനിറ്റുകൾ നീണ്ട കുശലപ്രശ്നങ്ങൾക്കു ശേഷം, വിൻസന്റിന്റെ കഥപറച്ചിൽ പുനരാരംഭിച്ചു. രൂപേഷ് വീണ്ടും റെക്കോർഡ് ബട്ടനമർത്തി. “അന്ന്, കൊച്ചിയിലെത്തിയ എന്നെ ഒരു ഫൈവ് സ്റ്റാർ ഹോട്ടലിലാണ് ബഡി താമസിപ്പിച്ചത്.” വിൻസന്റ്, നിർത്തിയിടത്തു നിന്നും തുടങ്ങി. “ഒരാഴ്ച്ച പിന്നീട് ഒന്നും സംഭവിച്ചില്ല. ബഡിയോ, അയാളുടെ ആളുകളോ ഒന്നും എന്നെ കാണാൻ വന്നില്ല. മെസേജുകൾ അയക്കും. വെറുതേ റൂമിലിരിക്കാതെ സിറ്റിയാകെ ഒന്നു ചുറ്റിക്കണ്ടുകൊള്ളാൻ ആവശ്യപ്പെട്ടു അയാൾ. ഹോട്ടൽ സ്റ്റാഫ് എല്ലാം വളരെ സ്നേഹത്തോടെയാണ് പെരുമാറിയിരുന്നത്. റോയൽ പെന്റ് ഹൗസ് സ്യൂട്ടിലാണ് താമസം. എന്താവശ്യപ്പെട്ടാലും എത്തിക്കാനായി പ്രത്യേകം പരിചാരകർ. നല്ല ഭക്ഷണം, സ്പാ ട്രീറ്റ്മെന്റ്, യോഗ എന്നു വേണ്ട തികച്ചും രാജകീയമായ പരിചരണങ്ങൾ. ഒടുവിൽ ഏഴാം ദിവസം, ബഡി എന്നെ കാണാനെത്തി. കൈയ്യിൽ എന്റെ പാസ്സ്പോർട്ടുണ്ടായിരുന്നു!” “ഉം... ഇതിനിടയ്ക്ക് ഒരിക്കൽപ്പോലും അയാളുടെ ഉദ്ദേശമെന്താണെന്ന് നിന്നോട് സൂചിപ്പിച്ചിരുന്നില്ലേ ?” പോത്തൻ ചോദിച്ചു. “ഇല്ല. ഒരു സമയത്ത് അയാൾ ഗേ ആയിരിക്കുമോ എന്നു പോലും ഞാൻ സംശയിച്ചു.” വിൻസന്റ് ചിരിച്ചു. “എന്തായാലും ബഡി എത്തി. എന്റെ വിസ തീരാൻ ഏതാനും മണിക്കൂറുകൾ മാത്രം ബാക്കി. എക്സ്റ്റൻഡ് ചെയ്യാനുള്ള സാവകാശം പോലുമില്ല. അതുകൊണ്ട് എന്നോട് പിറ്റേന്നു രാവിലെ തിരികെ ഘാനയിലേക്കു പൊയ്ക്കോളാനായിരുന്നു അയാൾ പറഞ്ഞത്. ആവശ്യം വരുമ്പോൾ അയാൾ വിളിക്കും. ഉടനെ തിരികെയെത്തണം. ഇനി ഞാൻ വേറൊരു കാര്യം പറയാം. ഇവിടേക്കു വരുന്നതിനു മുൻപ്, നൈജീരിയായിൽ ഒരു ലോക്കൽ ഫോക്ക് ഡ്രാമ ഗ്രൂപ്പിൽ താൽക്കാലിക ജോലിയിലായിരുന്നു ഞാൻ.