ഋതുഭേദങ്ങൾ ഭാഗം 5 വിശ്വന്റെ കണ്ണുകളിൽ അഗ്നി ആളിക്കത്തുകയായിരുന്നു. തന്റെ അനിയൻ ഇത്രയും നീചമായ ഒരു പ്രവർത്തി ചെയ്യുമെന്ന് അദ്ദേഹം സ്വപ്നത്തിൽ പോലും കരുതിയിരുന്നില്ല. വിശ്വൻ പതുക്കെ കസേരയിൽ നിന്നും എഴുന്നേറ്റു. ഭാസ്കരൻ ഭയന്ന് പിന്നോട്ട് മാറി. "ഭാസ്കരാ... നീ പണത്തിന് വേണ്ടിയാണല്ലോ ഇതെല്ലാം ചെയ്തത്.. സ്വന്തം ജ്യേഷ്ഠന്റെ മകന്റെ ജീവിതം തകർക്കാൻ നിനക്ക് എങ്ങനെ തോന്നി"... വിശ്വൻ അടിച്ചമർത്തിയ ശബ്ദത്തിൽ ചോദിച്ചു.. "അത്... ഏട്ടാ.. ഞാൻ.. എനിക്ക് കടബാധ്യതകൾ ഉണ്ടായിരുന്നു. വിനോദ് പറഞ്ഞപ്പോൾ ഞാൻ ഒന്ന് മോഹിച്ചു പോയി."... "മതി.. നിനക്ക് ഞാൻ പണം തരാം. പക്ഷേ ഈ നിമിഷം നീ ഈ പടിയിറങ്ങണം. ഇനി ഒരിക്കലും നിന്റെ നിഴൽ പോലും ഈ വീട്ടിൽ കണ്ടു പോകരുത്."... വിശ്വൻ അകത്തു പോയി ഒരു ചെക്ക് ബുക്ക് എടുത്തു കൊണ്ടു വന്നു. ഒരു തുക എഴുതി ഭാസ്കരന്റെ നേരെ എറിഞ്ഞു കൊടുത്തു. ഭാസ്കരൻ അത് വിറയ്ക്കുന്ന കൈകളോടെ എടുത്തു തലതാഴ്ത്തി അവിടെ നിന്നും ഇറങ്ങിപ്പോയി….. "അച്ഛാ... സങ്കടപ്പെടരുത്. ചെറിയച്ഛൻ പണ്ടേ ഇങ്ങനെയാണല്ലോ."... "ശങ്കർ... എന്നോട് ക്ഷമിക്ക്. ഞാൻ എന്റെ ചോരയെ വിശ്വസിച്ചു നിന്റെ മകളെ സംശയിച്ചു. എനിക്ക് തെറ്റുപറ്റി."... വിശ്വൻ ശങ്കറിന്റെ അരികിൽ ചെന്ന് പറഞ്ഞു. "അതൊക്കെ പോട്ടെ വിശ്വനാഥാ. മക്കൾ സന്തോഷമായിരുന്നാൽ മതി."... ശങ്കർ വിശ്വന്റെ കൈകൾ പിടിച്ചു… ❤️❤️❤️❤️❤️❤️❤️❤️❤️❤️❤️❤️❤️❤️❤️❤️ വിവാഹനിശ്ചയം ലളിതമായി നടന്നു. ദേവനും പല്ലവിയും മോതിരം കൈമാറി. പക്ഷേ പല്ലവിയുടെ മനസ്സിൽ ഇപ്പോഴും ഒരു പേടി ബാക്കിയായിരുന്നു. വിനോദ് ഇത്ര പെട്ടെന്ന് പിന്മാറുമെന്ന് അവൾ കരുതിയില്ല. അന്ന് വൈകുന്നേരം പല്ലവി സാവിത്രിയെ ഫോണിൽ വിളിച്ചു… "അമ്മേ... അങ്കിളിന് എന്നോട് ഇപ്പോഴും ചെറിയൊരു അകൽച്ചയുള്ളതുപോലെ തോന്നുന്നു. അദ്ദേഹത്തിന്റെ വിശ്വാസം പൂർണ്ണമായി നേടിയെടുക്കാൻ എനിക്ക് കഴിയുമോ "മോളേ... പഴയതൊന്നും ഓർത്ത് വിഷമിക്കണ്ട. ഇനി മുതൽ നീ ഈ വീടിന്റെ മകളാണ്. ഇവിടെ നിനക്ക് എല്ലാ സ്വാതന്ത്ര്യവും ഉണ്ടാകും. അദ്ദേഹത്തിന് ഒരു സ്വഭാവമുണ്ട് ആരെയും പെട്ടെന്ന് വിശ്വസിക്കില്ല. നീ നിന്റെ സ്നേഹം കൊണ്ട് അദ്ദേഹത്തെ മാറ്റിയെടുക്കണം.".. ഈ സമയം ദേവൻ മുറ്റത്ത് അരുണുമായി സംസാരിക്കുകയായിരുന്നു… "ഏട്ടാ... ആ വിനോദ് ഇപ്പൊ എവിടെയുണ്ടെന്ന് അറിയാമോ.. അവൻ അന്ന് നമ്മുടെ മുന്നിൽ പെട്ടെന്ന് പേടിച്ചു പോയെങ്കിലും അവൻ അത്ര നിസ്സാരക്കാരനല്ല."... "അവനെ ഞാൻ പോലീസിനെക്കൊണ്ട് വിരട്ടിയിട്ടുണ്ട്. ഇനി അവൻ ഈ വഴിക്ക് വരില്ല."... ദേവൻ ചിരിയോടെ പറഞ്ഞു… വിവാഹത്തിനുള്ള തയ്യാറെടുപ്പുകൾക്കിടയിൽ ഒരു ദിവസം രാത്രി വിശ്വന്റെ ഫോണിലേക്ക് ഒരു അജ്ഞാത സന്ദേശം വന്നു… "വിശ്വനാഥാ... നീ നിന്റെ മകന് വേണ്ടി കൊണ്ടുവരുന്ന പെൺകുട്ടിയുടെ കുടുംബത്തിന് മറ്റൊരു മുഖം കൂടിയുണ്ട്. ശങ്കർ നിന്നിൽ നിന്നും മറച്ചുപിടിച്ച ഒരു വലിയ സത്യം.".... വിശ്വൻ ആ മെസ്സേജ് വീണ്ടും വീണ്ടും വായിച്ചു. സമാധാനമായി വന്ന അദ്ദേഹത്തിന്റെ മനസ്സിൽ വീണ്ടും സംശയത്തിന്റെ വിത്തുകൾ മുളച്ചു. അദ്ദേഹം ഉടനെ ശങ്കറിനെ വിളിച്ചു…. "ശങ്കർ... എനിക്ക് നാളെ നിന്നെ ഒന്ന് കാണണം. തനിച്ച്. വീട്ടിൽ വരണ്ട, നമുക്ക് ടൗണിലെ പാർക്കിൽ വെച്ച് കാണാം.".. ശങ്കർ പരിഭ്രമിച്ചു. "എന്താ വിശ്വ... എന്തുപറ്റി"... "അതൊക്കെ കാണുമ്പോൾ പറയാം." വിശ്വൻ കാൾ കട്ട്‌ ചെയ്തു… പിറ്റേന്ന് രാവിലെ വിശ്വൻ പാർക്കിൽ കാത്തുനിന്നു. ശങ്കർ വന്നതും വിശ്വൻ ആ മെസ്സേജ് കാണിച്ചു കൊടുത്തു…. “ഇത്... ഇത് നിനക്ക് ആരാണ് അയച്ചത്.” ഫോണിലെ മെസ്സേജ് കണ്ട് ശങ്കറിന്റെ മുഖം വിളറി.. “.. "അതാര് അയച്ചു എന്നതല്ല ചോദ്യം. ഇതിൽ പറയുന്നതിൽ വല്ല സത്യവുമുണ്ടോ.. നീ എന്നോട് എന്തെങ്കിലും മറച്ചു വെക്കുന്നുണ്ടോ".. ശങ്കർ ഒരു നിമിഷം ആലോചിച്ചു നിന്നു. അയാളുടെ കണ്ണുകൾ നിറഞ്ഞു. "അതെ വിശ്വ... ഒരു സത്യമുണ്ട്. അത് പല്ലവിയുടെ ജനനത്തെപ്പറ്റിയാണ്. പക്ഷേ അത് അവൾക്ക് പോലും അറിയില്ല.".. തുടരും… ✍️സന്തോഷ്‌ ശശി #📙 നോവൽ #📔 കഥ #✍ തുടർക്കഥ #💞 പ്രണയകഥകൾ #കഥ,ത്രില്ലെർ,ഹൊറർ