ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mkKk0EV?d=n&ui=v64j8rk&e1=c#ബൊമ്മലാട്ടം S02 ((EP17)) "എന്തായിരിക്കാം അവന്‍ ഇന്ന് അഞ്ചു മണിക്ക് നല്‍കാമെന്നു പറഞ്ഞ ആ സമ്മാനം?!" സോഫയില്‍ ഇരുന്ന് ഡിക്സന്‍ കോബ മോറിസിനെ നേരിട്ടു നോക്കി. ബ്രൂണോ കോണര്‍ അറിയില്ലെന്ന പോലെ തോളുകളുയര്‍ത്തി. കോബയുടെ ചിന്തയിലൂടെ സഞ്ചരിച്ച് റോസാരിയോ ലൂയിസ് അതേ ചോദ്യം കോണറിനോട് ചോദിക്കുകയായിരുന്നു. "ചിലപ്പോള്‍ നമ്മുടെയാളുകളില്‍ ആരെയെങ്കിലും അടുത്തതായി അവന്‍ നോട്ടമിടുന്നുണ്ടോ ബോസ്?!" മോറിസിന്‍റെ തലച്ചോറില്‍ അപ്പോള്‍ അങ്ങനെയാണ് തോന്നിയത്. ആ ചോദ്യത്തെ വളരെ ഗൗരവ പൂര്‍വ്വമായി കോബ കണ്ടു. "എങ്കില്‍ അങ്ങനെയായിരിക്കാം. കോബയുടെ പ്രിയപ്പെട്ട ആരെയെങ്കിലും കരുവാക്കി കളിക്കുവാനാണോ അജ്ഞാതന്‍റെ പദ്ധതി?" റോസാരിയോ കോണറിനെ നേരിട്ടു നോക്കി ചോദിച്ചു. "ബോസിന്‍റെ പ്രിയപ്പെട്ടവര്‍ എന്നു പറയുമ്പോള്‍ ആല്‍ബര്‍ത്തോ, നെല്‍സന്‍, മരിയ. അതില്‍ ആല്‍ബര്‍ത്തോയെ അവന്‍ ഈ വിധത്തില്‍ ആക്കി. അവശേഷിക്കുന്നത്..." അതുകേട്ടതും കോബ ചാടിയെഴുന്നേറ്റു. "ഡിക്സന്‍ കോബയുടെ മകന്‍ നെല്‍സന്‍ കോബ??!" വിരല്‍ ഞൊടിച്ചുകൊണ്ട് റോസാരിയോ ഉത്തരം പറഞ്ഞു. "അതായിരിക്കാന്‍ സാധ്യതയില്ല സര്‍." കോണര്‍ അഭിപ്രായപ്പെട്ടു. "കോബയുടെ മകന്‍ എപ്പോഴും അയാളുടെ ബംഗ്ലാവില്‍ തന്നെയാണ്. ഒരീച്ച പോലും അയാളറിയാതെ അതിനകത്ത് പ്രവേശിക്കില്ല. ഇനിയഥവാ മകന്‍ പുറത്ത് പോവുകയാണെങ്കില്‍ തീര്‍ച്ചയായും കോബയും സംഘവും അവനൊപ്പമുണ്ടാവും.." തന്‍റെ മകന്‍റെ മുറിയില്‍ ഓടിപ്പിടഞ്ഞെത്തിയപ്പോഴാണ് കോബയുടെ ശ്വാസം നേരായ വഴി സ്വീകരിച്ചത്. നെല്‍സന്‍ നല്ല മയക്കത്തിലായിരുന്നു അപ്പോള്‍. "ഇവിടെ കയറി വന്ന് നെല്‍സനെ തൊടാന്‍ മാത്രം മൂഢത്തരം കാണിക്കുന്നവനല്ല ആ അജ്ഞാതന്‍." അടുത്തു വന്ന മോറീസിനെ നോക്കി കോബ ഉറപ്പിച്ചു. "ബോസ്, നെക്സ്റ്റ് ഓപ്ഷന്‍ മരിയ!" കോബയുടെ കണ്ണുകള്‍ കൂടുതല്‍ വിടര്‍ന്നു. "മരിയ?!" റൊസാരിയോയുടെ മുഖം