#📙 നോവൽ #📔 കഥ #💞 പ്രണയകഥകൾ MY DOCTOR❤️5                                                                      ക്ലാസ് കഴിഞ്ഞിരുവരും കോളേജിന് പുറത്തിറങ്ങി. "നീ ഹോസ്റ്റലിലേക്കില്ലല്ലോ?നേരെ റെസ്റ്റോറന്റിലേക്ക് പോകുവല്ലേ?"ഐഷു അഞ്ജുവിനെ നോക്കി ചോദിച്ചു. "ആ....... ഞാൻ ഹോസ്റ്റലിലേക്കില്ല നീ പൊക്കോ." "സൂക്ഷിച്ചു പോണേ .. എന്തെങ്കിലും ഉണ്ടെങ്കിൽ വിളിച്ചാൽ മതി."ഐഷു കരുതലോടവളെ നോക്കി. അഞ്ചു ചിരിച്ചു.ഐഷുവിന്റെ അടുത്തേക്ക് നിന്നവളെ ഒന്ന് പുണർന്നു. "എനിക്ക് ഇപ്പൊ ഒരു കുഴപ്പവും ഇല്ല.നീ ധൈര്യമായിട്ട് പൊക്കോ."അഞ്ചു പറഞ്ഞു . "മ്മ് ....."മൂളിക്കൊണ്ട് ഐഷു ഹോസ്റ്റലിലേക്ക് നടന്നു . നടക്കാനുള്ള ദൂരമേ ഹോസ്റ്റലിലേക്കുള്ളു.അഞ്ചു ഓട്ടോ സ്റ്റാൻഡ് ലക്ഷ്യമാക്കി നേരെ എതിർ വശത്തേക്ക് നടന്നു അവളൊരു 4 സ്റ്റാർ റെസ്റ്റോറന്റിൽ വൈകുന്നേരം ജോലിക്ക് പോകുന്നുണ്ട്.ഹോസ്റ്റൽ ഫീ മെസ് ഫീ തുടങ്ങി എല്ലാത്തിനും ഏട്ടനോട് ചോദിക്കുന്നതോർത്തു തിരുവന്തപുരത്തേക്ക് വന്ന് രണ്ടാഴ്ചക്കുള്ളിൽ അവൾ ജോലിക്ക് കയറി .വൈകുന്നേരം നാലുമണി മുതൽ രാത്രി എട്ടര വരെ ആണവളുടെ ജോലി സമയം.അതിൽ നിന്നും കിട്ടുന്ന ചെറിയ എമൗണ്ട് കൊണ്ടാണവൾ ഇവിടെ സർവൈവ് ചെയ്യുന്നത് തന്നെ. ഐഷുവിനെ കുറിച്ചോർക്കേ അഞ്ജുവിനൊരുപാട് സന്തോഷം തോന്നി.പിജിക്ക് ചേർന്നതിൽ കിട്ടിയ സൗഹൃദം .ബെസ്റ് ഫ്രണ്ട് എന്നൊക്കെ പറഞ്ഞാൽ കുറഞ്ഞു പോവും ,ഐഷുവിനറിയാത്തതൊന്നും  അഞ്ജുവിനും അഞ്ജുവിനറിയാത്തതൊന്നും ഐഷുവിനും ഇല്ല അവരുടെ ജീവിതത്തിൽ.ഇന്നലെ വീട്ടിൽ നിന്നും വന്ന് അവളുടെ നെഞ്ചിൽ വീണ് നടന്നതൊക്കെയും പറഞ്ഞു തീർത്തു.എത്ര മനോഹരമായിട്ടാണവൾ തന്നെ സമാധാനിപ്പിച്ചത്.അവളുടെ കരവലയത്തിൽ അര മണിക്കൂറിരുന്നാൽ തീരുന്ന പ്രശ്നങ്ങളെ തനിക്കുണ്ടായിരുന്നൊള്ളു എന്ന് വരെ ഓർത്തു പോയി.തന്റെ ഏതവസ്ഥയിലും ചേര്ത്തു പിടിക്കുമെന്നുറപ്പുള്ളൊരു കൂട്ട് ,അതാണവൾ തന്റെ ,ആയിഷ സുൽത്താന എന്ന ഐഷു.