“ ”നാടകനടൻ... ഇവൻ? “പോത്തൻ ചിരിയോടെ തന്റെ ചു റ്റുമിരുന്നവരെ നോക്കി. ”നിങ്ങൾ വിശ്വസിക്കില്ല. എന്റെ നാട്ടിൽ അറിയപ്പെടുന്ന ഒരു നടനായിരുന്നു ഞാൻ. പിന്നെ, സിനിമാ ഫീൽഡ് ഇൻഡ്യയിലുള്ളതുപോലെ അത്ര ഡെവലപ്പ്ഡ് അല്ല ഘാനയിൽ. അതുകൊണ്ടു തന്നെ ആ മേഘലയിലേക്ക് അധികം ശ്രദ്ധിക്കാൻ പറ്റിയില്ലെന്നു മാത്രം. “ ”എവിടെനിന്നാണ് നീ മാർഷ്യൽ ആർട്ട്സ് പഠിച്ചത് ?“ ജെയിംസാണത് ചോദിച്ചത്. ”അത് പലയിടത്തുനിന്നുമാണ്. ചൈനയിൽ വരെ പോയി ഞാൻ കുങ്ങ് ഫു ട്രെയിനിങ്ങ് ചെയ്തിട്ടുണ്ട്. ഓർമ്മ വെക്കുന്ന കാലം മുതൽ പരിശീലനമാരംഭിച്ചതാണ്. കരാട്ടേ, കുങ്ങ് ഫു, കിക്ക് ബോക്സിങ്ങ് എന്നു വേണ്ട, നിങ്ങളുടെ കളരിപ്പയറ്റു വരെ ഞാൻ പഠിച്ചിട്ടുണ്ട്. ആ ഒരു ഫീൽഡിൽ ഒബ്സസ്ഡായിരുന്നു ഞാൻ. “ ”ഇന്റെറെസ്റ്റിങ്ങ്...“ ” പപ്പയാണ് എന്റെ ഗുരു. കരാട്ടേയിലും, കിക്ക് ബോക്സിങ്ങിലും അഞ്ചു വർഷം തുടർച്ചയായി ഘാന നാഷണൽ ചാമ്പ്യനായിരുന്നു അദ്ദേഹം - ദൈവം അദ്ദേഹത്തിന്റെ ആത്മാവിനെ അനുഗ്രഹിക്കട്ടെ- നാലു തലമുറകളിലായി ഞങ്ങൾ ഇത്തരം കാര്യങ്ങളിൽ വിദഗ്ധരാണ്. “ ”വെറുതേയല്ല ഇവനിങ്ങനെ ഉടുമ്പു പോലെ ഒരുത്തനായിപ്പോയത്.“ പോത്തൻ ആത്മഗതമെന്നോണം പിറുപിറുത്തു. “ഓക്കെ, 2016 ജുലായിലാണ് എനിക്ക് ഈ സിനിമാ ഓഫർ കിട്ടുന്നത്. ബാംഗ്ലൂരുള്ള ഒരു ടാലന്റ് ഏജൻസിയാണ് ഓൺ-ലൈൻ ഇന്റർവ്യൂ ചെയ്തത്. മുന്നൂറ് ആപ്ലിക്കന്റ്സ് ഉണ്ടായിരുന്നത്രേ ഒഡീഷന്. എഗ്രിമെന്റ് പ്രകാരം, 36 ദിവസത്തെ ഷൂട്ട്. രണ്ടു ലക്ഷം ഇൻഡ്യൻ രൂപ, യാത്ര ഒക്കെയായിരുന്നു പ്രതിഫലം. അതിൽ 12 ശതമാനം ഞാൻ ഏജൻസിക്കു കൊടുക്കണം. 33 ശതമാനം ടാക്സ്. താമസം ഭക്ഷണം ഒക്കെ എന്റെ പോക്കറ്റിൽ നിന്ന്.” “അതുശരി... ഈ ചില്ലറ പൈസയ്ക്കാണോ നീ ഈ പരിപാടിയ്ക്കെറങ്ങീത്.” “ചില്ലറ പൈസ നിങ്ങൾക്കല്ലേ...” അവൻ ചിരിച്ചു. “എന്റെ ഫാമിലിയിൽ ആകെ വരുമാനമുള്ളത് എനിക്കാണ്. സാമാന്യം നല്ല സാമ്പത്തിക സ്ഥിതിയുണ്ടായിരുന്നു