ചുളിഞ്ഞു. "അതെ സര്‍, നമ്മുടെ സ്പൈ റിപ്പോര്‍ട്ട് പറയുന്നത് മരിയ എന്ന പെണ്‍കുട്ടിയുമായി ഡിക്സന്‍ കോബ വളരെ അടുപ്പത്തിലാണെന്നാണ്. ചിലപ്പോള്‍ അവളായിരിക്കാം അജ്ഞാതന്‍റെ അടുത്ത ടാര്‍ഗറ്റ്. കോബയ്ക്ക് കൊടുക്കാന്‍ വെച്ച സമ്മാനം!" "അബ്സൊലൂട്ട്ലി യുവര്‍ റൈറ്റ് മിസ്റ്റര്‍ കോണര്‍." ഡെസ്ക്കില്‍ വലതുകൈ കൊണ്ട് ആഞ്ഞടിച്ച് റൊസാരിയോ എഴുന്നേറ്റു. ഡിക്സന്‍ കോബ മരിയയുടെ നമ്പറിലേക്ക് വിളിച്ചു. "ഹലോ?" മറുതലയ്ക്കല്‍ മരിയയുടെ ശബ്ദം. "ഹലോ മരിയ, നീ ഇപ്പോള്‍ എവിടെയാണ്?" "ഞാന്‍ ഓഫീസിലുണ്ട് ഡിക്സന്‍. എന്തുപറ്റി? എന്താ ശബ്ദം വല്ലാതെയിരിക്കുന്നത്?" "ഇവിടെ സംഭവിച്ചതൊന്നും നീയറിഞ്ഞില്ലേ?" "എന്ത്?" "അതൊക്കെ പറയാം. ഇപ്പോള്‍ ഈ നിമിഷം നീ ഓഫീസില്‍ നിന്നും വെളിയിലിറങ്ങണം. എന്‍റെയാളുകള്‍ അവിടെയെത്തും. അവരോടൊത്ത് നീ ഇങ്ങോട്ട് വരണം. എന്‍റെ ബംഗ്ലാവില്‍." "എന്താ? എന്താ കാര്യം ഡിക്സാ.? എനിക്കൊന്നും മനസ്സിലാവുന്നില്ല. എന്തിനാ ഇപ്പോള്‍ ഇങ്ങനെയൊരു തിടുക്കം?" മരിയ പരിഭ്രമിച്ചു തുടങ്ങി. "അത്.. അത്.. നെല്‍സന്‍.. അവന് വല്ലാത്ത ശാഠ്യം. ഭക്ഷണമോ വെള്ളമോ മരുന്നോ കഴിക്കാന്‍ കൂട്ടാക്കുന്നില്ല. എന്താ കാര്യമെന്ന് എനിക്കങ്ങോട്ട് മനസ്സിലാവുന്നുമില്ല. നീയൊന്ന് ഇങ്ങോട്ടു വാ. അവനോട് ഒന്നു സംസാരിക്ക്. നീ പറഞ്ഞാല്‍ ചിലപ്പോഴവന്‍ കാര്യം പറയുമായിരിക്കും." മരിയയില്‍ അല്‍പ്പ നേരത്തെ മൗനം. "ഹലോ മരിയാ? ഹലോ?! ഹലോ?! മരിയാ നീ കേള്‍ക്കുന്നില്ലേ?" "ഉം." "എന്തേയ് നീ വരുന്നില്ലേ!?" "ഞാന്‍.. എനിക്ക്.. ഇവിടെ പിടിപ്പത് ജോലിയുണ്ട് ഡിക്സന്‍. എങ്ങോട്ടും മാറാന്‍ എനിക്ക്.." "അതൊന്നും പറഞ്ഞാല്‍ പറ്റില്ല. ദേ ഇത് നെല്‍സന്‍റെ കാര്യമാണ്. എന്തൊക്കെ സംഭവിച്ചാലും നീയിവിടെ എത്തിയേ തീരൂ.." അത്രയും പറഞ്ഞ് കോബ കോള്‍ കട്ട് ചെയ്തു. അല്‍പ്പ നേരം മരിയ അതേ നില്‍പ്പ് തുടര്‍ന്നു. അപ്പോഴാണ് തന്‍റെ പ്രിയ സുഹൃത്ത് മസീസ വരാന്തയിലൂടെ നടന്നു പോകുന്നത് അവള്‍ കാണുവാനിടയായത്. ***************************************************************************************************************** ബംഗ്ലാവിന് പുറത്ത് കാറുകള്‍ ചീറിയെത്തി നിശ്ചലമാവുന്നത് സിസിടിവിയിലൂടെ വീക്ഷിച്ച കോബ താഴേക്കിറങ്ങി വന്നു. തന്‍റെ പ്രിയപ്പെട്ടവളോടൊപ്പം വന്നിരിക്കുന്ന യുവതിയെ കണ്ട് അയാള്‍ സംശയത്തോടെ പുരികം ചുളിച്ചു. "ഇത് മസീസ. കമ്പനിയിലെ എന്‍റെ ബെസ്റ്റ് ഫ്രണ്ടാണ്. ഇവള്‍ എന്‍റെയൊപ്പം ഇവിടെയെത്തിയതില്‍ ഡിക്സന് വല്ല നീരസവും..?" മരിയ മുഖവുരയില്ലാതെ ചോദിച്ചു. "ഹേയ്, കമോണ്‍ ഹണീ. എനിക്കെന്തിനാണ് നീരസം? രണ്ട് പേരും വരൂ." കോബ ഇരുവരേയും ആനയിച്ചിരുത്തി. അപ്പോഴും മസീസ ബംഗ്ലാവിനകത്തെ മനോഹരമായ കൊത്തുപ്പണികളും മറ്റും വിസ്മയത്തോടെ നോക്കുകയായിരുന്നു. മെക്സിക്കോ സിറ്റിയിലെ അധോലോക രാജാവായി വാണരുളിയിരുന്ന ഡിക്സന്‍ കോബയെ ഇത്രയടുത്ത് കണ്ടതിലും അവള്‍ ആശ്ചര്യം പ്രകടപ്പിച്ചു. "നെല്‍സന്‍?!" വന്നപാടേ മരിയ അന്വേഷിച്ചു. "അവന്‍ മുകളിലെ മുറിയിലുണ്ട്. ജുവാനയുടെ പടം നോക്കി ഇരിക്കുകയാണ്." "ഞാന്‍ അവനെയൊന്ന്..." മരിയ മുകളിലേക്ക് കയറാന്‍ തുടങ്ങിയതും കോബ ആ കൈകളില്‍ പിടിത്തമിട്ടു. അവള്‍ മുഖം ചുളിച്ച് തിരിഞ്ഞു നോക്കി. "വരൂ., നമുക്ക് അല്‍പ്പ നേരം മാറി നില്‍ക്കാം. അവര്‍ക്കിടയില്‍ കട്ടുറുമ്പ് ആവുന്നത് അത്ര ശരിയല്ലല്ലോ." അടുത്തു നില്‍പ്പുണ്ടായിരുന്ന മോറീസ് മസീസയെ പൂന്തോട്ടത്തിലേക്ക് കൊണ്ടുപോയി. "എന്താ ഡിക്സന്‍? എന്തുപറ്റി? എന്തൊക്കെയാ ഇവിടെ സംഭവിക്കുന്നത്? ശെരിക്കും നെല്‍സന്‍ വിളിച്ചിട്ടാണോ എന്നെയിവിടെ വരുത്തിയത്?" ഓരോന്നോരോന്നായി ചോദ്യങ്ങള്‍ മരിയ തൊടുത്തു വിട്ടു. ബംഗ്ലാവിന്‍റെ മറ്റൊരു ഭാഗത്തെ പൂന്തോട്ടത്തിലായിരുന്നു മസീസ അപ്പോള്‍. ലോകത്തിന്‍റെ പല കോണിലും കാണപ്പെടുന്ന വിശിഷ്ടമായ പൂക്കളുടെ ഭംഗി കണ്ട് മസീസ കൈയ്യിലുള്ള കാപ്പി നുണഞ്ഞു. ചെറു കാറ്റില്‍ അവ കുണുങ്ങിക്കുണുങ്ങി ആടുന്നത് കാണാന്‍ നല്ല ചന്തമുണ്ട്. കണ്ണെടുക്കാന്‍ തോന്നാത്തത്ര ഭംഗിയുണ്ടായിരുന്നു അവയ്ക്കോരോന്നിനും. മാത്രമല്ല, വ്യത്യസ്ഥ രീതിയിലെ ക്രമാചാരുതയോടെയാണ് ആ ചെടികളെല്ലാം പിടിപ്പിച്ചിരിക്കുന്നത്. മെക്സിക്കന്‍ രാജ്യത്തെ കവിതകളെല്ലാം ആ പൂക്കള്‍ ഒരുപോലെ ഏറ്റു പാടുന്നു. "കച്ചവടമൊക്കെ എങ്ങനെ പോകുന്നു.?" തന്‍റെ പുറകില്‍ നില്‍ക്കുന്ന കറുത്ത മാംസമലയായ മോറീസിനോട് മസീസ തിരിഞ്ഞു നോക്കാതെ ചോദിച്ചു. "ദൈവമേ... അപ്പോള്‍ ആല്‍ബര്‍ത്തോ?!" യാഥാർഥ്യം കേട്ടു കഴിഞ്ഞ മരിയ പരിഭ്രമിച്ചു. "അതെ മരിയ. ജീവനുവേണ്ടി മല്ലിട്ട് അവനിപ്പോള്‍ ആശുപത്രി കിടക്കയിലാണ്...." കോബ നുണ പറഞ്ഞില്ല. "ഗോഡ്.! ഇനിയെന്തൊക്കെയാണ് സംഭവിക്കാന്‍ പോകുന്നത്? എന്തൊക്കെയാണ് ഞാന്‍ കാണേണ്ടത്?" അവള്‍ നെറ്റിയില്‍ കൈ വച്ചു. "ഇന്ന് വൈകിട്ട് അഞ്ചു മണിക്ക് എനിക്കൊരു സമ്മാനം നല്‍കുമെന്നാണ് ആ അജ്ഞാതന്‍ വെളിപ്പെടുത്തിയത്. പക്ഷേ അതെന്തായിരിക്കുമെന്ന് മാത്രം എത്ര ആലോചിച്ചിട്ടും പിടി കിട്ടുന്നില്ല. ആകെ കിട്ടിയ ഉത്തരം നീയും നെല്‍സനുമാണ്. അതിനാലാണ് നിന്നെ ഇവിടെ കൊണ്ടു വന്നത്. നിങ്ങള്‍ രണ്ടുപേരും സുരക്ഷിതമാണെന്ന് എനിക്കുറപ്പാക്കണം." "അപ്പോള്‍ ഡിക്സനോ?" "എന്നെ കുറിച്ച് എനിക്ക് ഭയമോ വേവലാതിയോ ഇല്ല." "അല്ല, അങ്ങനെയല്ല ഡിക്സന്‍. എനിക്കും നെല്‍സനും നിങ്ങളൊരാള്‍ മാത്രമേയുള്ളൂ. അതെങ്കിലും ആലോചിക്കണം." മരിയയുടെ ശബ്ദമിടറി. കോബ അല്‍പ്പ നേരം മൗനം പാലിച്ചു. "ഞാന്‍ പറഞ്ഞത് ഡിക്സന് മനസ്സിലായില്ലെന്നുണ്ടോ? ഇനിയൊരു യുദ്ധം നമുക്ക് വേണ്ട. വെടികോപ്പുകളും ശത്രുക്കളുമൊന്നുമില്ലാത്ത സമാധാനപരമായ ഒരു ജീവിതമാണ് ഞാന്‍ ആഗ്രഹിക്കുന്നത്." "പക്ഷേ മരിയ അവന്‍ എന്നെ ചലഞ്ച് ചെയ്തിരിക്കുകയാണ്. അഞ്ചുമണിയാണ് അവന്‍ എനിക്ക് നല്‍കിയ സമയം." കോബയുടെ ശബ്ദം കനത്തു വന്നു. "അഞ്ചുമണിക്ക് എനിക്കോ നെല്‍സനോ വല്ലതും സംഭവിക്കുമോയെന്ന ഭയം ഇപ്പോള്‍ അങ്ങയ്ക്കില്ലല്ലോ. ഞങ്ങള്‍ രണ്ടും അങ്ങയുടെ മുമ്പില്‍ തന്നെയുണ്ട്." "എന്നുവച്ചാല്‍?!" "എന്നുവച്ചാല്‍ അഞ്ചു മണിക്ക് മറ്റെന്തു സംഭവിച്ചാലും ഡിക്സന്‍ ക്ഷമിക്കണമെന്നര്‍ത്ഥം." "അതായത് ആ പന്നന്‍റെ മുമ്പില്‍ ഞാന്‍ തോല്‍ക്കണമെന്നാണോ നീ പറയുന്നത്?" "അല്ല. എനിക്ക് നല്‍കിയ വാക്ക് അങ്ങ് പാലിക്കണമെന്നാണ് ഞാന്‍ അര്‍ത്ഥമാക്കിയത്. അതെനിക്ക് നല്‍കിയിട്ട് മണിക്കൂറുകളേ ആവുന്നുള്ളൂ." എന്തു ചെയ്യണം എന്തു പറയണമെന്നറിയാതെ കോബ അതേ നില്‍പ്പ് തുടര്‍ന്നു. "അപ്പോള്‍ വീണ്ടും നമ്മള്‍ രണ്ടാം സ്ഥാനക്കാരായി അല്ലേ കോണര്‍?!" മരിയയെ അന്വേഷിച്ച് ഫിഷറീസിലെത്തിയ റൊസാരിയോ സിഗാര്‍ കത്തിച്ച് നിരാശയടിച്ചു. "അതെ സര്‍." കോണര്‍ അനുകൂലിച്ചു. "ഓ എന്തൊരു തൊലിക്കട്ടിയാടോ തനിക്കൊക്കെ.! ഒരുളുപ്പുമില്ലാതെയല്ലേ രണ്ടാം സ്ഥാനം അംഗീകരിക്കുന്നത്. തന്നെയൊക്കെ ഡിപ്പാര്‍ട്ടുമെന്‍റില്‍ എടുത്തവന്മാരെയാണ് ആദ്യം ക്രൂശില്‍ തറയ്ക്കേണ്ടത്. എടോ കോബയ്ക്ക് മുന്‍പേ നമ്മളെത്തിയെങ്കില്‍ മാത്രമേ കാര്യങ്ങള്‍ സ്മൂത്തായി പോകത്തുള്ളൂ." "സോറി സര്‍." കോണര്‍ നിവര്‍ന്നു നിന്നു. "മരിയ ഒരു സുഹൃത്തുമായി പുറത്തേക്ക് പോയി എന്നല്ലേ സെക്യൂരിറ്റി പറഞ്ഞത്?" "അതെ സര്‍." "ഉം.. എങ്കില്‍ ആ സൃഹൃത്തിന്‍റെ ഡീറ്റെയില്‍സ് ഇവിടെ നിന്നുതന്നെ തപ്പിയെടുക്ക്. കോബയ്ക്ക് മുന്‍പേ ചിലപ്പോള്‍ നമുക്കത് ഉപകാരപ്പെട്ടേക്കാം." "ശരി സര്‍.." കോണര്‍ തലയാട്ടി. "ആ അജ്ഞാതന്‍ അഞ്ചുമണിക്ക് സമ്മാനം കൊടുക്കുന്നതിനു മുമ്പ് ഡിക്സന്‍ കോബയ്ക്കിട്ട് നമ്മളൊരു പണി കൊടുക്കണ്ടേ?!" പറഞ്ഞുകൊണ്ട് റൊസാരിയോ തന്‍റെ ഫോണെടുത്ത് ഡയല്‍ ചെയ്തതും മസീസയുടെ വിശദ വിവരങ്ങള്‍ ചിക്കി ചികയാന്‍ കോണര്‍ അകത്തേക്ക് പോയി. "ഹലോ 24*7 ന്യൂസ് ചാനല്‍. ആരാ സംസാരിക്കുന്നത്?" മറുഭാഗത്തെ ശബ്ദം. "സംസാരിക്കുന്നയാളെ ഞാന്‍ നിങ്ങള്‍ക്ക് പിന്നീട് പരിചയപ്പെടുത്തി തരാം. തല്ക്കാലം ഒരാഴ്ച ആഘോഷിക്കാനുള്ള കൂട്ട് നിങ്ങള്‍ക്ക് സമ്മാനിക്കാന്‍ വേണ്ടിയാണ് എന്‍റെയീ ഫോണ്‍ കോള്‍. ഒരു കിഡിലന്‍ കഥാപാത്രം.!" റൊസാരിയോ പറഞ്ഞു. "ഏത് കഥാപാത്രം?! എന്താണ് നിങ്ങളുടെ സമ്മാനം?! ആരാണയാള്‍?!" റോസാരിയോ ലൂയിസ് ഒന്നു ചിരിച്ചു : "ദി ഹൂഡിമാന്‍! ബ്ലഡി ഹൂഡിമാന്‍! അവന്‍ അങ്കത്തിന് കൊടി കയറ്റി കഴിഞ്ഞിരിക്കുന്നു." വ്യക്തമായ ഒരു തീരുമാനമെടുക്കാന്‍ കഴിയാതെ കോബ മകന്‍റെ മുറിയില്‍ ഉലാത്തുകയായിരുന്നു. നെല്‍സനും മരിയയും, ഒന്നും മനസ്സിലാവാതെ മസീസയും അയാളുടെ കൂടെയുണ്ട്. അപ്പോഴാണ് ഇന്‍റര്‍കോം ശബ്ദിച്ചത്. കോബ അറ്റന്‍ഡ് ചെയ്ത് ചെവിയില്‍ ചേര്‍ത്തു. മറുതലയ്ക്കല്‍ മോറിസ് : "ബോസ്., ആ ടിവിയൊന്ന് ഓണ്‍ ചെയ്ത് ന്യൂസ് ചാനല്‍ വെയ്ക്കൂ. കാണാന്‍ പാടില്ലാത്ത ചില ആട്ടം അതില്‍ അരങ്ങേറുന്നുണ്ട്." കേട്ടപാതി കോബ ടിവി ഓണ്‍ ചെയ്ത് ന്യൂസ് ചാനല്‍ വെച്ചു. കരണ്‍ സമ്മാനിക്കുന്നതിന് മുന്‍പേ റൊസാരിയോയുടെ സമ്മാനം അതില്‍ നിറഞ്ഞാടി. മരിയയും നെല്‍സനും മസീസയും കോബയോടൊപ്പം ആ വാര്‍ത്ത കണ്ണിമ വെട്ടാതെ വീക്ഷിച്ചു. "ദി ഹൂഡിമാന്‍.! മെക്സിക്കോ സിറ്റിയുടെ രക്ഷയ്ക്കായി പിറവിയെടുത്ത ഒരു അവതാരമെന്ന് ഈ കഥാപാത്രത്തെ വിശേഷിപ്പിക്കാം. നിരവധി കേസുകളില്‍ പ്രതിയായി ചേര്‍ക്കപ്പെട്ട ആല്‍ബര്‍ത്തോയേയും സംഘത്തേയും സൂപ്പർ മാർക്കറ്റിലിട്ട് നിലം തൊടാതെ പറന്നടിക്കുന്ന ഹൂഡിമാന്‍ എന്ന ഈ അപൂര്‍വ്വ സൂപ്പര്‍ ഹീറോ ഇപ്പോള്‍ ജന മനസ്സുകള്‍ കീഴടക്കുകയാണ്. സിറ്റിയിലെ പ്രമുഖന്‍ മിസ്റ്റര്‍ ഡിക്സന്‍ കോബയുടെ ദത്ത് സഹോദരനായ ആല്‍ബര്‍ത്തോ ഈ ഹൂഡിമാന്‍റെ കനത്ത പ്രഹരമേറ്റ് ഒരു സ്വകാര്യ ആശുപത്രിയില്‍ വളരെ രഹസ്യമായ ട്രീറ്റ്മെന്‍റിലാണ് ഇപ്പോഴെന്ന് ന്യൂസ് ചാനലിന് അറിവ് ലഭിച്ചിട്ടുണ്ട്. ഒരിടത്തും തന്‍റെ മുഖം വെളിപ്പെടുത്താതെയാണ് ഹൂഡിമാന്‍ താണ്ഡവമാടുന്നത്. അധര്‍മ്മങ്ങള്‍ക്കെതിരെ പടവാളെടുത്ത് ഇറങ്ങി തിരിച്ച ഒരു ലോകാവസാന അവതാരമാണോ ഈ ഹൂഡിമാന്‍?! എന്തൊക്കെയാണ് ഇയാളുടെ അടുത്തടുത്ത ലക്ഷ്യങ്ങള്‍?! ആര്‍ക്കും ഒന്നും അറിയില്ല. കേസ് അന്വേഷിക്കുന്ന ഉദ്യോഗസ്ഥര്‍ക്കു പോലും. ആകെ അറിയാവുന്നത് ഒന്നേയൊന്നു മാത്രം. ഹൂഡിമാന്‍ എന്നത് മിഥ്യയല്ല, സത്യമാണ്..! ഇദ്ധേഹത്തെ കൂടുതല്‍ അറിയാന്‍ നിരവധി