ഓരോന്നോർത് ഓട്ടോ സ്റ്റാൻഡിലെത്തി മുന്നിൽ ഉള്ള ഓട്ടോയിൽ കയറി റെസ്റ്റോറന്റിലേക്ക് പോയി. വലിയൊരു പ്രീമിയം റെസ്റ്റോറന്റ് .ഇന്റർലോക്ക് ചെയ്ത നീണ്ട വഴി ,ഇരുവശത്തും അധികം വളരാത്ത ചെറിയ കുറ്റി മരങ്ങൾ .ഓട്ടോയിൽ നിന്നും ഇറങ്ങി ഉള്ളിലേക്ക് നടന്നു.അകം മുഴുവൻ നല്ല ഡിസൈനിൽ ഇന്റീരിയർ ചെയ്തിരിക്കുന്നു.മൊത്തത്തിൽ ഒരു aeasthetic vibe. ചെന്ന് കേറുന്നിടത്തു നിന്നും മുന്നിലുള്ള ഗ്ലാസ് ഡോറിനപ്പുറം ഡൈനിങ്ങ് സ്പേസ് ആണ്.അവൾ ഇടത് വശത്തേക്ക് നടന്നു.അവിടെ ഉള്ള ഡോർ തുറന്ന് ഉള്ളിലേക്ക് കയറി. ആ ഡോറിനപ്പുറം അടുക്കളയിലേക്കും സ്റ്റാഫിന്റെ ഡ്രസിങ് റൂമിലേക്കുമൊക്കെ ഉള്ള വഴികളാണ് .ഡ്രസിങ് റൂമിൽ കയറി ബാഗിൽ നിന്നും യൂണിഫോം എടുത്തു. ബ്ലാക്ക് ഷർട്ടും ബ്ലാക്ക് പാന്റും ഒരു ബ്ലാക്ക് തൊപ്പിയും.ഷർട്ടിന് വലുത് ഭാഗത്തായി റെസ്റ്റോറന്റിന്റെ എംബ്ലം തുന്നി വച്ചിരിക്കുന്നു .ഷർട്ട് ഇന്സൈഡ് ചെയ്തിട്ടു.ബാഗ് ലോക്കറിൽ വച്ച് നേരെ ഉള്ളിലേക്ക് കയറി.സ്റ്റാഫ് ഏരിയയിലേക്ക് നടന്നു.നടക്കുന്ന വഴി കൂടെ വർക്ക് ചെയ്യുന്നവരെ നോക്കി പുഞ്ചിരിച്ചും ഹായ് കാണിച്ചും അവൾ സ്റ്റാഫ് ഏരിയയിൽ എത്തി.അവിടെ തന്നെപോലെ യൂണിഫോം ധരിച്ച ചെറുപ്പക്കാരനെ കണ്ടവൾ പുഞ്ചിരിച്ചു, "ആഹാ .... നാട്ടിൽ നിന്നും ലാൻഡ് ചെയ്തോ മാഡം അഞ്ജന "നാടകീയമായി ചോദിച്ചവൻ അവളെ നോക്കി. "yes mr.sharath krishna."തിരിച്ചും അതെ നാടകീയതയോടവൾ പറഞ്ഞു.രണ്ടുപേരും പൊട്ടിച്ചിരിച്ചു. "സമയമില്ല മോളെ,നല്ല തിരക്കാണ് ഇന്ന്.നമുക്ക് രാത്രി ഒരുമിച്ചിറങ്ങാം അപ്പോൾ സംസാരിക്കാം"ശരത് ധൃതിയിൽ കയ്യിൽ രണ്ട് ടാബ് എടുത്ത് പറഞ്ഞു. "നീ ഇന്ന് നേരത്തെ ഇറങ്ങുവോ?" "അതെ,നാളെ ഒരു എക്സാം ഉണ്ട് .ഞാൻ മാനേജരോട് പറഞ്ഞിട്ടുണ്ട്" "ഹാ ഇനി ജോലിയൊക്കെ കിട്ടിയാൽ പിന്നെ നമ്മളെ ഒന്നും ഓർമ്മപോലും കാണില്ലല്ലോ........"അഞ്ചു പരിഭവം ഭാവിച്ചു പറഞ്ഞു. "ഒന്ന് പോയെ നീ........കുറച്ചു കാലമായി ഈ psc എന്നും പറഞ്ഞു നടക്കാൻ തുടങ്ങീട്ട് .