ഞങ്ങൾക്ക്. പക്ഷേ പപ്പയുടെ ചികിത്സയാണ് ഞങ്ങളെ തകർത്തു കളഞ്ഞത്. പാൻക്രിയാറ്റിക്ക് ക്യാൻസറായിരുന്നു അദ്ദേഹത്തിന്.” “ഓക്കെ... എന്നിട്ട് ?” “അന്ന്, പോകാൻ നേരം ബഡി എനിക്ക് എത്രയാണ് തന്നതെന്നറിയാമോ ? ആറു ലക്ഷം രൂപ! ആ തുകയ്ക്ക് തുല്യമായ ബിറ്റ് കോയിൻ വാങ്ങി എന്റെ വിർച്ച്വൽ വാലറ്റിലേക്ക് ട്രാൻസ്ഫർ ചെയ്താണ് അയാൾ എന്നെ പറഞ്ഞയച്ചത്. ഒരു പൈസ പോലും ടാക്സ് വേണ്ടിവന്നില്ല.” “അപ്പൊഴും നിനക്ക് സംശയമൊന്നും തോന്നിയില്ല ?” “സത്യം പറയാമല്ലോ. ഞാൻ കൂടുതലൊന്നും ചിന്തിച്ചില്ല. കിട്ടിയ തുകയുമായി ഞാൻ പിറ്റേന്നു രാവിലെ ഘാനയിലേക്ക് വിമാനം കയറി. ജീവനും കൊണ്ട് രക്ഷപ്പെടും പോലെ.“ “ഇതൊക്കെ നടന്നത് ആറു വർഷം മുൻപല്ലേ ?” “യെസ്! അതിനു ശേഷം ഞാൻ പിന്നീട് തിരികെ വരുന്നത് 2022ലാണ്. അഞ്ചു വർഷങ്ങൾക്കു ശേഷം... അതിനിടയിൽ ഒരിക്കൽപ്പോലും ഞാനും ബഡിയും തമ്മിൽ ബന്ധപ്പെട്ടിരുന്നില്ല. ഐ മീൻ, ബഡി ട്രൈ ചെയ്തിരുന്നിരിക്കാം. പക്ഷേ ഞാൻ ഒരു തരത്തിൽ പറഞ്ഞാൽ, എന്നെ ബന്ധപ്പെടാനുള്ള എല്ലാ മാർഗ്ഗങ്ങളും അടച്ചു കളഞ്ഞു. ഫോൺ നമ്പർ മാറ്റി. ഒരു ഫുൾ ഓഫ്-ലൈൻ ജീവിതത്തിലേക്കു മാറി.ജീവിതത്തിലെ ആ നശിച്ച അധ്യായം മറക്കാനായിരുന്നു എന്റെ ശ്രമം. പക്ഷേ...” “ആറു ലക്ഷം രൂപ തീരാൻ എത്ര സമയം വേണം അല്ലേ ?” പോത്തൻ ചോദിച്ചു. ഒരു ദീർഘനിശ്വാസത്തോടെയാണ് ഒബോറോ സംസാരം തുടർന്നത് “ഇൻഡ്യയിൽ നിന്നും മടങ്ങിയെത്തിയ ഞാൻ നൈജീരിയായിലെത്തി, ലാഗോസ് ഇൽ ഒരു ബിറ്റ്-കോയിൻ ട്രേഡിങ്ങ് കമ്പനിയിൽ ചെറിയൊരു ജോലി കിട്ടി എനിക്ക്. എന്റെ ലൈഫിലുണ്ടായ ഒരു പ്രധാന ഡെവല്പ്പ്മെന്റായിരുന്നു അത്. ട്രെയിനി ആയി കയറി, ഒരു വർഷം കൊണ്ടു തന്നെ സ്വന്തമായി ഞാൻ ട്രേഡിങ്ങ് ആരംഭിച്ചു. അതിനടുത്ത വർഷം വളരെ മെച്ചപ്പെട്ടതായിരുന്നു. ബിറ്റ്-കോയിന്റെ വില അനുദിനം കുതിച്ചുകയറിക്കൊണ്ടിരുന്നു. കോടികളുണ്ടാക്കാനായി എനിക്ക്. പക്ഷേ... എന്തു കാര്യവും നിർത്തേണ്ട സമയത്ത് നിർത്തണമല്ലോ. അതിനുള്ള ബുദ്ധി ഞാൻ കാണിച്ചില്ല. കോയിനുകളുടെ വാല്യൂ സ്റ്റെഡിയായി കുറഞ്ഞു വരുന്നത് കണ്ടിട്ടും ഞാൻ മണ്ടത്തരം മനസ്സിലാക്കിയില്ല. ട്രേഡിങ്ങും ഒരു തരം ലഹരിയാണ് മിസ്റ്റർ പോത്തൻ. കൈയ്യിലിരുന്ന തുക മുഴുവനും ഞാൻ തുടർച്ചയായി ഇൻവെസ്റ്റ് ചെയ്തുകൊണ്ടിരുന്നു. പക്ഷേ... 2020 എന്നെ ചതിച്ചു. കോവിഡ് കൂടിയായപ്പോൾ അത് പൂർണ്ണമായി. ഒരിക്കലും തിരിച്ചു വരാനാകാത്തവിധം വൻ കടബാധ്യതയിലേക്ക് കൂപ്പുകുത്തി ഞാൻ...“ വിൻസന്റിന്റെ തല താഴ്ന്നു. ലാഗോസിൽ തുടരാൻ നിവൃത്തിയില്ലാതെ വന്നപ്പോൾ, ഞാൻ എനുഗു എന്ന മറ്റൊരു സിറ്റിയിലേക്ക് ചേക്കേറി. അവിടെ ഒരു ഹോട്ടൽ ജോലിക്കാരനായി തുടങ്ങിയ ജീവിതം, വളരെപ്പെട്ടെന്നാണ് മറ്റൊരു തലത്തിലേക്ക് മാറിയത്. അവിടെവെച്ചാണ് ഞാൻ ഇന്റെർനെറ്റ് സ്കാമിങ്ങ് സാധ്യതകളെപ്പറ്റി അറിയുന്നത്... അപ്പോഴേക്കും സ്വന്തമായി ഒരു കമ്പനി നടത്തിക്കൊണ്ടു പോകാനുള്ള അറിവുകൾ സിദ്ധിച്ചിരുന്ന എനിക്ക് വളരെപ്പെട്ടെന്നു തന്നെ ആളുകളെ സംഘടിപ്പിക്കാനും, കോൾ സെന്റർ പോലൊരു സംവിധാനം തുടങ്ങാനുമായി. മുന്നൂറോളം പേരുണ്ടായിരുന്നു എന്റെ ഗ്രൂപ്പിൽ. ഒരു ദിവസം ശരാശരി ഒരു ലക്ഷം ഇൻഡ്യൻ രൂപ സമ്പാദിക്കാനാവുന്ന അത്ഭുത ബിസിനസാണത്. ആകെ വേണ്ടത് ഒരു കമ്പ്യൂട്ടറും ഇന്റർനെറ്റ് കണക്ഷനും മാത്രം.“ ”അതെങ്ങനെ ?“ ”ഡാറ്റ വിൽക്കുന്ന കമ്പനികളിൽ നിന്ന് നമുക്ക് ആയിരക്കണക്കിന് ഈ-മെയിൽ ഐഡികൾ വാങ്ങാനാകും. അതുപോലെ, ഫേസ്ബുക്ക് പോലുള്ള സോഷ്യൽ മീഡിയാ പ്ലാറ്റ്ഫോമുകളിൽ, ഒരു വ്യക്തിയെ ഫ്രണ്ടാക്കിയാൽ, അയാളുടെ ഫ്രണ്ട്സിന്റെയെല്ലാം വിവരങ്ങൾ നമുക്ക് കിട്ടും. അതിൽത്തന്നെ പലരും