ഫോണ്‍കോളുകളാണ് ഇപ്പോള്‍ ന്യൂസ് ചാനലില്‍ എത്തിക്കൊണ്ടിരിക്കുന്നത്." കോബയുടെ രക്തം തിളച്ചു. അയാള്‍ ഉടനേ മോറിസിനെ വിളിച്ചു വരുത്തി. അപ്പോഴും ടീവിയില്‍ നിന്നും കണ്ണെടുക്കാതെ നില്‍ക്കുകയായിരുന്നു മസീസ. "ഈ ശരീര പ്രകൃതി ഞാന്‍ എവിടെയോ?!" അവള്‍ മനസ്സില്‍ പിറുപിറുത്തത് ആരുംതന്നെ കേട്ടില്ല. "മോറീസ്, ഇതാണോ ഇതാണോ ആ പന്നന്‍ എനിക്കു വേണ്ടി ഒരുക്കി വച്ച സമ്മാനം?" കോബയുടെ കലിയടങ്ങിയില്ല. "ആയിരിക്കാന്‍ സാധ്യതയില്ല ബോസ്. അഞ്ചു മണിയാവാന്‍ ഇനിയും ഒരു മണിക്കൂറുണ്ട്. നൗ ഇറ്റ്സ് ഫോര്‍ ഒ ക്ലോക്ക്." മോറിസ് അഭിപ്രായപ്പെട്ടു. "വിളിക്ക്.. ഹോസ്പിറ്റലിലേക്ക് വിളിക്ക്. ആല്‍ബര്‍ത്തോയുടെ അടുത്ത് ആരെങ്കിലും എത്തിയോ എന്ന് അന്വേഷിക്ക്." കോബ വെറി പിടിച്ചു. മോറീസ് ആജ്ഞ അനുസരിച്ചു. അപ്പോഴേക്കും മരിയ അവിടെ എത്തിയിരുന്നു. "ഇല്ല ബോസ്. അവിടെ ആരും തന്നെ എത്തിയിട്ടില്ല. നമ്മുടെയാളുകള്‍ അല്‍പ്പം കൂടി ജാഗരൂകരാണ്." മോറിസ് കോബയെ ഭീതിയോടെ നോക്കി പറഞ്ഞു. "അപ്പോള്‍ പിന്നെ ഈ വീഡിയോ ന്യൂസ് ചാനലിലേക്ക് അയച്ചു കൊടുത്തത് ആരാണ്??!" ബംഗ്ലാവ് ഒന്നാകെ അയാളുടെ ഗര്‍ജ്ജനത്തില്‍ വിറച്ചു പോയി. "ഡിക്സന്‍. എന്തൊക്കെയാ ഇത്.?! ഒന്നടങ്ങൂ പൊന്നേ.!" മരിയ അയാളുടെ തോളില്‍ തൊട്ടു. അപ്പോഴും അഗ്നിയാല്‍ പൊള്ളുകയായിരുന്നു ഡിക്സന്‍ കോബ. "ഹഹഹഹ.. ഇത്.. ഇതുമതി.. ആ നായിന്‍റെ മോന്‍ കോബ ഉരുകാന്‍." പോലീസ് സ്റ്റേഷനില്‍ ഇരുന്ന് വലിയ വായില്‍ റൊസാരിയോ ചിരിച്ചു. കോണര്‍ അടുത്തുതന്നെ നില്‍പ്പുണ്ടായിരുന്നു. "ഇത് മൂലം നമുക്കാണ് ലാഭം കോണര്‍. ഈ വാര്‍ത്ത പുറം ലോകം അറിയുന്നതോടെ ഹൂഡിമാന്‍ വെളിച്ചത്തു വരാന്‍ സാധ്യതയേറെയാണ്. അതുകൊണ്ടാണ് ഞാനൊന്നു കയറ്റി കളിച്ചത്." റൊസാരിയോ ലൂയിസ് ചിരി നിര്‍ത്തിയില്ല. "സര്‍., അഞ്ചു മണിയായി." കോണര്‍ പറഞ്ഞപ്പോഴാണ് ഭിത്തിയിലെ ഘടികാരത്തില്‍ റൊസാരിയോയുടെ കണ്ണുകള്‍ പതിഞ്ഞത്. ഡിക്സന്‍ കോബയുടെ ഫോണ്‍ ശബ്ദിച്ചു. അയാള്‍ സംശയത്തോടെ ഡിസ്പ്ലേയില്‍ നോക്കി. പ്രൈവറ്റ് നമ്പറാണ്. "ബോസ്സ്, അഞ്ചു മണിയായി. ഈ കോള്‍ അവനായിരിക്കും." മോറീസ് അറിയിച്ചു. നെല്‍സന്‍റെയും മരിയയുടെയും മസീസയുടേയും കണ്ണുകളില്‍ ഭീതി നിഴലിച്ചു. അവരെല്ലാം ഉറ്റു നോക്കി നില്‍ക്കേ കോബ അറ്റന്‍ഡ് ചെയ്തു. "മിസ്റ്റര്‍ ഡിക്സന്‍ കോബ?" "യെസ്." "ആരാണ് സംസാരിക്കുന്നതെന്ന് ഞാന്‍ വ്യക്തമാക്കി തരേണ്ടതില്ലല്ലോ." കോബ മൗനം പാലിച്ചു. "ഇതാണ് ആ സമയം. നിനക്ക് ഞാന്‍ സമ്മാനം നല്‍കാമെന്നു പറഞ്ഞ സമയം. ഞാനധികം ലാഗ് അടിപ്പിക്കുന്നില്ല. നേരേ കാര്യത്തിലേക്ക് കടക്കാം. സിറ്റിയ്ക്ക് പുറത്ത് മറോവന്‍ മലനിരകള്‍ക്കടുത്തായി നിന്‍റെ നിയന്ത്രണത്തില്‍ കൊണ്ടു പോകുന്ന ഒരു കെട്ടിടമുണ്ട്. രാജ്യത്തിനകത്തും പുറത്തും നീ ഒഴുക്കി വിടുന്ന പലതരത്തിലുള്ള ഡ്രഗ്സുകളുടെ ഒരു കമനീയ ശേഖരമാണ് അതിനകത്ത്. കൂടാതെ എന്തിനും തയ്യാറായ നിന്‍റെ കുറേ പേപ്പട്ടികളും നിന്‍റെ ആജ്ഞയും കാത്ത് അതിനകത്തുണ്ട്. ഒരു ഫോഴ്സിനോ ഒരു പോലീസ് ഡിപ്പാര്‍ട്ടുമെന്‍റിനോ കണ്ടു പിടിക്കാന്‍ കഴിയാത്ത നിന്‍റെ ആ പാതി സാമ്രാജ്യം ഇപ്പോള്‍ ഒരുപിടി ചാരാമാകാന്‍ പോവുകയാണ്." "യൂ ബ്ലഡീ മദർ ഫക്കർ..." കോബയുടെ അലര്‍ച്ച കേട്ട് മരിയ രണ്ടടി പുറകോട്ട് മാറി. "ഇനി അലറിയിട്ടോ പൊട്ടിത്തെറിച്ചിട്ടോ കാര്യമില്ല മിസ്റ്റര്‍ ഡിക്സന്‍ കോബ. ഇത് നിന്‍റെ പതനത്തിന്‍റെ രണ്ടാം അദ്ധ്യായം.!" അത്രയും പറഞ്ഞ് കരണ്‍ നിര്‍ത്തിയതും കാതടിപ്പിക്കുന്ന ശബ്ദത്തില്‍ വലിയൊരു സ്ഫോടനം കോബ ഫോണിലൂടെ കേള്‍ക്കുകയായിരുന്നു. തൊട്ടു പിന്നാലെ കോള്‍ കട്ട് ആവുകയും ചെയ്തു. കോബ തരിപ്പോടെ നിന്നു. എതിരാളി താന്‍ ഉദ്ധേശിക്കുന്നതിനേക്കാള്‍ ശക്തന്‍ തന്നെയെന്ന സത്യം അയാള്‍ മെല്ലെ ഉള്‍ക്കൊണ്ടു. മറ്റൊരു ഉദ്യോഗസ്ഥനില്‍ നിന്നും വിവരമറിഞ്ഞ റൊസാരിയോ കണ്ണുകള്‍ തള്ളി എഴുന്നേറ്റു. അവൻ ആരംഭിച്ചിരിക്കുന്നു ദി ബ്ലഡി ഹൂഡിമാന്‍..!!! 🔥🔥🔥 ((തുടരും)) കണ്ണൂർകാരൻ 🥰🥰🥰 #📔 കഥ #📙 നോവൽ #✍ തുടർക്കഥ #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