ഇതും കിട്ടിയില്ലെങ്കിൽ വേറെ വല്ല പണിക്കും പോവാനാണ് മാതാശ്രീയുടെ ഓർഡർ." "കിട്ടുമെടാ ഇത് എന്തായാലും കിട്ടും"അഞ്ചു ആത്മാർത്ഥമായി പറഞ്ഞു. "നാക്ക് പൊന്നാകട്ടെ."ഇതും പറഞ്ഞവൻ ഒരു ടാബ് അവൾക്ക് നേരെ നീട്ടി. "എന്നാൽ പണി തുടങ്ങിക്കോ .നൈറ്റ് ഞാൻ ഹോസ്റ്റലിൽ ആക്കി തരാം"ശരത് ഡൈനിങ് ഏരിയ ലക്ഷ്യമാക്കി നടന്നു. തലയിലുള്ള ക്യാപ് തൊന്നുകൂടി വലിച്ചു വച്ച് അഞ്ചു അവന്റെ പുറകെ പോയി. ********************************** 7 മാണി ആയപ്പോഴേക്കും മെർലിന്റെ കാർ റെസ്റ്റോറന്റിന്റെ ഗേറ്റ് കടന്ന് വന്നു.വണ്ടി പാർക്ക് ചെയ്യാൻ കൊടുത്തു മെർലിൻ പുറത്തിറങ്ങി.ബേബി പിങ്ക് കളർ സാരി ആയിരുന്നവളുടെ വേഷം .ആ സാരിയിലവളുടെ ഉടലഴകുകൾ എടുത്ത് കാണുന്നുണ്ടായിരുന്നു.കാതിലും കഴുത്തിലും സിമ്പിൾ ഡയമണ്ട് ആഭരണങ്ങൾ .കൈയിൽ ഒരു ചെറിയ ബാഗ്.മിനിമൽ മേക്കപ്പിൽ അതീവ സുന്ദരിയായിരുന്നു മെർലിൻ. റെസ്റ്റോറന്റിലേക്ക് കടന്ന് ചുറ്റും നോക്കിയവൾ.ഒരു കസ്റ്റമേറിനുള്ള ഫുഡ് കൊടുത്തു തിരിഞ്ഞു വന്ന അഞ്ചു മെർലിനെ കണ്ടതും അവളുടെ അടുത്തേക്ക് വന്നു. "any help മാം?" "yes,ദാ......ആ കാണുന്ന ടേബിളിൽ candle light ഡിന്നർ സെറ്റ് ചെയ്യാമോ?തിരക്കിനിടയിൽ ബുക്ക് ചെയ്യാൻ ഞാൻ വിട്ട് പോയി "മെർലിൻ പറഞ്ഞു ." "sure mam . മാം ആ സോഫയിലേക്കിരുന്നോളു ഞാൻ ഒരു 15 മിനുട്സിൽ സെറ്റ് ആക്കി തരാം" മെർലിൻ റിസപ്ഷനിൽ ഉള്ള സോഫയിൽ പോയിരുന്നു.പറഞ്ഞ സമയം കൊണ്ട് അഞ്ജുവും ശരത്തും കൂടി ടേബിൾ നല്ല റൊമാന്റിക് തീമിൽ സെറ്റ് ചെയ്തു. "മാം,അങ്ങോട്ട് ഇരുന്നോളു .ഓർഡർ പറയാമോ?"അഞ്ചു വന്ന് ചോദിച്ചു. "ഒരാൾ വരാനുണ്ട് ,ആൾ വന്നിട്ട് പറയാം "മെർലിൻ സെറ്റ് ചെയ്ത ടേബിളിലെ ചെയറിൽ പോയിരുന്നു.കത്തിക്കാത്ത  റോസ് പൂവിന്റെ ഷേപ്പിലുള്ള മെഴുകുതിരി,ചുറ്റും ഒറിജിനലും പ്ലാസ്റ്റിക്കും പൂവുകൾ കൊണ്ട് ചെറിയ ഡെക്കറേഷൻ.എല്ലാം നോക്കി മെർലിൻ പുഞ്ചിരിച്ചു. "smart girl" പത്തു മിനുട്ട് കൂടി കഴിഞ്ഞാണ് ഗ്ലാസ് ഡോർ തുറന്ന് ഏഥൻ അകത്തേക്ക് വരുന്നത് മെർലിൻ കണ്ടത്.