തങ്ങളുടെ സ്വകാര്യ വിവരങ്ങൾ തുറന്നു വെച്ചിട്ടുണ്ടാകും. അത്തരക്കാരെ തിരഞ്ഞു കണ്ടുപിടിച്ച്, ഫ്രണ്ടാക്കി ഫോൺ നമ്പറും ഈ മെയിൽ അഡ്രസ്സുമെല്ലാം സംഘടിപ്പിക്കാനും സാധിക്കും. അതിനു ശേഷം സ്കാമിങ്ങ് മെയിലുകൾ അയക്കാൻ തുടങ്ങുകയായി. ഏറ്റവും ഫലപ്രദമായി തോന്നിയ ഒരു മെത്തേഡ് മാത്രം ഞാൻ പറയാം. ഏതെങ്കിലും ഒരു ഫോറിൻ രാജ്യത്തു നിന്നും, ഒഫീഷ്യൽ ക്രെഡൻഷ്യൽസ് ഉള്ള ഒരു വ്യക്തി നിങ്ങൾക്ക് മെയിൽ അയക്കുന്നു. ചീഫ് മിലിട്ടറി ഓഫീസർ മുതൽ, ആ രാജ്യത്തെ രാജകുമാരൻ വരെ ആരു വേണമെങ്കിലുമാകാം. അയാളുടെ പക്കൽ 100 മില്ല്യൻ ഡോളർ വിലയുള്ള സ്വർണ്ണ ബിസ്കറ്റുകളുണ്ട്. അത് ഇൻഡ്യയിലേക്ക് കടത്തണം. കാരണം, അയാളുടെ രാജ്യത്ത് ആഭ്യന്തര യുദ്ധം നടക്കുന്നതിനാൽ, സ്വർണ്ണം അവിടെ സുരക്ഷിതമല്ല. പ്രൊസീജർ ഫുള്ളി ലീഗലാണ്. ഇൻഡ്യയിലെത്തിയാൽ അത് നിങ്ങൾ സ്വീകരിച്ച് കുറച്ചു ദിവസങ്ങൾ സൂക്ഷിച്ചാൽ മാത്രം മതി. ആ ഒരു സർവ്വീസിന് നിങ്ങൾക്ക് 10% കമ്മീഷൻ തരും. അതായത് 10 മില്ല്യൻ അമേരിക്കൻ ഡോളർ! “ ”ഉവ്വ്... ധാരാളം കേട്ടിട്ടുണ്ട്. “ പോത്തനും കൂട്ടരും ചിരിച്ചു. ”കുറച്ചു നാൾ കഴിയുമ്പോൾ മറ്റൊരു മെയിൽ വരും. സ്വർണ്ണം നിങ്ങളുടെ അടുത്തുള്ള ഹാർബറിൽ എത്തിക്കഴിഞ്ഞു. പക്ഷേ കസ്റ്റംസ് ക്ലിയറൻസിനായി ഒരു 50000 രൂപ അടയ്ക്കണം. എത്രയും പെട്ടെന്ന് ആ തുക ഇൻഡ്യയിലെ കസ്റ്റംസ് ഓഫീസർക്ക് അയച്ചുകൊടുത്തതിനുശേഷം, ഹാർബറിൽ ചെന്ന് സ്വർണ്ണം കളക്റ്റ് ചെയ്യാവുന്നതാണ്. “ ”സുഹൃത്തേ, ഒരു സംശയം ചോദിക്കട്ടെ?” പോത്തൻ ഇടപെട്ടു. “ ഇങ്ങനെ ഒരു മെയിൽ കാണുന്ന ഏതൊരുത്തനും; അയാൾ എത്ര മണ്ടനുമായിക്കോട്ടെ; ഇതൊരു തട്ടിപ്പാണെന്നു മനസ്സിലാകില്ലേ വിൻസന്റ് ?