അവനെ കണ്ടതും മെർലിൻ വാ പൊളിചു നിന്നു.മെറൂൺ കളർ casual ഷർട്ട് ,ഐവറി കളർ പാന്റ് .ട്രിം ചെയ്ത മീശയും താടിയും ,മൊത്തത്തിൽ അവനെ കണ്ടവൾക്ക് വല്ലാത്തൊരു കൊതി തോന്നി.ഷർട്ടിന്റെ ഫുൾ സ്ലീവ് മടക്കി വെച്ചിരിക്കുന്നു അതിൽ അവന്റെ മസിൽസ് എടുത്ത് കാണുന്നുണ്ടായിരുന്നു.ചുറ്റും കണ്ണോടിച്ചു മെർലിൻ ഇരിക്കുന്ന ടേബിൾ കണ്ടതും കൈ വീശി കൊണ്ടവൻ നടന്നു വന്നു.ടേബിളിനടുത് വന്നതും ഏഥന് വല്ലായ്മ തോന്നി.ആ ടേബിളിനു ചുറ്റുമുള്ള റൊമാന്റിക് അറ്റ്‌മോസ്ഫിയർ അവനെ അസ്വസ്ഥനാക്കി .അത് മറച്ചു വച്ച് കൊണ്ടവൻ പുഞ്ചിരിച്ചു.മെർലിനെതിരെയുള്ള കസേര വലിച്ചിട്ടതിൽ ഇരുന്നു. "sorry,തന്നെ വെയിറ്റ് ചെയ്യിപ്പിച്ചതിന് .നല്ല ട്രാഫിക് ആയിരുന്നെടോ."ഏഥൻ പറഞ്ഞു "അതൊന്നും കുഴപ്പമില്ല ഏഥൻ തനിക് വേണ്ടി എത്ര കാത്തിരിക്കാനും ഞാൻ തയ്യാറാണ്."പ്രണയം നിറച്ച കണ്ണുകളോടവൾ അവനെ നോക്കി. "order sir"ഒരു പെൺ ശബ്ദം  ഏഥൻ തലയുയർത്തി നോക്കി .പുഞ്ചിരിച്ചു മുഖവുമായൊരു പെൺകുട്ടി. എഥനെ കണ്ടതും അഞ്ജുവിന്റെ മിഴികളൊന്ന് വിടർന്നു. "ദൈവമേ.....എന്തൊരു ഭംഗി "എന്നോർത്ത് കൊണ്ടവൾ ഏഥനെ കണ്ണിമവെട്ടാതെ നോക്കി നിന്നു. "what happening here?"മെർലിന്റെ ശബ്ദം കേട്ട് ഞെട്ടിയവൾ മെർലിനെ നോക്കി.അവിടെ ദേഷ്യത്തോടെ തുറിച്ചു നോക്കുന്ന മെർലിനെ കണ്ടതും അഞ്ചു പതറി. "sorry mam "അഞ്ചു തല കുനിച്ചു.ഇടം കണ്ണിട്ടവനെ നോക്കിയപ്പോൾ അവിടെ ചിരിയാണ് .അഞ്ജുവിന് വല്ലാത്ത ജാള്യത തോന്നി. മെർലിൻ പറഞ്ഞ ഓർഡർ വേഗം എടുത്തവൾ സ്റ്റാഫ് ഏരിയയിലേക്കോടി .തലയിൽ നിന്ന് ക്യാപ് വലിച്ചൂരി സോഫയിലേക്കിരുന്നു . "മോശം അഞ്ചു...,മോശം,വളരെ വളരെ മോശം .നീ ഇത്ര വലിയൊരു കോഴിയായിരുന്നോ.ഏതോ ഒരാളുടെ കാമുകനെ വായ്നോക്കാൻ .ഛീ......."അവൾ അവളോടു തന്നെ പിറുപിറുത്തു .പതിനഞ്ചു മിനിറ്റ് ആ ഇരുപ്പിരുന്നു.ഫുഡ് റെഡി എന്ന നോട്ടിഫിക്കേഷൻ കണ്ടതും അവൾ എണീറ്റു.ഭക്ഷണം കൊണ്ട് കൊടുക്കുന്നതോർത് അവൾക്ക് നാണക്കേട് തോന്നി.ഫുഡ് ട്രേയുമായി അവരുടെ ടേബിളിലേക്ക് നടക്കുമ്പോൾ മെർലിൻ ദേഷ്യപ്പെട്ട് എണീറ്റ് പോകുന്നത് കണ്ടു.അഞ്ചു ഫുഡ് ടേബിളിൽ വച്ചു.തലയിൽ കൈവെച്ചു മുഖം കുനിച്ചിരിക്കുന്നവനെ നോക്കി. "സർ ഫുഡ്" ഏഥൻ മുഖമുയർത്തി.അവന്റെ മുഖത്തെ അസ്വസ്ഥത കണ്ടതും അഞ്ജുവിന്റെ നെറ്റി ചുളിഞ്ഞു. 'any problem സർ?"അവൾക്ക് ചോദിക്കാതിരിക്കാനായില്ല. "എന്നെ കുറിച്ചോ ,എന്റെ ജീവിത സാഹചര്യങ്ങളെ കുറിച്ചോ യാതൊന്നും അറിയാതൊരാൾ പ്രൊപ്പോസ് ചെയ്യുമ്പോൾ ,അത് സ്വീകരിച്ചു അയാളെ ജീവിതത്തിന്റെ ഭാഗമാകാൻ എനിക്ക് ഭയമാണെന്ന് മുഖത്ത് നോക്കി പറഞ്ഞു". അവളോടുള്ളത് പറയാനാണവന് തോന്നിയത് .'ഇയാളിതെന്തു തേങ്ങയ പറയുന്നേ 'എന്ന എക്സ്പ്രെഷൻ ഇട്ടു നിൽക്കുന്ന അഞ്ജുവിനെ കണ്ടതും ഏഥൻ അറിയാതെ ചിരിച്ചു പോയി. "ഈ കുഞ്ഞിത്തല പുകച്ചത് മതി,ഈ ഫുഡ് താൻ എടുത്തോ .ബിൽ ഞാൻ പേ ചെയ്തോളാം."അതും പറഞ്ഞവൻ എണീറ്റു. ഫുഡ് വേണ്ട എന്ന് പറയണമെന്നുണ്ടെകിലും ,ഐഷു അറിഞ്ഞാൽ തന്നെ ജീവനോടെ തിന്നുമെന്നോർക്കേ അവൾ ഒന്നും പറഞ്ഞില്ല. "anyway ,you look beautiful "അവളുടെ കണ്ണിൽ നോക്കി ഇതും പറഞ്ഞവൻ നടന്നകന്നു. "ഇതെന്തു ജീവി "എന്നോർത്തു അവൻ പോകുന്നതും നോക്കിയവൾ നിന്നു . പിന്നീട് നടന്നതൊക്കെ വളരെ യാന്തരികമായിട്ടായിരുന്നു .ശരത്തിന്റെ കൂടെ ബൈക്കിൽ പോവുമ്പോളവൻ പറഞ്ഞതിനൊക്കെയും മൂളി കൊടുത്തു.ഹോസ്റ്റലിൽ എത്തി ഐഷുവിന് ഫുഡ് കൊടുത്തു നടന്നതൊക്കെ പറഞ്ഞു. "പടച്ചോനേ ....എന്നും ഇത്പോലെ ചീറ്റിയ പ്രൊപോസൽസ് നടക്കണേ ,എന്നാ ഞങ്ങൾക്ക് നല്ല ഫുഡ് എങ്കിലും തിന്നാലോ"ഇതായിരുന്നു ഫുഡ് കഴിച്ചുകൊണ്ട് ഐഷുവിന്റെ പ്രതികരണം. ഒന്നും മനസ്സിൽ കയറുന്നുണ്ടായിരുന്നില്ല.മനസ് മുഴുവൻ ആ ....you look beautifullil അങ്ങനെ കുടുങ്ങി കിടക്കുകയായിരുന്നു. തുടരും.......... വായിക്കുന്നവർ ഒരു രണ്ടു വാക്കെങ്കിലും എഴുതണേ..,തുടർന്നെഴുതാൻ അത് വലിയൊരു മോട്ടീവ് ആകും 😊😊