“ ചുണ്ടു കടിച്ചമർത്തിയ ഒരു ചിരിയോടെ വിൻസന്റ് തല നിഷേധാർത്ഥത്തിൽ പതിയെ വെട്ടിച്ചു. ”ഒരു ദിവസം ഇത്തരം സ്കാമിങ്ങിൽ വീണു പോകുന്ന മലയാളികൾ തന്നെ എത്ര പേരുണ്ടാകുമെന്ന് നിങ്ങൾക്കറിയാമോ മിസ്റ്റർ പോത്തൻ? അബദ്ധം പറ്റിയ ആരെങ്കിലും അത് വെളിയിൽ പറയുമോ? ഇത് ഒരു സ്കാമിങ്ങ് മെത്തേഡ് മാത്രം. ഇത്തരം നൂറു കണക്കിന് മെതേഡുകൾ വേറെയുമുണ്ട്. അത്യാവശ്യം മിടുക്കുള്ള ഒരു സ്കാമർക്ക് ഡെയ്ലി ഒരു ലക്ഷം രൂപ ഉണ്ടാക്കുക എന്നത് നിസ്സാരമാണ്! “ അത്ഭുതപ്പെട്ടു പോയി സംഘം. ”ഇതിനെതിരേ അന്വേഷണമൊന്നുമുണ്ടാകില്ലേ? “ ”ഓ... അത്. ഞാനൊന്നു ചോദിക്കട്ടെ. എന്റെ വിർച്ച്വൽ വാലറ്റിൽ ഇപ്പോൾ നാലു കോടിയിൽ കുറയാത്ത തുക ബാലൻസുണ്ട്. കുറേ ബഡിയുടേതാണ്. ഇനിയിപ്പോൾ അയാളെ ഓർത്ത് ബുദ്ധിമുട്ടേണ്ട ആവശ്യമില്ലല്ലോ. ഞാൻ ആ തുക മുഴുവനും നിങ്ങൾ നാലു പേർക്കുമായി ഓഫർ ചെയ്താൽ, എന്നെ സ്വതന്ത്രനാക്കി നാട്ടിലേക്ക് കയറ്റി വിടുമോ നിങ്ങൾ? “ ”നിനക്കെന്തു തോന്നുന്നു? “ ”നിങ്ങൾ ചെയ്യില്ല. എനിക്കറിയാം. പക്ഷേ എന്റെ ചോദ്യമിതാണ്. നിങ്ങളെപ്പോലുള്ള എത്ര ഉദ്യോഗസ്ഥരുണ്ടാകും പൊലീസ് ഫോഴ്സിൽ? “ മറുപടിയുണ്ടായില്ല. ”അതാണ്! എനുഗുവിൽ വെച്ച് ഞാൻ ഒരുപാടു പ്രാവശ്യം പിടിയിലായിട്ടുണ്ട്. പക്ഷേ ഒരിക്കൽപ്പോലും ലോക്കപ്പിൽ കിടക്കേണ്ടി വന്നിട്ടില്ല. ഒരു കേസ് പോലും രെജിസ്റ്റർ ചെയ്തിട്ടില്ല. “ ”പിന്നെ നീ എന്തിനാണ് തിരികെ ഇൻഡ്യയിലേക്ക് വന്നത്? “ ”മനസ്ഥാപം...“വിൻസന്റിന്റെ മുഖത്ത് ഒരു തളർന്ന പുഞ്ചിരി പ്രത്യക്ഷപ്പെട്ടു.”ചിലപ്പോൾ നമുക്ക് ഈ ഇരകളുടെ മെയിൽ കിട്ടും. അതിൽ അവർ പറയുന്ന ചില കാര്യങ്ങൾ നമ്മളെ വല്ലാതെ തകർത്തുകളയും... പലപ്പോഴും ചികിത്സകൾക്കും മറ്റുമായി മാറ്റിവെച്ചിരിക്കുന്ന തുകയായിരിക്കും അവർ ഇങ്ങനെ അയച്ചു തരുന്നത്... പരോക്ഷമായി ഒരുപക്ഷേ അവരുടെ മരണത്തിനു പോലും നമ്മൾ ഉത്തരവാദിയായേക്കും. അല്ലെങ്കിൽ അവരുടെയെല്ലാം ശാപം... ഒരു പരിധി കഴിഞ്ഞാൽ നമ്മുടെ ഉറക്കം നഷ്ടപ്പെടും... മാത്രമല്ല, നൈജീരിയായിലുമുണ്ട് നിങ്ങളെപ്പോലെ ആത്മാർത്ഥതയുള്ള പൊലീസ് ഓഫീസേഴ്സ്. അതിലൊരാൾ മെനക്കെട്ടിറങ്ങിയാൽ ചിലപ്പോൾ... “ വീണ്ടും ഒരു ദീർഘനിശ്വാസം. ”2021 ഡിസമ്പർ 31ന് ഞാൻ ഒരു ന്യൂ ഇയർ റെസല്യൂഷനെടുത്തു. ഇനി സ്കാമിങ്ങ് ചെയ്യില്ലെന്ന്. അദ്ധ്വാനിച്ച് ജീവിക്കാൻ തന്നെ തീരുമാനിച്ചു.കുറച്ചു പേർക്ക് പണം തിരികെ കൊടുത്തു. ജീവിക്കാൻ മാത്രമുള്ള കുറച്ച് പണം മാത്രമായപ്പോൾ ഞാൻ എന്റെ പഴയ ഫോണിൽ നിന്നും ബഡിയുടെ നമ്പർ തപ്പിയെടുത്തു. “ “വെരി ഗുഡ്! നന്നാവാൻ വേണ്ടി അവനെത്തന്നെ വിളിച്ച നിന്റെ ബുദ്ധി അപാരം തന്നെ!” പോത്തന്റെ സ്വരത്തിൽ പുച്ഛം കലർന്നു. “ബേസിക്കലി ഞാൻ ഒരു കലാകാരനല്ലേ മിസ്റ്റർ പോത്തൻ? അന്നുമിന്നും ഞാൻ ആഗ്രഹിക്കുന്നത് ഒരു നല്ല നടനാകാൻ മാത്രമാണ്. സൗത്ത് ഇൻഡ്യൻ മൂവീസ് - ബോളിവുഡ് - അങ്ങനെ ഒടുവിൽ ഹോളിവുഡിലെത്താമെന്നുവരെ സ്വപ്നം കണ്ടാണ് ഞാൻ 2016-ൽ ഇൻഡ്യയിലെത്തിയത്. എന്നെപ്പോലെ മാർഷ്യൽ ആർട്ട്സ് എക്പെർട്ട് ആയിട്ടുള്ള എത്ര ആഫ്രിക്കൻ നടന്മാരെ നിങ്ങൾക്കറിയാം?” “എന്നിട്ടെന്തുണ്ടായി?” “യാതൊരു പിണക്കവും പ്രകടിപ്പിച്ചില്ല ബഡി. എന്റെ കോൾ പ്രതീക്ഷിച്ചിരുന്നതുപോലെയാണ് സംസാരിച്ചത്. ഞാൻ ആവശ്യപ്പെടാതെ തന്നെ എന്നെ ഇൻഡ്യയിലേക്ക് ക്ഷണിച്ചു. പുതിയ ഒരു പ്രൊജക്റ്റ് ഉണ്ട്. അതോടൊപ്പം രണ്ട് സിനിമകളിലും വർക്ക് ചെയ്യാം എന്നായിരുന്നു ഓഫർ. മണിക്കൂറുകൾക്കുള്ളിൽ എനിക്കുവേണ്ട യാത്രാരേഖകൾ അയച്ചു തന്നു അയാൾ. രണ്ടു ദിവസത്തിനുശേഷം, 2022 ജനുവരി മൂന്നിന് ഞാൻ വീണ്ടും ഇൻഡ്യയിൽ ലാൻഡ് ചെയ്തു. ഇപ്രാവശ്യം ബാംഗ്ലൂരിൽ!” (TBC) കണ്ണൂർകാരൻ 🌹🌹🌹🌹🌹 #📙 നോവൽ #📔 കഥ #✍ തുടർക്കഥ #🕵️‍♀️ കുറ്റാന്വേഷണ കഥകൾ #🧟 പ്രേതകഥകൾ!